Read urhobo 1 Samuẹl 12 Bible Online

1 Samuẹl 12 - urhobo bible

1 Samuẹl 12

¹Samuẹl da ta kẹ ihwo rẹ Izrẹl ejobi, Nighe, mi nyo obo rẹ ovwan ta kẹ vwẹ ejobi, me da vwẹ ovie mu kẹ ovwan.

²Asakiephana, gbe nighe, ovie na kọye ri sun ovwan na; me ghwore me djẹ esha re, nighe, emọ mẹ keye vẹ ovwan gba herọ na; ye me vẹ ovwan re gba herọ nẹ imitete mẹ rhe rhi te ẹdẹ ri nonẹ na.

³Mẹvwẹ na; we gbe se oseri mu vwe vwẹ obaro rẹ Ọrovwohwo kugbe obaro rẹ ohwo ra vwẹ evwri te. Ono ri vwo erhuẹn ọshare ri mi muru? Eyẹ konọ vwo ekẹtẹkẹrẹ ri mi muru? Eyẹ kono me ghwarẹ? Ono mi shenyẹ? Eyẹ kono me re udi mie ro rhu vwẹ ẹro? We se oseri hwe vwe re me rhan ayen rhivwi kẹ ovwan.

⁴Ayen da ra, Wọ je ghwa avwanre re-e eyẹ shenyẹ avwanre-e eyẹ wọ reyọ emu mie ohwo ọvuọvo-o.

⁵Ọ da ta kẹ ayen, Ọrovwohwo oseri mẹ, ohwo rọye rọ vwẹ evwri te je hẹ oseri nonẹ na, nẹ ovwan mrẹ oruchọ vwẹ obọ mẹ-ẹ. Ayen da ta, ọye Oseri.

⁶Samuẹl da ta kẹ ihwo na, Ọrovwohwo ọye oseri ohwo rọ vwi Mosis vẹ Erọn vwo mu nẹ reyọ esẹ rẹ ovwan nẹ otọ rẹ Ijipt rhe.

⁷Asakiephana we gbe mudia fọ gbiẹi, rere me vẹ ovwan roro ota na vwẹ obaro rẹ Ọrovwohwo kpahe emu esiri ejobi rẹ Ọrovwohwo ru kẹ ovwan vẹ esẹ rẹ ovwan.

⁸Ọke ri Jekọp vwo kpo Ijipt rẹ ihwo rẹ Ijipt wo shenyẹ ayen, etiyin esẹ rẹ ovwan da viẹ se Ọrovwohwo, Ọrovwohwo de ji Mosis vẹ Erọn, ayen da reyọ esẹ rẹ ovwan nẹ otọ rẹ Ijipt rhe, ọ da vwẹ etine na kẹ ayen dia.

⁹Ẹkẹvuọvo Ọrovwohwo Ọghẹnẹ rayen da chọrọ ayen ẹro; ọda shẹ ayen ki Sisera, onotu rẹ ofovwi ri Jabin ovie ri Hazor, o je she ayen kẹ ihwo ri Filistia, je vwọ kẹ ovie ri Moab; ayen da họnre ayen.

¹⁰Ayen da viẹ kẹ Ọrovwohwo, tanẹ Avwanre ru umwemwu, fikiridie avwanre sen Ọrovwohwo na, avwanre da gọ Baal kugbe Ashera, ẹkẹvuọvo asakiepbana sivwi avwanre nẹ obọ rẹ ivwighrẹ rẹ avwanre, kẹ avwanre ga wẹ.

¹¹Ọrovwohwo de ji Jerubbaal vi Barak, kugbe Jefta vi Samuel, ayen de sivwi ovwan nẹ obọ rẹ ivwighrẹ rẹ ovwan vwi kabọ kabọ; wa da dia vwẹ ufuoma.

¹²Wa vwọ mrẹ nẹ Nahash ovie rẹ ihwo rẹ Ammọn kpare ohọnre vwọ so ovwan, wa da ta kẹ vwẹ, ẹjo, ẹkẹvuọvo ma guọnọ ovie ro sun avwanre, vwẹ ọke rẹ Ọrovwohwo rẹ Ọghẹnẹ rẹ ovwan vwọ hẹ ovie rẹ ovwan.

¹³Asakiephana gbe nighe ovie na rẹ ovwan jẹreyọ na, rẹ ovwan nọ ekpẹn rọye na; nighere, Ọrovwohwo vwẹ ovie na mu kẹ ovwan rẹ.

¹⁴Wa da djẹ oshọ rẹ Ọrovwohwo wa da ga, we de nyo ota rọye we rhe miovwi urhi rẹ Ọrovwohwo-o, te ovwan te ovie rọ ria vwẹ enu rẹ ovwan na de se nene Ọrovwohwo Ọghẹnẹ rẹ ovwan ko yovwi;

¹⁵ẹkẹvuọvo we gbi nyo ota rẹ Ọrovwohwo-o, we de miovwi urhi rẹ Ọrovwohwo na, Etiyin obọ rẹ Ọrovwohwo kọ cha tua kpahe ovwan kugbe ovie rẹ ovwan na

¹⁶Asakiephana we gbe mudia fọ re owa mrẹ okpemu nana, rẹ Ọrovwohwo che ru kẹ ovwan mrẹ na

¹⁷Nonẹ na dia ọke orhọ rẹ oka-a Mi che se Ọrovwohwo rere ọ rhọ osio vẹ agbrara; ku wa riẹn ku wa mrẹ nẹ uvumwemwu rẹ ovwan ghine rho, ru we ruru vwẹ obaro rẹ Ọrovwohwo re wa vwọ nọ ekpẹn rẹ ovie kẹ oma rẹ ovwan.

¹⁸Etiyin Samuẹl de se Ọrovwohwo, Ọrovwohwo da vwẹ agbrara vẹ osio rhe vwẹ ẹdẹ yena; ihwo na ejobi da djẹ oshọ rẹ Ọrovwohwo vi Samuẹl gangan.

¹⁹Ihwo na ejobi da ta kẹ Samuel, Rẹ Ọrovwohwo Ọghẹnẹ wẹn na kẹ idibo wẹn, rere avwanre vwo je ghwo; kidie avwanre rhoma vwẹ umwemwu nana ba imwemwu rẹ avwanre ri jovwo, rẹ avwanre vwo nọ ekpẹn rẹ ovie kẹ oma rẹ avwanre.

²⁰Samuẹl da ta kẹ ihwo na, Wa djẹ oshọ-ọ, we ru emu umwemwu nana ejobi, yi we ji chuko ku Ọrovwohwo-o, ẹkẹvuọvo wa je vwẹ udu rẹ ovwan ejobi vwọ ga Ọrovwohwo;

²¹we re rhivwi bru emu ifefe ri vwo erere eyẹ esivwo-o, kidie emu ifefe ayen ruẹ.

²²Kidie Ọrovwohwo cha sa djẹ ihwo rọye kufia-a, fiki rẹ odẹ rọye rode, fikiridie o je Ọrovwohwo rọ vwọ vwẹ ovwan ru ihwo kẹ oma rọye.

²³Ọ rọ marho mi che ru umuemwu kpahe Ọrovwohwo re mi se jẹ ẹrhovwo ẹnẹ kẹ Ọrovwohwo fiki rẹ ovwa-an; ki mi yono ovwan phihọ idjerhe rẹ esiri vẹ ọsoso.

²⁴Takpe wa djẹ oshọ rẹ Ọrovwohwo wa ga vwẹ ọ rẹ uyota vwẹ udu rẹ ovwan ejobi, kidie roro okpemu ride ro ru kẹ ovwan.

²⁵Ẹkẹvuọvo we de rhe ru emu umwemwu, ke hwerhe ovwan kufia, te ovwan te ovie rẹ ovwan.