Read urhobo 1 Samuẹl 16 Bible Online

1 Samuẹl 16 - urhobo bible

1 Samuẹl 16

¹Ọrovwohwo da ta kẹ Samuel, Mavọ wo vwerhi Sọl kri te, yu wọ mrẹre nẹ Me senrọ nọ dia ovie vwẹ Izrẹli-i? Ku evwri phihọ ukoko wẹn, wọ yanran; mi ji we bru Jesse ohwo ri Bẹtlẹhẹm, kidie Me sanọ ovie kẹ oma mẹ vwẹ ohri rẹ emọ rọye nure.

²Samuẹl da ta, mavọ mi ru ra? ọ da dianẹ Sọl nyori, ko hwe vwe. Ọrovwohwo da ta, Reyọ Ọmọ rẹ erhuẹn nene oma, re wọ ta, Mi rhi ze izobo kẹ Ọrovwohwo na.

³Gbe se Jesse rhe izobo na, ki mi dje obo wo ru kẹ wẹ; ku wọ cha vwẹ evwri ghworo ohwo ri mi che se odẹ rọye kẹ wẹ na kẹ vwẹ.

⁴Samuẹl de ru kirobo rẹ Ọrovwohwo ji urhi kẹ, ọ da rhe Bẹtlẹhẹm. Ekpako rẹ orere na da rhe vwa yẹ ayen phariẹ, ayen da ta, Arherha wọ vwọ rhe?

⁵Ọ da ta, Arherha; mi rhi ze izobo kẹ Ọrovwohwo; we phorho oma rẹ ovwan, ru we nene uvwe kpo obo izobo na. ọ de phorho Jesse vẹ emọ rọye oma, o de se ayen kpo obo izobo na.

⁶Ọke rẹ ayen vwọ rhe, o de ni Ehab o de roro, Uyota ohwo rẹ Ọrovwohwo vwẹ evwri ghworo na ọye hẹ obaro rọye na.

⁷Ẹkẹvuọvo Ọrovwohwo da ta kẹ Samuel, wo nẹ ekroma rọye-e eyẹ obo rọ rhuoma te eyẹ ugrogro-o, fikiridie Me senrọ nure; kidie Ọrovwohwo nẹ kirobo rẹ ohwo rẹ akpọ nẹ-ẹ; ohwo rẹ akpọ nẹ ekroma, ẹkẹvuọvo Ọrovwohwo nẹ evun rẹ udu.

⁸Etiyin Jesse de se Abinadab, ọ da wan obaro ri Samuẹl vrẹn. ọ da ta, Ọrovwohwo je jẹ ọnana rhe-e.

⁹Etiyin Jesse da ta nẹ Shammah wanvrẹn Samuẹl da ta Ọrovwohwo je jẹ onana-a.

¹⁰Jesse de se emọ rọye ighwrẹ na ne wanvrẹn obaro ri Samuel. Samuẹl da ta kẹ Jesse, Ọrovwohwo jẹ enana ọvuọvo-o.

¹¹Samuẹl da ta kẹ Jesse, Emọ wẹn ejobi jẹ etinẹ? Ọ da ta, ọ rẹ otete ejobi kọye chekọ, ẹkẹvuọvo nighe, ọye re serọ rẹ igodẹ na. Samuẹl da ta kẹ Jesse, ji ohwo re se rhe; kidie avwanre che tidia etinẹ bẹsiẹ rọ vwọ rhe-e.

¹²O de ji ohwo, ra reyọ rhe. E de no ọ pha tubie tubie, vẹ lbiẹro yoyovwi, o vwo erhuvwu gangan. Ọrovwohwo da ta, Vrẹn, vwẹ evwri ghworo; kidie ọna ọye.

¹³Etiyin Samuẹl da reyọ ukoko rẹ evwri na, ọ da vwẹ evwri ghworo vwẹ uherevie rẹ iniọvo rọye; Erhi rẹ Ọrovwohwo de ghwe mu Devid gele nẹ ẹdẹ yena yanran. Samuẹl vrẹnri, o de kpo Ramah.

¹⁴Kọye rẹ Erhi rẹ Ọrovwohwo da kua nẹ oma ri Sọl, erhi umwemwu de nẹ obọ rẹ Ọrovwohwo rhe rhi kpokpo.

¹⁵Idibo ri Sọl da ta kẹ, Nighere Asakiephana, erhi umwemwu ro nẹ obọ rẹ Ọghẹnẹ rhe kpokpo uwe re.

¹⁶Gbe jẹn ọrovwanwanre ji urhi kẹ idibo rọye, re hẹ obaro wẹ na, re ra guọnọ ohwo ro se hworo isorogun; rẹ ọke rẹ erhi umwemwu ro nẹ obọ rẹ Ọghẹnẹ rhe na de bru we rhe, ko hworo, oma ko vworo uwe.

¹⁷Etiyin Sọl da ta kẹ idibo rọye, wa guọnọ ohwo ro se hworo gangan, re we vwo rhe vwe.

¹⁸Emeghele na ọvo da kpahe, Nighere, me mrẹ ọmọ ri Jesse ohwo ri Bẹtlẹhẹm, rọ riẹn hworo gangan, ọ gba, ohwo rẹ ofovwi, ọ vẹ ọhọ rẹ ota, ohwo vẹ erhuvwu; Ọrovwohwo vẹ ọye herọ.

¹⁹Sọl de ji ikọn bru Jesse ọ da ta, Vwẹ ọmọ wẹn Devid vwo rhe vwe, ọ ro churu igodẹ na.

²⁰Jesse da reyọ ekẹtẹkẹtẹ e de kru oghwa rẹ ikara nyẹ, kugbe ọgọ rẹ udi vẹ upene rẹ ẹvwe, ọ da vwẹ ayen kẹ Devid ọmọ rọye vwo rhe Sọl.

²¹Devid de bru Sọl rhe, ko ru iruo kẹ. Ivun rọye da vwerhe Sọl gangan, kọye ri mu ekpu rẹ ofovwi rọye.

²²Sọl da vuẹ rhe Jesse, tanẹ, Jẹn Devid ghwe ru iruo kẹ vwẹ, kidie uruemu rọye je vwe.

²³Kọke kọke rẹ erhi umwemwu na de nẹ obọ rẹ Ọghẹnẹ bru Sọl rhe, Devid kọ vwẹ obọ rọye hworo isorogun na, oma ri Sọl me sasa, oma rọye me gan erhi umwemwu na me wan no.