Read urhobo 1 Samuẹl 3 Bible Online

1 Samuẹl 3 - urhobo bible

1 Samuẹl 3

¹Asakiephana ọmọ re se Samuẹl na re gbe odibo kẹ Ọrovwohwo vwẹ otọ rẹ Eli. Ota rẹ Ọrovwohwo da kare vwẹ Izrẹl vwẹ ọke yena; a gbe sa mrẹ emramrẹ phẹphẹre-e.

²Vwẹ ọke yena Eli, rẹ ẹro rọye hiro dje, rọ gbe sa mrorẹ-ẹ na, yo shevwerhẹ ehwa rọye;

³urhukpẹ rẹ Ọghẹnẹ na ji fu-u, yi Samuẹl shẹvwerhẹ vwẹ evun rẹ uwevwi rẹ ẹga rẹ Ọrovwohwo na, asan rẹ ekpeti rẹỌghẹnẹ epha.

⁴Ọrovwohwo de se, Samuel; Samuel! o de nyo, Mẹvwẹ na,

⁵ọ da djẹ bru Eli, ọ da ta, Mẹvwẹ na, kidie wo se vwe. Ẹkẹvuọvo ọ da ta, Mi seri-i; rhoma re shevwerhẹ. Etiyin ọ da rhoma re shevwerhẹ.

⁶Ọrovwohwo da rhoma se, Samuẹl Etiyin Samuẹl de vrẹn ọ da yan bru Eli, ọ da ta, Mẹvwẹ na, kidie wo se vwẹ. Ẹkẹvuọvo ọ da ta, Mi seri-i, ọmọ mẹ; rhoma shevwerhẹ.

⁷Asakiephana yi Samuẹl je riẹn Ọrovwohwo na-a, ya je vwẹ ota rẹ Ọrovwohwo phia kẹ-ẹ.

⁸Ọrovwohwo da rhoma se Samuẹl obọ rerha. ọ de vrẹn bru Eli, ọ da ta, Mẹvwẹ na, kidie wo se vwe. Etiyin Eli de rhi vughe nẹ Ọrovwohwo ri se ọmọ na.

⁹Vwọ ọtiọye na Eli da ta kẹ Samnel, Yanran, re shevwerhẹ; ọda dianẹ o ji se we, ku wọ ta, Ta, Ọrovwohwo, kidie odibo wẹn nyo. Etiyin Samuẹl da yanran re shevwerhẹ vwẹ asan rọye.

¹⁰Ọrovwohwo da rhe rhi mudia, ro se kerẹ ọke ri jovwo, Samuel! Samuel! Samuẹl de nyo, Ta, kidie odibo wẹn nyo.

¹¹Etiyin Ọrovwohwo da ta kẹ Samuel, Nighe, mi che ru emu vwẹ lzrẹi na, rẹ erhọn rẹ ohwo kohwo ro nyoro ko che shegbe.

¹²Vwẹ ẹdẹ yena obo re me ta kpahe Eli vẹ uwevwi rọye ke ruo gba, nẹ ẹtuọhọ re te oba.

¹³Ke me ta kẹ ni mi che hwe uwevwi rọye bẹdẹ, fiki rẹ orukuruku rọ riẹnre jovwo, fikiridie emọ rọye na ra phọphọ Ọghẹnẹ, yọ sa ghwọ ku aye-en.

¹⁴Fiki rẹ ọtiọye na ki mi duvwu iyori kẹ uwevwi rẹ Eli nẹ izobo re zeri kugbe ẹkpẹvwẹ se phoro orukuruku rẹ uwevwi rẹ Eli na nu bẹdẹ-ẹ.

¹⁵Samuẹl de shevwerhẹ re te irhiọke; etiyin o de rhie ẹchẹ rẹ uwevwi rẹ Ọrovwohwo na. Oshọ rhe ji Samuẹl ta emramrẹ na kẹ Eli-i.

¹⁶Ẹkẹvuọvo Eli de se Samuẹl ọ da ta Samuẹl, ọmọ mẹ. ọ de nyo, Mẹvwẹ na.

¹⁷Eli da ta, Didi emu ọ ta kẹ wẹ? Wo sionẹ kẹ vwẹ-ẹ. Jẹn Ọghẹnẹ ru ẹtiọye kẹ wẹ ọ rọ rhonọ ọtiọye rhe, ọ da dianẹ wo siobo ro ta kẹ wẹ nu kẹ vwẹ.

¹⁸Etiyin Samuẹl da ta emu ejobi kẹ o si emuọvo nu kẹ-ẹ. ọ da ta, ọye Ọrovwohwo, e jo ru obo ri jere.

¹⁹Samuẹl da rho, Ọrovwohwo vẹ ọye da herọ o gbi jẹ ota rọye ọvuọvo she kufia-a.

²⁰Izrẹl ejobi nẹ Dan re te Beer-sheba da riẹn Samuẹl nẹ orherẹn rẹ Ọrovwohwo vwo mu.

²¹Ọrovwohwo da rhoma vwẹ oma phia vwi Shiloh, kidie Ọrovwohwo vwẹ oma rọye phia kẹ Samuẹl vwi Shiloh vwẹ oma rẹ ota rẹ Ọrovwohwo na.