Read كتاب مقدّس, 1950 تكوين 4 Bible Online

تكوين 4 - كتاب مقدّس, 1950 bible

تكوين 4

¹آدم اوز خاتونى حوّاغه يقينليق قيلسه اول حامله بولوب قاين-نى توغوب: خداوندنينگ ياردمى بيلان بر آدم تاپتيم ديب ايتّى.

²اندين كين قاين-نينگ اينى-سى بولغان هابل-نى توغدى. هابل بولسه قوى باقغوچى ايردى اما قاين اوزى دهقان ايردى.

³برنچه وقت-دين كين واقع بولديكه قاين يرنينگ حصوليدين خداوندگا هديه كلتوردى.

⁴هابل-مو قوى-لارى-نينگ تونجيلارى-نينگ اوزى بيلان اولارنينگ ياغيدين هديه كلتوردى. كلتورسه خداوند هابل-نينگ اوزى بيلان انينگ هديه-سى-نى قبول قيلدى.

⁵اما قاين بيلان انينگ هديه-سى-نى قبول قيلمادى. مونينگ اوچون قاين-نينگ تولا اچّيغى كليب چرايى بوزولدى.

⁶اول وقت خداوند قاين-غه سوزلاب: نمه ايشقه اچّيغلانورسن؟ نمه اوچون چراينگ بوزولوب قالدى؟

⁷اگر كونگلونگ يخشى بولسه يوزونگ اوچوق كورونور-ايردى ليكن اگر كونگلونگ بوزولغان بولسه منا گناه ايشيكده توروب سنگا اشتياق تارتادور. اما سنينگ انگا غالب بولماقينگ كيراك ديدى.

⁸قاين اينى-سى بيلان غاجالاشيب توروب صحرادا بولغانيدا واقع بولديكه قاين هابلغه ضدّ قوپوب انى اولتوردى.

⁹اول وقت خداوند قاين-غه سوز قيليب: اينينگ هابل نه يرده-دور ديب سوردى. اول جواب بريب: بيلمايمن. من اينيم-نينگ باقغوچى-سى-مو ديدى.

¹⁰خدا ايتّيكه سن نمه قيلدينگ؟ منا اينينگ-نينگ قانى يردين منگا فرياد قيلادور.

¹¹ايمدى سن قولونگدين اينينگ-نينگ قانى-نى قبول قيلغالى اغزينى اچقان يردين قوغلانيب ملعون بولورسن.

¹²سن يرگا ايشلاسانگ-مو اول موندين كين سنگا قوّتى-نى برماى توروب اليب يريوزيده سرگردان بولوب اواره قيلينورسن ديدى.

¹³مونى انگلاب قاين خداوندگا عرض قيليب: منينگ سزايم بولسه طاقتيم-دين تاشقارى-دور.

¹⁴منا بو كون سن منى تريم يردين قوغلادينگ من ايمدى سنينگ يوزونگدين ياشونوب يريوزيده سرگردان بولوب اواره قيلينورمن. شونداغ بولوركه كيم منى تاپسه اولتورماكچى-بولور ديدى.

¹⁵خداوند انگا جواب بريب: ياق بلكه كيم-كه قاين-نى اولتورسه انينگدين يته قطار انتقام الينور ديدى. شونى ديب خداوند اوزى قاين-غه اوچراشغان كشى-نينگ هيچ برى انى اولتوروب اتماسون ديب انگا بر نشانه قيليب بردى.

¹⁶اندين كين قاين خداوندنينگ حضوريدين چيقيب كتيب عدن-نينگ مشرق طرفيداكى نود ديگان يورت-دا اولتوروب قالدى.

¹⁷قاين اوز خاتونيغه يقينليق قيلسه اول حامله بولوب حنوك-نى توغدى. اول وقت قاين بر شهر بنا قيليب اوغلى-نينگ اسميده شهرنينگ اتى-نى حنوك قويدى.

¹⁸حنوك-نينگ اوزيدين عيراد تورالدى، عيراددين محويائيل تورالدى، محويائيلدين متوشائيل تورالدى، متوشائيلدين لامك تورالدى.

¹⁹لامك بولسه اوزيگا ايكى خاتون الدى. برى-نينگ اسمى عاده ينه برى-نينگ اسمى صِلّه ايردى.

²⁰عاده-نينگ اوزى يابل-نى توغدى. بو اوزى چادردا اولتورغوچى بيلان مال باقغوچيلارنينگ آتاباباسى بولدى.

²¹انينگ اينى-سى-نينگ اسمى يوبال ايردى. بو اوزى چنگ بيلان نَى چالغوچيلارنينگ آتاباباسى بولدى.

²²صِلّه بولسه توبال قاين ديگان بر اوغول-نى توغدى. بو اوزى ميس تمور كسادورغان هر قسم اسباب-لارنى سوقغوچى بولدى. توبال قاين-نينگ نعمه ديب بر همشيره-سى بار ايردى.

²³اما لامك خاتونلاريغه سوز قيليب: اى عاده بيلان صِلّه سوزوم-نى انگلانگلار اى لامك-نينگ خاتونلارى گبيم-گا قولاق سالينگلار! هر بر زخميم اوچون بر آدم-نى اولتوروب هر بر زده-م اوچون بر يگيت-نى قتل قيلديم.

²⁴اگر قاين-نينگ سزاسى يته قطار بولغان بولسه البته لامك-نينگ يتميش يته قطار بولور ديدى.

²⁵اما آدم بولسه اوز خاتونيغه ينه يقينليق قيلدى. خاتون-نينگ اوزى بر اوغول توغوب انگا شيث ديب آت قويوب: قاين اولتورگان هابل-نينگ اورنيغه خدا منگا باشقه بر بلانى بردى ديب ايتّى.

²⁶شيث-نينگ اوزيگا هم بر اوغول توغولدى. توغولسه اول انگا انوش ديب آت قويدى. اول وقت-دين تارتيب خداوندنينگ اسميگا دعا قيلغالى تورديلار.