Read كتاب مقدّس, 1950 تكوين 45 Bible Online

تكوين 45 - كتاب مقدّس, 1950 bible

تكوين 45

¹اول وقت يوسف همه حاضر تورغانلارنينگ آلديدا اوزينى توختاتالماى: همه-سى-نى آلديم-دين چيقارغيل ديب قچقيردى. يوسف اوز اوزينى برادرلاريگا اشكارا قيلغانيدا هيچ كيم انينگ قاشيدا تورمادى.

²اول بولسه مصرليق-لارنينگ اوزى بيلان فرعون-نينگ اوى خلقى انگلاغوديك اونلوك آواز بيلان يغلاغالى توردى.

³يوسف اوز برادرلاريگا: من اوزوم يوسف بولورمن. آتام حاضر حيات-مو ديب ايتّى. اما برادرلارى انينگدين قورقغاچ انگا هيچ جواب برالماى قالدى.

⁴ليكن يوسف اوز برادرلاريگا: منگا يقين كلينگلار ديدى. اولار يقين كلسه اول سوز قيليب: من بولسام سيزلار انى ساتيب مصرغه ايبارگان برادرينگيز يوسف بولورمن.

⁵سيزلار بولسانگيز منى ساتيب بو يرگا ايبارگانينگيزگا ايمدى غمكين بولوشوب پريشانليق تارتيشمانگلار چونكه خدا اوزى جانلارينگيزنى قوتقازماق اوچون منى سيزدين ايلگارى بو يرگا ايباريب-دور.

⁶حلى يورت-دا ايكى يل آچاچليق بولدى تخى بش يل ايچيده هيچ تريم تيكيم بولماى اورما-مو اورالماس.

⁷سيزنينگ نسلينگيزنى دنيادا ساقلاب چونگ نجات بريب سيزلارنى تيريك قويماق اوچون خدا منى سيزلاردين ايلگارى بو يرگا ايباريب-دور.

⁸انداغ بولغاندين كين سيزلار ايماس بلكه منى ايبارگان-نينگ اوزى خدادور. اول اوزى منى فرعونغه آتا قيليب انينگ تمام اوييگا خواجه تيكلاب تمام يورتيغه امير قيليب قويدى.

⁹ايمدى سيزلار يلدام آتام-نينگ قاشيغه باريب انينگ اوزيگا: اوغلونگ يوسف مونداغ ايتوركه خدا منى تمام مصرغه امير قيليب قويدى. سن بولسانگ حيال قيلماى منينگ قاشيم-غه كليب

¹⁰جوشن يورتيدا اولتوروب بلا بيلان نبيره-لارينگ-نى، قوى بيلان كلا و همه مال-لارينگ-نى اليب كليب منگا يقين تورغيل.

¹¹اوزونگ بيلان اوى ايچينگ و همه تعلّقينگ-نى فقيرچيليق باسيب الماسون ديب من سنى اندا پرورش قيلاى چونكه تخى بش يل آچاچليق باردور دينگلار.

¹²منا سيزنينگ كوزلارينگيز بيلان برتوققانيم بنيامين-نينگ كوزلارى بولسه سيزلارگا گب قيليب تورغان اغزيم-نى كوردى.

¹³سيز بولسانگيز آتام-غه منينگ بو مصردا تاپغان همه جلاليم بيلان بارچه كورگانينگيزنى ايتيب بريب آتام-نى يلدام بو يرگا اليب كلينگلار ديدى.

¹⁴شونى ديب اول اوزى برتوققانى بنيامين-نينگ بوينيغه گره ساليب يغلاسه بنيامين-مو انينگ بوينيغه يولانيب يغلادى.

¹⁵اندين يوسف همه برادرلارينى سويوب اولار بيلان قوچاغلاشيب يغلاسه برادرلارى انگا گب قيلغالى باشلادى.

¹⁶يوسف-نينگ برادرلارى كلدى ديگان خبر فرعون-نينگ اورداسيغه يتگانيده فرعون-نينگ اوزى بيلان خذمتكارلارى خوش بولدى.

¹⁷فرعون-نينگ اوزى يوسف-گا سوزلاب: سن بولسانگ برادرلارينگگا مونداغ قيلغالى بويوروب اولارغه: سيزلار ايمدى اولاغلارينگيزغه يوك ارتيب كنعان يورتيغه باريب

¹⁸آتانگيز بيلان خاندانينگيزنى اليب منينگ قاشيم-غه كلينگلار مصر يورتيداكى همه-دين يخشى جاى-نى سيزلارگا براى سيزلار بو يورت-نينگ يخشى نرسه-لاريدين ينگلار ديب ايتيب

¹⁹اولارنينگ اوزيگا مونداغ قيلغالى جيكالاب اولارغه: بلالارينگيزنينگ اوزى بيلان خاتونلارينگيز اوچون بو مصر يورتيدين عرابه-لار اليب باريب آتانگيزنى بو يرگا يتگوزوب كلينگلار.

²⁰اما بارچه مصر يورتى-نينگ يخشى-سى سيزنينگ-كى بولغاچ سرامجانلارينگيزنينگ توغراسيدا انديشه قيلمانگلار ديب بويورغايسن ديدى.

²¹اول وقت اسرائيل-نينگ اوغول-لارى شونداغ قيلماقچى-بولدى. يوسف بولسه فرعون-نينگ بويوروقيغه قايلاب اولارغه عرابه-لار تاپشوروب يولى اوچون اوزوق بريب

²²اولارنينگ هر بريگا بردين ينگى ايگين انعام قيلدى. ليكن بنيامين-نينگ اوزيگا اوچ يوز پارچه كموش بش ينگى ايگين بردى.

²³اول اوزى آتاسيغه-مو هديه-لار ايباريب مصرنينگ يخشى نرسه-لارى ارتيلغان اون ايشاك-نى ايباريب اشليق بيلان نان و آتاسيغه يول اوچون اوزوق ارتيلغان اون ماده ايشاك-نى-مو ايباريب

²⁴برادرلارينى يولغه سالدى. اولار مانگسه اول اولارغه: يولدا گب تالاشمانگلار ديب ايتّى.

²⁵اولار مصردين چيقيب كنعان يورتيغه آتاسى يعقوب-نينگ قاشيغه باريب

²⁶انگا گب قيليب: يوسف بولسه حاضر حيات بولوب تمام مصر يورتيغه امير ايكان ديدى. اما اول اولارغه چونپوتماگاچ يوراكى قاتيب قالدى.

²⁷ليكن اولار يوسف-نينگ اولارنينگ اوزيگا ايتقان سوزنينگ همه-سى-نى انگا ديب بريب اول اوزى يوسف-نينگ انينگ اوزينى اليب كلماك اوچون ايبارگان عرابه-لارنى-مو كورگانده اولارنينگ آتاسى يعقوب-نينگ جانيغه جان كيردى.

²⁸اول وقت اسرائيل-نينگ اوزى: ايمدى بولدى! اوغلوم يوسف حاضر حيات-دور. من اولماسده باريب انى كوراى ديدى.