Read كتاب مقدّس, 1950 خروج 28 Bible Online

خروج 28 - كتاب مقدّس, 1950 bible

خروج 28

¹سن بنى-اسرائيل-نينگ ايچيدين اوز برادرينگ بولغان هارون بيلان اوغول-لارينى اوز قاشينگغه كلتورگيل تاكه هارون اوزى بيلان انينگ ناداب، ابيهو، اليعازار و ايتامار ديگان اوغول-لارى منگا كاهن-لار بولغاى.

²سن اوز برادرنينگ هارون-نينگ عزّت و زينتى اوچون مقدّس كييم-لار طيّارلاب

³من حكمت روحى بيلان كونگل-لارينى تولدورغان همه اوستا كشيلارگا هارون-نينگ تقديس قيلينيب منگا كاهن بولماقى اوچون انگا ايگين-لار تيكيشگا بويورغيل.

⁴اولار تيكادورغان ايگين-لار بولسه سينه-بند بيلان ايفود-تونى، تاش-تون بيلان كاتاكچى كونگلاك، سلّه بيلان كمربند بولسون. هارون منگا كاهن بولسون ديب اولار برادرينگ هارون بيلان انينگ اوغول-لاريغه مقدّس ايگين-لار تيكيب

⁵مونينگغه آلتون بيلان آسمانى رنگليك و ارغوان رنگليك ييپ-نى، قرمز رنگليك بيلان آق-ييپ-نى ايشلاتسون.

⁶ايفود-تونى بولسه اولار انى آلتوندين و آسمانى رنگليك بيلان ارغوان رنگليك ييپدين، قرمز رنگليك بيلان آق-ييپدين طيّارلاب يخشى اوستانينگ قوليدين چيقغان رخت-دين تيكسون.

⁷انينگ ايكى دوله-سى بولوب ايكيلا اُوچى بربرى بيلان توتاشسون ديب موره-سيده چاپلانسون.

⁸ايفود-تونى-نينگ اوستيگا باغلايدورغان كمربند بولسه انينگ اوز رختيدين بولوب انگا اوخشاش ايشلانيب آلتوندين آسمانى رنگليك بيلان ارغوان رنگليك ييپدين، قرمز رنگليك بيلان آق-ييپدين طيّارلانسون.

⁹سن ايكى دانه جزع-تاشى-نى اليب اولارنينگ اوستيگا اسرائيل-نينگ اوغول-لارى-نينگ اسم-لارينى اويدورغيل.

¹⁰اسم-لارنينگ الته-سى بر تاشدا اويولوب قالغان الته-سى بولسه ينه بر تاشدا اويولوب همه-سى توغولغانيغه موافق پتولسون.

¹¹تاش اويغوچيلارنى تاپيب مُهر اويدورغانديك اسرائيل-نينگ اوغول-لارى-نينگ اسم-لارينى ايكيلا تاشغه اويدوروب اولارنى آلتوندين ياسالغان كاتاكچى-نينگ اچيگا قاداتيب

¹²اسرائيل-نينگ اوغول-لارى-نينگ يادگارى بولسون ديب ايكيلا تاشنى ايفود-تونى-نينگ ايكى موره-سيگا قاداب قويغيل تاكه هارون اولارنينگ اسم-لارينى خداوندنينگ حضوريغه بارغانيدا يادگارليق اوچون اوز موره-لاريده كوتارگاچ بارغاى.

¹³مونينگدين باشقه سن آلتوندين ايكى تمغه-نى ياساب

¹⁴خالص آلتوندين بولوب شوينه-ديك ايشيليب ايتيلگان ايكى زنجيرنى طيّارلاب بو ايشيلما زنجيرلارنى تمغه-لارگا بركتگيل.

¹⁵سن اوستا هنرمندنينگ قولى بيلان بر حكم سينه-بندينى ياساتيب مونى هم ايفود-تونيغه اوخشاش آلتوندين، آسمانى رنگليك بيلان ارغوان رنگليك ييپدين، قرمز رنگليك بيلان آق-ييپدين طيّار قيلدورغيل.

¹⁶بو اوزى ايكى قاتليق تورت چارسو بولوب اوزونلوقى بولسه بر غريچ بولوب توغراسى هم بر غريچ بولسون.

¹⁷انينگ اوستيگا تورت قطار قيليب جواهر تاشلارينى قاداغيل شونداغ-كه برنجى قطاردا بر قزيل-عقيق بيلان بر سريق-ياقوت و بر زُمُرّد-تاشى بولسون.

¹⁸ايكينجى قطاردا بر شب-چراغ-تاشى بيلان بر كوك-ياقوت و بر آق-عقيق-تاشى بولوب

¹⁹اوچونجى قطاردا بر عين-هُر-تاشى بيلان بر يشم-تاشى و بر جبللقوم-تاشى بولوب

²⁰تورتونجى قطاردا بر زبرجد بيلان جزع-تاشى و بر آلماس بولوب مونينگ همه-سى آلتون كاتاكچيلارى-نينگ ايچيده كوزديك اورناتيلسون

²¹بو جواهر تاشلارى بولسه اسرائيل-نينگ اوغول-لارى-نينگ اسم-لاريغه موافق اون ايكى عدد بولوب مُهر اويغانديك هر بر تاشغه اون ايكى قبيله-نينگ بردين بردين اسمى پتولسون.

²²سينه-بندگا ايشيلگان شوينه-گا اوخشاش صاف آلتوندين زنجيرلار ياساغيل.

²³مونينگدين باشقه سن سينه-بند اوچون آلتوندين ايكى حلقه ايتيب بولارنى سينه-بندنينگ ايكى باشيغه بركتيب

²⁴اوزى آلتوندين بولوب ايشيليب ياسالغان ايكى زنجيرنى سينه-بندنينگ ايكى باشيغه بركتيلگان حلقه-لاردين اوتگوزوب

²⁵بو ايشيلگان زنجيرلارنينگ قالغان ايكى اُوچى-نى ايكى تمغه-نينگ كاتاكچيلاريغه قاداب بولارنى ايفود-تونى-نينگ آلدى ايكى موره-سيگا اسيب قويغيل.

²⁶مونينگدين بولك سن آلتوندين ايكى حلقه ايتيب ايفود-تونى-نينگ ايچ كناريغه كلگان سينه-بندنينگ ينه ايكى باشيغه بركتگيل.

²⁷موندين اوزگا سن آلتوندين ايكى حلقه ياساب ايفود-تونى-نينگ ايكى دوله-سى-نينگ استيدا انينگ توتاشقان جاى-نينگ آلديغه كمربندنينگ اوستيگا اسغيل

²⁸كمربنددين ايگيز توروب ايفوددين-مو جُدا بولماسون ديب سينه-بند اوزى حلقه-لاردين اوتگوزولگان آسمانى رنگليك ييپ بيلان ايفودنينگ حلقه-لاريغه باغلانسون.

²⁹هارون اوزى خداوندنينگ حضوريغه بارغاندا يادگارليق بولسون ديب اسرائيل-نينگ اوغول-لارى-نينگ اسم-لارى يازيلغان حكم سينه-بندينى كوكسيگا قاداب بارسون.

³⁰هارون اوزى خداوندنينگ حضوريغه بارغاندا اوريم بيلان توميم انينگ كوكسيده بولسون ديب بولارنى حكم سينه-بندى-نينگ ايچيده قويغيل. مونينگ بيلان هارون خداوندنينگ حضوريدا بنى-اسرائيل-نينگ حكمى-نى هميشه اوز كوكسيده كوتارماكچى-بولور.

³¹ايفود-تونى بولسه سن انى تمام آسمانى رنگليك خريط-دين قيلغايسن.

³²انينگ باش توشوكى اوتراسيدا بولوب اوزى-نينگ ييرتيليب كتماسليكى اوچون زيره-جُبه-نينگ ياقاسيغه اوخشاش مونينگ ياقاسى-نينگ چوره-سيده توقولغان قاسقانى بولسون.

³³انينگ ايتاكى-نينگ چوره-سيده همه طرفيگا آسمانى رنگليك بيلان ارغوانى و قرمز رنگليك ييپدين ياسالغان انارلارنى ساليب بولارنينگ اوتراسيدا همه طرفيگا آلتون قونگقورغه-لارينى اسيب قويغيل.

³⁴شونداغ-كه تون-نينگ ايتاكى-نينگ تمام چوره-سيده بر آلتون قونگقورغه اندين كين بر انار اندين ينه بر آلتون قونگقورغه اندين كين ينه بر انار بولسون.

³⁵بو تون-نينگ اوزينى هارون خذمت قيلادورغان وقت-دا كيسون. مونينگ بيلان هارون خداوندنينگ حضوريغه باريب مَقدِسگا كيريب چيقيشدا تون-نينگ آوازى انگلانيب تورغاچ اول اوزى اولوب كتماگاى.

³⁶موندين كين سن صاف آلتوندين بر تخته-نى ياساب انينگ اوستيدا مُهر اويغانديك: خداوند اوچون تقديس قيليندى ديب اويوب

³⁷انى آسمانى رنگليك ييپ بيلان سلّه-سيگا چيگيب سلّه-نينگ آلدى طرفيگا سانگولاتغيل.

³⁸اول اوزى هارون-نينگ پشانه-سيده تورسون. مونينگ بيلان هارون-نينگ اوزى بنى-اسرائيل-نينگ تقديس قيليب كلتورگان مقدّس هديه-لاريگا چاپلاشقان يمانليق-نى كوتارماكچى-بولور آرى اولار خداوندنينگ حضوريدا مقبول بولسون ديب اوزى انينگ پشانه-سيده هميشه تورسون.

³⁹مونينگدين باشقه بوز ييپدين بولوب كاتاكچيليك توقولغان بر كونگلاك-نى ايتيب بوز ييپدين بر سلّه طيّارلاب بر رنگارنگ بلباغ-مو راستلاغايسن.

⁴⁰هارون-نينگ اوغول-لارى بولسه اولار اوچون-مو كونگلاك طيّار قيليب بلباغلار راستلاب اولارنينگ عزّت بيلان زينتى اوچون دوپه-لار قيلينگلار.

⁴¹مونينگ همه-سى-نى سن برادرينگ هارون بيلان انينگ اوغول-لاريغه كيدوروب اولار منينگ آلديم-دا كاهن بولماقى اوچون اولارنى مسح قيليب خاص طريقه-ده تقديس قيلغيل.

⁴²اولارنينگ عورت-لارى ياپيلسون ديب اولار اوچون بوزدين تامبال قيلغيل. بو اوزى بلدين تارتيب يوتا-غچه يتسون.

⁴³هارون بيلان انينگ اوغول-لارى جماعت-چادريغه كيرماكچى-بولسه يا مَقدِسده خذمت قيلماق اوچون قربانگاه-غه يقين بارماقچى-بولسه اولار: گناه-كار بولوب اولوب كتماگايميز ديب بولارنى كيسون. بو قاعده بولسه انينگ اوزى بيلان كلادورغان نسل-لارى اوچون هميشه بر قانون بولسون.