Read كتاب مقدّس, 1950 مزامير 144 Bible Online

مزامير 144 - كتاب مقدّس, 1950 bible

مزامير 144

¹داودنينگ بر مزمورى. قول-لاريم-غه جنگ قيليشنى اورگاتيب بارماق-لاريم-غه سوقاش قيليشنى بيلدورگان قوراميم خداوندنينگ اوزيگا حمد ثنا بولغاى.

²اول بولسه منگا لطف كورساتيب اوزى پناهيم بيلان ايگيز بُرجوم بولوب قوتقازغوچيم بيلان سپريم-دور. اول قَوْميم-نى تگيم-گا باسيب برگاچ انگا توكّل قيلورمن.

³اى خداوند آدم نمه-دوركه سن انينگدين خبر الغايسن ويا آدم اوغلى نمه-دوركه سن انى حسابغه الغايسن.

⁴انسان بولسه هواديك بر نمه بولوب كونلارى-نينگ اوزى اوتوب كتادورغان بر سايه-ديك-دور.

⁵اى خداوند آسمانلارنى ايگيب توشوب كليب تاغلارغه قول تكگوزوب توتون چيقاريب

⁶چاقين چاقيندوروب دوشمن-لارنى پراكنده قيليب يا-اوق-لارينگ-نى اتيب اولارنى پريشان قيليب

⁷يوقاريدين قولونگ-نى اوزاتيب منى آجراتيب اليب تولا سولاردين چيقاريب يات كشيلارنينگ قوليدين قوتقازغيل.

⁸اولارنينگ اغيزلارى بولسه باطل سوزلاب اونگ قولى اوزى يالغان قَسم-گا كوتاريلگان-دور.

⁹اى خدا من بولسام سنينگ تعريفينگگا ينگى بر شعر اوقوب اون تارليق سنطور چاليب سنگا تسبيح اوقوى.

¹⁰سن پادشاه-لارغه نجات برگوچى بولوب اوز بنده-نگ داودنى يمان قليچدين توتقازورسن.

¹¹سن اوزونگ منى قوتقازيب اليب اغيزلارى باطل سوزلاب اونگا قول-لارى يالغان قَسم-گا كوتاريلادورغان بيگانه-لارنينگ قوليدين منى خلاص قيلغيل.

¹²بيزنينگ اوغول-لاريميز ياشليقيدا اوسوب كوچت-لارديك بولوب قيزلاريميزنينگ اوزى اوردانينگ بولونگ-لاريداكى يونالغان تاشلارديك بولوب

¹³سانگ-لاريميز بولسه هر قسم نعمت-لاردين تولوب تاشيب كتيب قوى-لاريميزنينگ اوزى يايلاق-لاريميزدا نچه مينگ نچه تمن قوزى قوزيلاب

¹⁴اُوى-لاريميزغه تولا تولا يوك يوكلانيب سفيل تيشيلماى توروب قاچيش هيچ لازم كلماى كوچه-لاريميزدا ناله فرياد-مو انگلانماسون.

¹⁵احوالى شونداغ بولغان قَوْم اوزى مبارك-دور. آرى خداوند انينگ تنگريسى بولغان قَوْم مبارك-دور.