Read كتاب مقدّس, 1950 اشعيا 14 Bible Online

اشعيا 14 - كتاب مقدّس, 1950 bible

اشعيا 14

¹چونكه خداوند يعقوب-غه مرحمت قيليب اسرائيل-نى ينه ايلغاب اولارنى اوز يورتيدا اورونلاشتورور. بيگانه-لار بولسه اولار بيلان برلاشيب يعقوب-نينگ خاندانيغه قوشولور.

²خلايق-لار اولارنى اليب كليب اولارنينگ وطنيگا كلتورور. اما اسرائيل-نينگ خاندانى اولارنى خداوندنينگ يورتيدا قُل و كنيزك قيلماق اوچون اوستيگا ايگالانيب اوزينى اسير قيلغانلارنى اسير قيليب اوزيگا ظلم قيلغوچيلارنينگ اوستيگا سلطنت قيلور.

³اما خداوند سنى مشقّتينگدين قوتقازيب اضطرابينگدين آزاد قيليب اوستونگگا قويولغان اغير قُل-لوقدين سنگا راحت برادورغان كونده

⁴بابل پادشاهى-نينگ ضدّيغه بو تمثيل-نى كلتوروب ايتورسن-كه: ظالم قايداغ هلاك بولدى! آلتون شهرى قايداغ يوقالدى!

⁵خداوند يمانلارنينگ تياقى-نى ينجيب حاكم-لارنينگ سلطنت عصاسى-نى سيندوردى.

⁶شونداغ-كه غضبده خلايق-لارنى اوزولماس ضرب بيلان اوروب طائفه-لارغه قهر بيلان سلطنت قيلغوچى-نينگ اوزى ايالماى قوغلاندى.

⁷تمام يريوزى راحت تاپيب اسايش كوردى. آدم-لار اونلوك آواز بيلان شعر اوقور.

⁸آرى صنوبر درخت-لارى بيلان لُبنان-نينگ آرز درخت-لارى سنينگ يقيليشينگ اوچون شادليق قيليب: اوزونگ يقيليب ياتقاندين بَرى اوستوميزگا كسگوچى چيقمادى ديب ايتور.

⁹كلگانينگده سنينگ آلدينگغه چيقماق اوچون عالم برزخ توبندين حركت قيليب سنينگ اوچون اولوك-لارنى بى-آرام قيليب يرنينگ همه چونگ-لارينى اويغاتيب طائفه-لارنينگ همه پادشاه-لارينى تخت-لاريدين قوپاردى.

¹⁰اولارنينگ همه-سى سوز قيليب سنگا ايتوركه آيا سن هم بيزديك ضعيفلانيب بيزگا اوخشه بولدونگ-مو؟

¹¹سنينگ فخرينگ اوز طنبورلارينگ-نينگ آوازى بيلان بيلّه عالم برزخقه توشورولدى-ايماسمو. سنينگ استينگغه قورت-لار سالينيب قورت-لارمو سنينگ ياپينجينگ بولوب-دور.

¹²اى صبح-نينگ پارقيراغان يولدوزى قانداغ آسماندين توشوب كتيب سن! اى طائفه-لارغه قهر قيلغوچى قانداغ كسيليب يرگا يقيليب سن!

¹³سن اوز كونگلونگده: آسمانلارغه چيقيب تختيم-نى خدانينگ يولدوزلاريدين يوقارى قويوب شمال طرف-لاريداكى جماعت تاغيدا اولتوروب

¹⁴بولوت-لارنينگ ايگيزلارى-نينگ اوستيگا چيقيب متعال-ديك بولورمن دير-ايردينگ.

¹⁵ليكن عالم برزخقه توشوب كتيب هاويه-نينگ چوقورلارغه توشورولوب-سن.

¹⁶سنى كورگانلار سنگا كوز تكيب باره-نگده اويلاب: آيا يرنى تبراتيب مملكت-لارنى تيتراتيب

¹⁷يريوزينى چولديك قيليب اتيب انينگ شهرلارينى ويرانليقغه اويروب قويوب اسيرلارينى اوييگا يانغالى قويوب برماگان-نينگ اوزى شو-مو ديرلار.

¹⁸طائفه-لارنينگ بارچه پادشاه-لارى بولسه اولارنينگ هر برى عزّت بيلان اوز آرامگاهيدا ياتار.

¹⁹اما سن بر مكروه شاخديك چاه-داكى تاشلارنينگ آراسيغه توشوب قليچ برله تيشيليب قتل قيلينغانلارنينگ لباسيديك بولوب آياغ استيدا پايمال بولغان جسدديك قبرينگدين چيقاريليب تاشلانيب كتيب

²⁰قبرده اولار بيلان قوشولماس سن چونكه اوز يورتونگ-نى هلاك قيليب خلقينگ-نى قتل قيليب-سن. يمان قيلغوچيلارنينگ اوروغى بولسه هرگيز ذكر قيلينماس.

²¹آتابابالارى-نينگ يمانليقى اوچون انينگ اوغول-لاريغه قتل قيليشنى راستلانگلار بولماسه اولار قوپوب يرنى ميراث اليب يريوزينى شهرلار بيلان تولدوروب الورلار.

²²چونكه اولارنينگ ضدّيغه قوپارمن ديب خداوند-صباوث ايتور. آرى بابلدين نام بيلان باقى قالغان-نى اوغول بيلان نبيره-نى كسارمن ديب خداوند ايتور.

²³انى كرپه-لارگا ميراث قيليب بريب ساسليق-لارغه مبدّل-قيليب هلاكت-نينگ سپوركه-سى بيلان سوپوروب اتورمن ديب خداوند-صباوث ايتور.

²⁴خداوند-صباوث قَسم قيليب ايتّيكه بى-شك خواهلاغانيم-ديك واقع بولوب تقدير قيلغانيم-ديك اول ايش بجا كلور.

²⁵شونداغ-كه من يورتوم-دا اشورنى سيندوروب انى تاغلاريم اوستيده آياغ استيدا پايمال قيلورمن. اول وقت انينگ بويونتوروقى اولاردين كوتاريليب انينگ يوكى موره-لاريدين چيقاريلور.

²⁶تمام ير اوستيگا تقدير قيلينغان حكم شو بولوب همه طائفه-لارنينگ اوستيگا اوزاتيلغان قول بودور.

²⁷چونكه خداوند-صباوث مونى تقدير قيلغان بولسه كيم انى باطل قيلاليب انينگ قولى اوزاتيلغان بولسه كيم انى ياندورالايدور؟

²⁸آحاز پادشاه وفات بولغان يليدا بو وحى كلديكه

²⁹اى بارچه فلسطين سنى اورغوچى-نينگ عصاسى سينغانى اوچون شادليق قيلماغيل چونكه يلان-نينگ يلديزيدين بر افعى چيقار اما مونينگ اوروغى بولسه اوچادورغان بر اژدرها بولور.

³⁰اندين كين بيچاره-لارنينگ اوّل توغولغانلارى باقيليب فقيرلار آمان برله ياتار اما سنينگ يلديزينگ-نى آچاچليق برله اولتورورمن، قالغانلارينگ بولسه قتل قيلينور.

³¹ناله قيلغيل اى دروازه! فرياد قيلغيل اى شهر! تماماً ايريب-دورسن اى فلسطين! چونكه شمال طرفيدين بر توتوك كليب انينگ قوشونلاريدا هيچ برى باقى-مند بولماس.

³²اما طائفه-لارنينگ ايلچيلاريگا نمه اوچور بريلور؟ اوچور بركه خداوند صهيون-نى اُولداتيب-دور و انينگ قَوْمى-نينگ بيچاره-لارى انينگگا توكّل قيلور.