Read كتاب مقدّس, 1950 ارميا 26 Bible Online

ارميا 26 - كتاب مقدّس, 1950 bible

ارميا 26

¹يهودا پادشاهى بولغان يوشيانينگ اوغلى يهوياقيم-نينگ سلطنتى-نينگ دسلابيدا خداوند طرفيدين بو سوز كليب ايتّيكه

²سن خداوندنينگ بيتى-نينگ صحنه-سيده توروب خداوندنينگ بيتيده سجده قيلغالى كلگان يهودانينگ همه شهرلارى-نينگ خلقيغه من: اولارغه ايتغيل ديب سنگا ديب برگان سوزلاريم-نينگ همه-سى-نى برينى-مو كم قيلماى ايتيب برگيل.

³اگر اولار قولاق ساليب هر برى اوز يمان رفتاريدين يانسه من-مو اولارنينگ يمانليقيغه قايلاب اوستيگا كلتورماكچى-بولغان بلآيم-دين يانورمن ديب خداوند ايتور.

⁴سن اولارغه ايتغيل-كه اگر سيزلار منگا قولاق سالماى ويا من سيزلارگا بويورغان شريعتيم-گا عمل قيلماى

⁵و يا سيزلار انگلاماى تورغانينگيزدا من سيزلارگا پات پات ايباريب تورغان اوز بنده-لاريم پيغمبرلارنينگ سوزيگا قولاق سالماسانگيز

⁶من بو بيت-نى شيلوه-ديك قيليب اتيب بو شهرنينگ اوزينى يريوزى-نينگ تمام خلق-لارى-نينگ آلديدا لعنت-گا گرفتار قيلورمن ديب خداوند ايتور ديگيل ديدى.

⁷كاهن بيلان پيغمبرلار و خلق-نينگ همه-سى بولسه ارميانينگ خداوندنينگ بيتيده توروب بو سوزنى قيلغانى-نى انگلادى.

⁸ارميا اوزى خداوند انگا بويورغان سوزلارنينگ همه-سى-نى خلقغه ديب بريب بولغاندا كاهن بيلان پيغمبرلار همه خلق بيلان بر بولوب انى توتوب اليب ايتيشتيكه سن بى-شك اولتورولورسن.

⁹خداوندنينگ اسمى-نى اغزينگغه اليب بو بيت-نى شيلوه-ديك بولوب بو شهرنى كشى اولتورماغوديك بولوب قالور ديب پيغمبرليك قيليشقه جرأت قيلدينگ-ايماسمو؟ شونى ديب همه خلق خداوندنينگ بيتيده ارميانينگ قاشيغه يغيلدى.

¹⁰يهودا اميرلارى بو واقعه-نى انگلاغاندا پادشاه-نينگ اورداسيدين چيقيب خداوندنينگ بيتيگا كليب خداوندنينگ بيتى-نينگ ينگى دروازه-سيدا اولتورديلار.

¹¹اول وقت كاهن بيلان پيغمبرلار اوزى اميرلار بيلان همه خلقغه قايلاب: بو آدم بولسه انگلاغانينگيزديك بو شهرنينگ ضدّيغه پيغمبرليك قيلغان اوچون اولوم-گا لايق-دور ديدى.

¹²ليكن ارميا اوزى تمام اميرلار بيلان همه خلقغه سوز قيليب ايتّيكه خداوند اوزى سيز انگلاغان سوزلارنينگ همه-سى-نى بو بيت بيلان شهرنينگ ضدّيغه پيغمبرليك قيلغالى منى ايباردى.

¹³مونينگ اوچون ايمدى سيزلار اوز رفتار بيلان عمل-لارينگيزنى توزوب تنگرينگيز خداوندنينگ آوازيغه قولاق سالسانگيز خداوند-مو سيزنينگ ضدّينگيزغه كلتورماكچى-بولغان بلآدين يانار.

¹⁴ليكن من بولسام سيزنينگ قولونگيزدادورمن منگا نمه قيلغالى خواهلاسانگيز قيلينگلار.

¹⁵اما اوبدان بيلينگلاركه منى اولتورسانگيز بر بى-گناه-نينگ قانى-نى اوزونگيزنينگ و بو شهر بيلان انينگ اولتورغوچيلارى-نينگ اوستيگا كلتورورسيز چونكه خداوند اوزى سيزلارگا بو سوزلارنينگ همه-سى-نى ايتماق اوچون بى-شك منى قاشينگيزغه ايباردى ديدى.

¹⁶اول وقت امير بيلان خلق-نينگ همه-سى بر بولوب كاهن بيلان پيغمبرلارگا قايلاب: بو آدم اوزى اولوم-گا لايق ايماس چونكه اول بولسه تنگريميز خداوندنينگ اسمى-نى اليب توروب بيزگا گب قيلدى ديديلار.

¹⁷مونى انگلاب يورت-نينگ برنچه آقسقال-لارى قوپوب همه خلق-نينگ جماعتيگا ايتّيكه

¹⁸ميخا مورشتى-مو يهودا پادشاهى حزقيانينگ كونلاريده پيغمبرليك قيليب يهودانينگ همه خلقيغه مونداغ ايتقان-ايرديكه خداوند-صباوث مونداغ ايتوركه صهيون بولسه يرديك آقتاريليب اورشليم اوزى چاقيليب ويران بولوب بو بيت-نينگ تاغى بولسه بر جنگل-نينگ ايگيز يريديك بولوب قالور.

¹⁹شونى ديگانيده يهودا پادشاهى حزقيا بيلان يهودانينگ همه-سى انى اولتورديمو؟ آيا اول اوزى خداونددين قورقوب انگا يالبارماديمو؟ شونداغ قيلسه خداوند انينگ ضدّيغه كلتورماكچى-بولغان بلآدين ياندى-ايماسمو. اما بيز بولساق ايمدى اوز اوستوميزگا چونگ بلآ كلتورگالى طيّار ايكان-ميز.

²⁰ارميا قيلغانيديك بو شهر بيلان بو يورت-نينگ ضدّيغه خداوندنينگ اسمى بيلان پيغمبرليك قيلغان باشقه بر آدم هم بار ايردى. اول اوزى قريَت-يعاريم-دين بولوب شمعيانينگ اوغلى اوريا ايردى.

²¹يهوياقيم پادشاه بيلان همه پهلوانلارى و همه اميرلارى انينگ سوزينى انگلاغاندا پادشاه انى اولتورگالى قصدلادى اما اوريا اوزى مونى انگلاغاندا قورقوب مصرغه قاچيب كتّى.

²²اول وقت يهوياقيم پادشاه برنچه آدم-لارنى مصرغه روانه قيليب عكبورنينگ اوغلى الناتانغه بر مونچه كشيلارنى قوشوب اندا ايباردى.

²³بولار بولسه اوريانى مصردين چيقاريب يهوياقيم پادشاه-نينگ قاشيغه كلتورگانيده اول انى قليچ بيلان اولتوروب اولوكى-نى عام خلق-نينگ گورستانيغه تاشلاب اتّى ديدى.

²⁴ليكن ارميا اوزى خلق-نينگ قوليغه توشوب اولتورولماسون ديب شافان-نينگ اوغلى اخيقام-نينگ قولى انى ساقلادى.