Read كتاب مقدّس, 1950 ارميا 32 Bible Online

ارميا 32 - كتاب مقدّس, 1950 bible

ارميا 32

¹يهودا پادشاهى صدقيانينگ سلطنتى-نينگ اونونجى يليدا يعنى نبوكدنصرنينگ سلطنتى-نينگ اون سكزنجى يليدا خداوندنينگ سوزى ارمياغه كلدى.

²اول وقت بابل پادشاهى-نينگ قوشونى اورشليم-نى قاماب تورغان-ايردى. ارميا پيغمبر بولسه يهودا پادشاهى-نينگ اورداسيدا زندان-نينگ صحنه-سيده سولاغليق ياتّى.

³چونكه يهودا پادشاهى صدقيا انى سولاب قويوب: نمه ايشقه سن پيغمبرليك قيليب: منا من بو شهرنى بابل پادشاهى-نينگ قوليغه برورمن اول مونى الور ديب خداوند ايتور.

⁴آرى يهودا پادشاهى صدقيا بولسه كلدانيلارنينگ قوليدين قوتولماى بلكه بابل پادشاهى-نينگ قوليغه تاپشورولوب انينگ بيلان يوزلاشيب اوتّور قيلينماقچى-بولور.

⁵اول اوزى صدقيانى بابلغه اليب كتيب من انى يوقلاماغونچه اندا تورماقچى-بولور، سيزلار كلدانيلار بيلان هر قانچه سوقاشسانگيزمو نصرت تاپالماس-سيزلار ديب خداوند ايتور ديب ايتّينگ-ايماسمو ديگان-ايردى.

⁶اول وقت ارميا ايتّيكه خداوندنينگ سوزى منگا كليب:

⁷منا سنينگ تاغانگ شلوم-نينگ اوغلى حنمئيل سنينگ قاشينگغه كليب: منينگ عناتوت-داكى اتيزليكيم-نى سن حقدار بولغاچ اوزونگ اوچون ساتيب الغيل ديب ايتور ديدى.

⁸اندين كين تاغام-نينگ اوغلى حنمئيل زندان-نينگ صحنه-سيده قاشيم-غه كليب خداوندنينگ ايتقانيديك منگا سوزلاب: سن اوزونگ وارث بولوب انى آجراتغالى حقدار بولغانينگ اوچون بنيامين يورتيدا عناتوت-داكى اتيزليكيم-نى اوزونگ اوچون ساتيب الغيل ديگانيده بو اوزى خداوندنينگ سوزى بولغانى-نى بيليب

⁹عناتوت-داكى اتيزليك-نى تاغام-نينگ اوغلى حنمئيل-دين ساتيب اليب اون يته شاقل كموش-نى تارتيب بريب

¹⁰انينگ توغراسيدا خطچك قيليب مُهر باسيب گواه-لار تاپيب كموش-نى سرگا ساليب تارتيب برديم.

¹¹شونى قيليب بولوب رسم رواجغه موافق هم مُهرلانغان هم اوچوق خطچك-نى اليب

¹²بو خطچك-نينگ اوزينى تاغام-نينگ اوغلى حنمئيل بيلان خط-گا قول قويغان گواه-لار آرى زندان-نينگ صحنه-سيده اولتوروشقان همه يهوديلارنينگ كوز آلديدا باروخ بن-نيريا بن-محسياغه تاپشوروب بريب

¹³اولارنينگ آلديدا باروخقه ايتّيم-كه

¹⁴اسرائيل-نينگ تنگريسى خداوند-صباوث مونداغ ايتوركه بو خطچك-لارنى خواه مُهرلانغان خواه اوچوقى بولسون چوروب كتماى اوزون وقت-غچه تورسون ديب اولارنى بر كوزه-ده ساقلاغيل.

¹⁵چونكه اسرائيل-نينگ تنگريسى خداوند-صباوث اوزى: بو يورت-دا ينه اوى، اتيز و تال-ليق-لار الينيب ساتيلور ديب ايتور ديديم.

¹⁶باروخ بن-نيرياغه من بو خط-نى تاپشورغاندين كين خداوندگا دعا قيليب ايتّيم-كه

¹⁷آه اى رب خداوند سن بولسانگ آسمان بيلان يرنى چونگ قدرتينگ بيلان يراتيب كوچلوق قولونگ بيلان پيدا قيلدينگ هيچ نمه سنگا مشكل ايماس-دور.

¹⁸سن بولسانگ نچه مينگ-لارگا مرحمت كورساتيب آتابابالارى-نينگ گناهى-نينگ سزاسى-نى اولاردين كين بلالارى-نينگ قوچاقيغه توكارسن اى اولوغ هيبتليك تنگرى سنينگ اسمينگ بولسه خداوند-صباوث ايتور.

¹⁹سن اوزونگ مصلحت-ده چونگ بولوب ايشدا قدرتليك-دورسن. كوزلارينگ بولسه بنى-آدم-نينگ همه يول-لارينى كوروب تورادور، آرى سن هر بريگا اوز رفتارى بيلان عمل-لاريگا قايلاب ياندورورسن.

²⁰سن بولسانگ مصردا معجزه بيلان علامت-لار كورساتيب ايمديغچه اسرائيل بيلان خلق-لارنينگ آراسيدا اوخشاش قيليب توروب بو كونداكى-ديك اوزونگگا بر اسم پيدا قيلدينگ.

²¹چونكه سن اوزونگ معجزه بيلان علامت-لار كورساتيب بازونگ-نى اوزاتيب اوز قَوْمينگ اسرائيل-نى قدرتليك قولونگ بيلان مصر يورتيدين هيبتليك طريقه-ده چيقاريب كليب

²²اولارنينگ آتابابالاريغه برگالى قَسم بيلان وعده قيلغان سوت بيلان عسل اقادورغان يورت-نى اولارغه بردينگ.

²³اولار بولسه كليب انگا ايگادارچيليق قيلدى. ليكن سنينگ آوازينگ-نى انگلاماى خواه شريعتينگگا موافق يورماى خواه اولارنى قيلسون ديب بويورغان نرسه-لارنى قيلماغانى اوچون بو بلآنينگ همه-سى-نى اولارنينگ اوستيگا كلتوردونگ.

²⁴منا دالدالار بولسه شهرى الماق اوچون شهر طرفيگا يوتگاليب توروب-دور. بى-شك شهر اوزى قليچ، آچاچليق، وبادين باسيليب انگا هجوم قيلغان كالدانيلارنينگ قوليغه بريلدى آرى ايتقان سوزونگ كوز آلدينگدا بجا كلدى.

²⁵اى رب خداوند سن منگا: اوزونگ اوچون اتيزليك-نى پُلغه ساتيب اليب مونينگغه گواه تيكلاگيل ديب ايتقان بولسانگ-مو شهر اوزى كلدانيلارنينگ قوليغه توشوب كتّى-ايماسمو.

²⁶خداوندنينگ سوزى ارمياغه كليب ايتّيكه

²⁷منا من اوزوم همه بشرنينگ تنگريسى خداوند بولغاندين كين منگا بر ايش ترس بولامدور

²⁸مونينگ اوچون خداوند مونداغ ايتوركه منا من بو شهرنينگ اوزينى كالدانيلار بيلان بابل پادشاهى نبوكدنصرنينگ قوليغه انى قبضه قيلسون ديب برورمن.

²⁹بو شهرگا هجوم قيلغان كالدانيلار كليب شهرگا اوت ياقيب انينگ اوزينى اوگزه-سيده خلق بعل-بُت اوچون خوشبوى ياندوروب منى غضبلاندوروب يات تنگريلارنينگ آلديدا ايچكولوك قربان اوتگوزولگان اوى-لار بيلان قوشوب كويدوروب اتماقچى-بولور.

³⁰چونكه بنى-اسرائيل بيلان بنى-يهودا بولسه ياشليقيدين تارتيب منينگ كوزلاريم-ده يمان بولغان ايش-نى قيليب كليب-دور آرى بنى-اسرائيل بولسه اوز قولى-نينگ ايشلارى بيلان منى غضبلاندوردى ديب خداوند ايتور.

³¹منا بو شهر بولسه اولار مونى ياساغان كوندين تارتيب غضب بيلان قهريم-نى كلتوروب انينگ اوزينى كوز آلديم-دين چيقاريب اتيشقه منى قوزغاتيب توروب-دور

³²آرى بنى-اسرائيل بيلان بنى-يهودانينگ اوزى، اولارنينگ پادشاه-لارى بيلان اميرلارى، اولارنينگ كاهن-لارى بيلان پيغمبرلارى، يهودانينگ آدم-لارى بيلان اورشليم-نينگ اولتورغوچيلارى-نينگ آدم-لارى منى غضبلاندورگالى قيلغان همه يمانليقى اوچون انى تاشلاديم.

³³چونكه اولار بولسه منگا يوز كلتورماى بلكه ارقاسى-نى قيليب من اولارغه قانچه تعليم بيلان ترتيب برسام-مو تربيت-نى قبول قيلالى ديب منگا قولاق سالماى

³⁴بلكه منينگ اسميم بيلان آتانغان بيت-نى ناپاك قيليب اندا اوز مكروه نرسه-لارينى قويدى.

³⁵موندين باشقه اولار من اولارغه بويورماى ويا باره-سيده خيال قيلماسام-مو اوز اوغول بيلان قيزلارينى مولك بُتيغه قربان قيليب اوت-غه سالماق اوچون هنوم دره-سيده بعل-ايگيزلارينى ياساب يهودانى-مو گناه قيلغالى آزدوردى.

³⁶انينگ اوچون اسرائيل-نينگ تنگريسى خداوند بو شهرنينگ توغراسيدا مونداغ ايتوركه سيز بولسانگيز انى قليچ، آچاچليق و وبادين باسيليب بابل پادشاهى-نينگ قوليغه بريلدى ديب خيال قيلورسيزلار.

³⁷ليكن منا من اولارنى اوز غضبيم-گا گرفتار قيليب قهر و چونگ اچّيغيم بيلان اولارنى هيداب اتقان يورت-لاردين يغيب بو يرگا كلتوروب موندا سلامتليكده اولتورغوزورمن.

³⁸اولار بولسه منينگ قَوْميم بولوب اوزوم اولارنينگ تنگريسى بولورمن.

³⁹آرى من اولارنينگ همه-سى-نى اوزى بيلان كينيدين كلادورغان بلالارى يخشيليق تاپماقى اوچون مندين هميشه قورقوب تورسون ديب بر كونگل-لوك قيليب اوخشاش بر يولدا يورگوزوب

⁴⁰اولار بيلان ابدى بر عهد باغلاب اولارغه يخشيليق قيليشدين توختاماى مندين يوز اويروماسون ديب اولارنينگ كونگليگا اوز قورقونجوم-نى ساليب

⁴¹تمام جان دليم بيلان اولارغه يخشيليق قيليش اوز خوشلوقوم بولوب اولارنى امينليك بيلان بو يورت-دا آباد قيلورمن.

⁴²چونكه خداوند مونداغ ايتوركه من بو قَوْم-نينگ اوستيگا بو چونگ بلآنينگ همه-سى-نى كلتورگانيم-ديك اولارغه وعده قيلغان يخشيليق-نينگ همه-سى-نى اوستيگا كلتورورمن.

⁴³اول وقت انينگ باره-سيده سيزلار سوزلاب: بو اوزى خواه انسان خواه حيوان تورالماغوديك ويران بولوب كلدانيلارنينگ قوليغه بريليب-دور ديگان يورت-دا ينه اتيزليك ساتيليب الينور.

⁴⁴آرى بنيامين-نينگ يورتى بيلان اورشليم-نينگ اطرافيدا يهودا شهرلارى بيلان تاغ و پست-داكى شهرلارده آرى جنوب طرفيداكى شهرلارده خلق پُلغه اتيزليك-لار ساتيب اليب خطچك يازدوروب مُهر باسيب گواه توختاتماقچى-بولور چونكه من بولسام اولارنى اسيرليكدين قوتقازورمن ديب خداوند ايتور.