Read كتاب مقدّس, 1950 ارميا 48 Bible Online

ارميا 48 - كتاب مقدّس, 1950 bible

ارميا 48

¹موآب-نينگ توغراسيدا اسرائيل-نينگ تنگريسى خداوند-صباوث مونداغ ايتوركه واى نبوغه چونكه اول اوزى خراب قيليندى. كيريتايم بولسه الينيب شرمنده بولوب مسجاب اوزى پستلانيب خجالت-گا توشوب قالدى.

²موآب-نينگ فخرى بولسه يوق بولوب كتّى حشبون-نينگ اوزى انينگ ضدّيغه يمان مصلحت قيليشيب: كلينگلار اول ينه بر قَوْم بولالماغوديك طريقه-ده انى يوقاتيب اتالى ديب ايتيشورلار آرى اى مدمين سن بولسانگ يوقاليب قليچدين قوغلانورسن.

³حورونايم طرفيدين: خرابليق بيلان چونگ ويرانليق بولدى ديب فرياد انگلانور.

⁴منا موآب خراب بولغانى اوچون بلالارى-نينگ اونلوك يغلاغانى ايشتيلور.

⁵خلق يغلاب لوحيت-نينگ ايگيزيگا چيقيب حورونايم-غه توشگانيده بولغان ويرانليق اوچون قيلغان فريادى دوشمن-لارى-نينگ قولاقيغه يتادور.

⁶ايمدى قاچيب اوز جانلارينگيزنى قوتقازيب چولگا باريب يولغونديك بولوب تورونگلار.

⁷سن بولسانگ اوز اشينگ بيلان خزينه-لارينگگا ايشانجى قيلغانينگ اوچون اوزونگ-مو توتولوب كيموش بُتى بولسه اوز كاهن بيلان اميرلاريگا قوشولوب اسيرليكگا كتار.

⁸هيچ شهر قوتولماسون ديب هر شهرگا بُولانچى كليب خداوند اوزى ايتقانديك دره ويران بولوب ميدان بولسه خراب قيلينور.

⁹موآب اوچون قاچيب كتسون ديب انگا قنات ياساب قويغيل چونكه شهرلارى بولسه ويران بولوب اندا اولتورغالى كشى قالماس.

¹⁰كيم-كه خداوندنينگ ايشى-نى بى-پرواليق بيلان قيليب قان توكوشدين اوز قليچى-نى يغسه ملعون بولسون.

¹¹موآب بولسه ياشليقيدين تارتيب آرام بيلان توروب بر قچادين ينه بر قچاغه يوتگالماى قوياغى اُوليدا توروب اسيرليكگا كتماگاچ تاتيقى يوتگالماى بويى-مو بوزولوب كتمادى.

¹²منا ايمدى من اوزوم انى تونگتورادورغان كشيلارنى ايبارگانيم-ده انى تونگتوروب انينگ قچالارينى بيكارلاب كوزه-لارينى چاقيب سيندورادورغان كونلار كلور ديب خداوند ايتور.

¹³اول وقت موآب بولسه اسرائيل خاندانى اوزى ايشانجى قيلغان بيت-ايل-نينگ سببيدين شرمنده بولغانديك كيموش بُتى-نينگ سببيدين خجالت تارتيب رسوا بولور.

¹⁴انداغ بولسه سيز اوزونگيز: بيز بولساق پهلوان بولوب جنگ قيلغوچى ايركك-دورميز ديب قايداغ ايتالورسيز.

¹⁵منا موآب اوزى ويران قيلينيب شهرلاريدين توتون چيقيب توروب ايلغانغان يگيت-لارى بولسه اولتورولوش اوچون توشوب كلدى ديب اسمى خداوند آتانغان پادشاه اوزى ايتور.

¹⁶موآب-نينگ بلآ-سى بولسه يقينلاشيب سزاسى يوگوروب كليب اتادور.

¹⁷اى انينگ چوره-سيده اولتورغوچيلار انگا ايچ آغريتينگلار اى انينگ اسمى-نى بيلگانلار: بو توقماق عصا قايداغ پاره-پاره-قيلينيب بو چرايليق كالتك نمه بولوب سينيب كتّى ديب ايتينگلار.

¹⁸اى باكره قيزيم ديبون اوز جلالينگدين توشوب موآب-نينگ تالاغوچيلارى اوستونگگا كليب سفيل-لارينگ-نى بوزوب اتقانى اوچون قوروق يرده اولتورغيل.

¹⁹اى عروعيرنينگ خلقى يول اوستيده كوز تيكيب توروب قاچيب كلگان اير كشى بيلان قوتولوب چيقغان خاتونلاردين: نمه واقعه بولدى سورغيل.

²⁰موآب اوزى ايزيليب شرمنده بولغانى اوچون سيزلار فرياد قيليب توالاب: موآب بولسه ايزيلدى ديب ارنون-دا اعلان قيلينگلار.

²¹منا صحرانينگ ميدانلارى بيلان حولون-غه، يهصه بيلان ميفعه-گا.

²²ديبون بيلان نبوغه، بيت-دبلتايم بيلان قريتايم-غه،

²³بيت-جامول بيلان بيت-معون-غه،

²⁴قريوت بيلان بُصره-گا آرى موآب يورتى-نينگ يراق يقينيداكى همه شهرلارى-نينگ اوستيگا بلآ كلدى.

²⁵موآب-نينگ مونگوزى كسيليب بازوسى بولسه سيندورولدى ديب خداوند ايتور.

²⁶اول اوزى خداوندنينگ ضدّيغه قوپغانى اوچون انى مست قيلينگلار شونداغ-كه موآب اوزى قيلغان قييگا پوچالانيب كولكو بولسون.

²⁷آيا اسرائيل اوزى سنينگ آلدينگدا كولكو بولغان-ايردى-ايماسمو؟ آيا اول اوزى اوغريلارنينگ قطاريدا تاپيلديمو؟ بولماسه انينگ توغراسيدا گب قيلغانينگدا نمه ايشقه باشينگ-نى لينگشاتور-ايردينگ؟

²⁸اى موآب-نينگ اولتورغوچيلارى شهرلارينگيزنى تاشلاب قورام-لارغه چيقيب اولتوروب غارنينگ اغزى-نينگ لب-لاريده اُوّا توتقان كبوترديك بولونگلار.

²⁹بيز بولساق موآب-نينگ تكبّرينى انگلادوق اول اوزى تولا كبرليك بولوب چونگلوق قيليب بك اوسوب كتيب كونگلى يوغاناب قاليب-دور.

³⁰خداوند ايتوركه من بولسام انينگ اچّيغى-نى بيلورمن. اول اوزى هيچ نمه ايماس انينگ پوگبيدين هيچ نمه كلمايدور.

³¹بو سببدين من اوزوم موآب اوچون فرياد قيلورمن آرى موآب-نينگ همه-سى اوچون ناله قيلورمن. قيرحارس-نينگ آدم-لارى بولسه اولار اوچون-مو ناله قيلينسون.

³²اى سِبمه-نينگ تالى من بولسام يعزير يغلاغانديك سنينگ اوچون يغلارمن شاخلارينگ بولسه شور-درياسيدين اوتوب يعزيرنينگ تنگيزيگا يتيب باردى ليكن سنينگ يازليق ميوه-نگ بيلان اُوزوم-لارينگ-نينگ اوستيگا بُولانچى كليب قالدى.

³³موآب يورتى-نينگ كوك-موك اتيزليكيدين خوشلوق بيلان شادليق كوتاريليب كتّى. من بولسام اُوزوم سيقماليدا هيچ شراب قُويماديم. ايمدى بركيم شادليق-نينگ آوازينى چيقاريب اُوزوم ديپساماس حصول يغاردا چيقارغان شادليق اونى اون-مو بولماس.

³⁴اولار بولسه حشبون-غه يغلاب اوز آوازينى اليعاله بيلان ياهص-غچه يتگوزوب صوغردين حورونايم-غچه انگلاتيب عجلت ثُلاثيه-غچه ايشتورور. چونكه نمريم-نينگ سولارى-مو قوروب كتّى.

³⁵ايگيزلارده قربانليق اوتگوزوب اوز تنگريلاريگا خوشبوى ياندورغوچيلارنينگ همه-سى-نى موآب-دين كسيب اتورمن ديب خداوند ايتور.

³⁶منا موآب اوچون منينگ كونگلوم يالغوز كدبك آه-تارتيب قيرحارس-نينگ خلقى اوچون سُرناى-ديك فرياد قيلور چونكه انينگ تاپغان خزينه-لارى بولسه يوق بولوب كتّى.

³⁷بى-شك هر بر باش پيناكلاشيب كتيب هر بر سقال اوزى قيرقيليب همه قول-لاردا زخم-نينگ داغلارى بولوب همه بل-لارغه پلاس باغلانور.

³⁸موآب-نينگ همه اوگزه بيلان كوچه-لاريدا يالغوز فرياد انگلانور چونكه من اوزوم موآب-نى بر ياراماس كوزه-ديك سيندوروب اتّيم ديب خداوند ايتور.

³⁹منا اولار: اول اوزى قايداغ ايزيلدى آرى موآب بولسه قايداغ خجالت تارتيب ارقاسيغه يانيب كتّى. منا موآب اوزى چوره-سيداكى-لارگا كولكو بيلان عبرت بولدى ديب فرياد قيليب ايتور.

⁴⁰چونكه خداوند مونداغ ايتوركه منا دوشمن اوزى بر قراقوشديك آگوب كليب اوز قنات-لارينى موآب-نينگ اوستيگا يايادور.

⁴¹بى-شك قريوت اوزى الينيب محكم قورغانلار بولسه مغلوب بولور. اول كونده موآب-نينگ پهلوانلارى-نينگ كونگلى تولغاق تارتيب تورغان بر خاتون-نينگ كونگليديك سالادور.

⁴²آرى موآب اوزى خداوندنينگ ضدّيغه قوپغانى اوچون ينه بر قَوْم بولالماغوديك طريقه-ده ويران قيلينور.

⁴³اى موآب-نينگ اولتورغوچيلارى اوستونگيزگا خطر كليب آلدينگيزغه اوراكورلانيب تور قورولور ديب خداوند ايتور.

⁴⁴كيم-كه خطردين قاچسه اوراغه توشوب كتيب اورادين قوتولوب چيقسه تورغه توشوب قالور چونكه من بولسام موآب-نينگ سزاسى-نينگ يلى-نى اوز اوستيگا كلتورورمن ديب خداوند ايتور.

⁴⁵قاچقانلار بولسه عاجزلاشيب حشبون-نينگ سايه-سيدا توختاب قالور ليكن حشبون-دين بر اوت چيقيب سيحون-نينگ اوتراسيدين يالقين كليب موآب-نينگ چيكه-سى بيلان فتنه-خورلارنينگ مينگه-سى-نى كويدورور.

⁴⁶واى سنگا اى موآب! كيموش-نينگ خلق-لارى بولسه هلاك بولوب كتيب منا اوغول-لارينگ اوزى اسير قيلينيب قيزلارينگ بولسه پارلانيب كتّى.

⁴⁷شونداغ بولسه-مو كلادورغان كونلارده موآب-نى اسيرليكدين ياندوروب كلورمن ديب خداوند ايتور. موآب-نينگ توغراسيداكى حكم مونينگ بيلان توگادى.