Read كتاب مقدّس, 1950 حزقيال 33 Bible Online

حزقيال 33 - كتاب مقدّس, 1950 bible

حزقيال 33

¹خداوندنينگ سوزى منگا كليب ايتّيكه

²اى آدم-ذات اوز خلقيگ-نينگ اوغول-لاريغه سوز قيليب اولارغه ايتغيل-كه اگر بر يورت-نينگ خلقى من يورت-نينگ اوستيگا قليچ ايبارگان وقت-دا اوز آراسيدين بر كشى-نى ايلغاب انى اوزيگا پاسبان قيلسه

³بو كشى قليچ-نينگ يورت اوستيگا كلادورغانى-نى كوروب كارناى تارتيب خلق-نى آگاه قيلسه

⁴ليكن كارناى-نينگ آوازينى انگلاغان كشى آگاه بولماسه بلكه قليچ كليب انى اولتورسه انينگ قانى اوز باشيغه يانادور.

⁵چونكه اول كارناى آوازينى انگلاب آگاه بولماغانى اوچون انينگ قانى اوز اوستيگا يانادور. اگر اول آگاه بولغان بولسه اوز جانى-نى قوتقازور-ايردى.

⁶ليكن اگر پاسبان اوزى قليچ-نينگ كلادورغانى-نى كوروب كارناى تارتيب خلق-نى آگاه قيلماسه اول وقت قليچ كليب اولارنينگ آراسيدين برينى يوقاتسه اول اوز گناهى اوچون هلاك بولور اما انينگ قانى-نى پاسبان-نينگ قوليدين طلب قيلورمن.

⁷اى آدم-ذات سن اوز اغزيم-دين بر سوز انگلاسانگ منينگ طرفيم-دين باريب اولارنى آگاه قيلغايسن ديب سنى اسرائيل-نينگ خاندانى اوچون پاسبان قيلديم.

⁸اگر من يمان كشيگا: اى يمان كشى سن اولورسن ديب ايتسام سن يمان كشى-نى اوز رفتاريدين آگاه قيليب قويماسانگ بو اوزى اوز گناهى اوچون اولور ليكن انينگ قانى-نى سنينگ قولونگدين طلب قيلورمن.

⁹ليكن اگر سن يمان كشى-نى اوز رفتاريدين يانسون ديب آگاه قيلسانگ اما اول اوز رفتاريدين يانماسه اول اوز گناهى اوچون اولادور ليكن سن بولسانگ اوز جانينگ-نى قوتقازدينگ.

¹⁰سن اى آدم-ذات اسرائيل-نينگ خاندانيغه سوزلاب ايتغيل-كه سيزلار: بيزنينگ خطا بيلان گناه-لاريميز اوستوميزده بولوب بيزنى قيناب اتسه قايداغ تيريك تورالورميز ديب ايتورسيز.

¹¹ليكن اولارغه ايتغيل-كه اوز تيريكليكيم بيلان قَسم قيلورمن-كه يمان كشى-نينگ اولومى-نى خواهلاماى بلكه انينگ اوز يوليدين يانيب كليب تيريك تورماقى-نى خواهلارمن ديب رب خداوند ايتور. مونينگ اوچون يانينگلار آرى اوز يمان يول-لارينگيزدين يانينگلار. نمه ايشقه اولگالى خواهلارسيزلار اى اسرائيل-نينگ خاندانيدين بولغانلار.

¹²ليكن سن اى آدم-ذات اوز خلقينگ-نينگ اوغول-لاريغه ايتغيل-كه عادل كشى گناه-غه توشگان كونده اوز عدالتى بيلان قوتولالماس بلكه عادل كشى-نينگ عدالتى انى گناه-غه توشگان كونده قوتقازالماغوديك يمان كشى اوز يمانليقيدين يانسه انينگ يمانليقى يقيليشقه سبب بولماس.

¹³اگر من عادل كشيگا: بى-شك تيريك تورورسن ديسام ليكن اول اوز عدالتيگا يولانيب گناه قيلسه انينگ عدالتيدين هيچ نمه ياد قيلينماس بلكه اوزى قيلغان گناهى اوچون اولاردور.

¹⁴اگر من يمان كشيگا بى-شك اولورسن ديسام ليكن اول اوز گناهيدين يانيب عدل بيلان حقليق قيلسه

¹⁵شونداغ-كه بو يمان كشى گوراى-نى قايتوروب بريب بُولاغان مال-نى ياندوروب بريب تيريكليك-نينگ قانونلارينى توتوب ناحقليق قيلماسه بى-شك اولماى تيريك تورادور.

¹⁶انينگ قيلغان گناه-لارى-نينگ هيچ برى ياد قيلينماى بلكه عدل بيلان حقليق-نى قيلغانى اوچون بى-شك تيريك تورور.

¹⁷ليكن ايمدى اوز خلقينگ-نينگ اوغول-لارى: خداوندنينگ يولى توغرا ايماس ديب ايتور. آيا اولارنينگ اوز يول-لارى ناتوغرا ايماسمو.

¹⁸اگر عادل كشى اوز عدالتى-نى تاشلاب گناه قيلسه اولمامدور؟

¹⁹ليكن اگر يمان كشى اوز يمانليقيدين يانيب عدل بيلان حقليق قيلسه انينگ بيلان تيريك تورمامدور؟

²⁰شونداغ بولسه-مو تخى سيزلار: خداوندنينگ يولى توغرا ايماس ديب ايتورسيز. اى اسرائيل-نينگ خاندانى-دين بولغانلار من سيزلارنينگ ايچيدين هر بريگا انينگ رفتارلاريغه موافق حكم قيلورمن.

²¹بيز اسيرليكگا كتگاندين كين اون ايكينجى يلى اونونجى آى-نينگ بشنجى كونيده اورشليم-دين قاچقان بر كشى منينگ قاشيم-غه كليب شهر اوزى اليندى ديب ايتّى.

²²بو قاچقان كشى يتيب كليشدين ايلگارى آخشام-دا خداوندنينگ قولى اوستوم-گا كلگان-ايردى. ليكن ايرته-سى اول كشى كلماسده اغزيم-نى اچتى شونداغ-كه اغزيم اچيليب گاچيليقدا قالماديم.

²³خداوندنينگ سوزى منگا كليب ايتّيكه

²⁴اى آدم-ذات اسرائيل يورتى-نينگ ويرانلاريدا اولتورغوچيلار: ابراهيم اوزى يالغوز بولوب توروب يورت-نى ميراث الغان بولسه البته بيز تولا بولوب توروب يورت-نى ميراث الورميز ديب ايتورلار.

²⁵انينگ اوچون اولارغه ايتغيل-كه سيزلار قانى اقيتيلماغان گوشت-نى يب بُت-لارغه كوزلارينگيزنى كوتاريب قان توكوب توروب يورت-نى ميراث الورسيزمو ديب رب خداوند ايتور.

²⁶سيزلار قليچ-لارينگيزغه يولانيب مكروه ايش-لار قيليب هر برينگيز اوز همسايه-سى-نينگ خاتونى-نى ناپاك قيليب توروب يورت-نى ميراث الورسيزمو؟

²⁷اولارغه ايتغيل-كه اوز تيريكليكيم بيلان قَسم قيلورمن-كه ويرانلاردا اولتورغوچيلارنى قليچ بيلان يقيتيب اولتوروب صحرادا اولتورغوچيلارنى ياوا حيوانلارغه غزا قيليب برورمن. تاغ اونگور بيلان غارلاردا اولتورغوچيلار بولسه وبادين اولماكچى-بولور ديب رب خداوند ايتور.

²⁸من يورت-نى تولا خراب قيليب قويغانيم-دا انينگ عزّتى-نينگ فخرى توگاب هيچ كشى اندين اوتماگوديك اسرائيل-نينگ تاغلارى ويران بولور.

²⁹من اولار اوزى قيلغان مكروه ايشلارى اوچون يورت-نى خراب قيلغانيم-دا منينگ خداوند ايكانيم-نى بيلورلار.

³⁰ليكن سن اى آدم-ذات بيلگيل-كه اوز خلقينگ-نينگ اوغول-لارى بولسه اولار اوى-لارنينگ دروازه-لاريدا سنينگ توغرانگدا سوزلاشيب بربريگا: يورگيل باريب خداوندنينگ طرفيدين كلگان سوزنى انگلاب باقالى دييشورلار.

³¹اولار سنينگ آلدينگغه بر گروه-ديك كليب منينگ قَوْميم-ديك آلدينگدا اولتوروب سوزلارينگ-نى انگلاسه-مو انگا موافق عمل قيلماسلار چونكه اولار گب اغزى بيلان يقينليق كورساتگانى بيلان كونگل-لارى اوز فائده-سى-نى ايستايدور.

³²منا سن اولار اوچون اوبدان نغمه قيليب چرايليق آواز بيلان عشق-نينگ غزلى-نى اوقويدورغان كشيديك بولورسن چونكه اولار سنينگ سوزلارينگ-نى انگلاسه-مو انگا موافق عمل قيلمايدور.

³³منا بو ايش-لار بجا كلور آرى كلادورغانى كلور اول وقت اولارنينگ آراسيدا بر پيغمبر بولغانى-نى بيلورلار.