Read كتاب مقدّس, 1950 حزقيال 39 Bible Online

حزقيال 39 - كتاب مقدّس, 1950 bible

حزقيال 39

¹ليكن سن اى آدم-ذات جوج-نينگ ضدّيغه پيغمبرليك قيليب ايتغيل-كه رب خداوند مونداغ ايتور: اى روش بيلان مسك و توبال-نينگ اميرى بولغان جوج منا من سنينگ ضدّينگغه قوپوب

²سنى قيزيقتوروب يوتالاب مانگيب شمال-نينگ يراق بولغان چت-لاريداكى يورت-دين اليب كليب اسرائيل-نينگ تاغلاريغه باشلاب باريب

³اندا يانى سول قولونگدين اوروب اتيب اونگ قولونگدين يا-اوق-لارينى توشورورمن.

⁴اسرائيل-نينگ تاغلاريدا سن اوزونگ بيلان همه قوشونلارينگ يقيليب سنگا ايرگاشگان خلق-لار اوزى توشوب ضايع بولور آرى سنى ييرتقوچى قُوش بيلان صحرانينگ قسم-قسم حيوانلاريغه لُقمه قيليب برورمن.

⁵منا سن اوچوق يرده يقيليب توشارسن چونكه من مونى ايتّيم ديب رب خداوند ايتور.

⁶من ماجوج بيلان جزيره-لارده تينج-آمان اولتورغوچيلارنينگ اوستيگا اوت ايبارورمن. اول وقت منينگ خداوند ايكانيم-نى بيلورلار.

⁷اولار اوز قدّوس اسميم-نى ينه ناپاك قيلماسون ديب اوز قَوْميم اسرائيل-نينگ آراسيدا قدّوس اسميم-نى اشكارا قيلورمن آرى خلق-لار منينگ خداوند بولوب اسرائيل-نينگ قدّوسى ايكانيم-نى بيلور.

⁸منا كلادورغانى كليب واقع بولور ديب رب خداوند ايتور. من توغراسيدا سوزلاگان كون شو اوزى بولادور.

⁹اول وقت اسرائيل-نينگ شهرلاريده اولتورغوچيلار اندا چيقيب ياراغ بيلان سپرلارنى، قالقان بيلان يالارنى، يا-اوقى بيلان تياق و نيزه-لارنى يغيب كليب اوتون اورنيدا ايشلاتيب يته يلغچه كويدورورلار.

¹⁰شونداغ-كه اولار ميداندين اوتون اليب كلماس ويا جنگلدين كسيب كلماس بلكه يالغوز ياراغلارنى قالاب تورور. اول وقت اولار اوزينى بُولاغانلارنى بُولاب اوزينى تالاغانلارنى تالارلار ديب رب خداوند ايتور.

¹¹اول زماندا من جوج-غه اسرائيل-نينگ يورتيدا شور-دريانينگ مشرق طرفيداكى يولآچى دره-سيده گور قورلانماق اوچون بر جاى برورمن. اولار اندا جوج بيلان انينگ همه گروهى-نى كوموب اتقانى اوچون يولآچى-نينگ يولى توسولوب قاليب بو دره-نى جوج گروهى-نينگ دره-سى ديب آتارلار.

¹²يورت-نى صافلاماق اوچون بنى-اسرائيل يته آيغچه اولارنى كومگالى مشغول بولوب

¹³يورت-نينگ همه آدم-لارى اولارنى كومگالى ياردم برور آرى شونداغ بولوركه منينگ جلالتليك كونوم-ده اولار دانگلانيب نام كوتارور ديب رب خداوند ايتور.

¹⁴اولار يولآچيلار بيلان برلاشيب يرده اوچوق قالغان اولوك-لارنى كوموب يورت-نى صاف قيلغالى برنچه كشيلارنى ايلغاب يورت-نى هميشه كزيب يته آيدا بر مرتبه چارلاب كورسونلار ديب ايلغارلار.

¹⁵قچان-كه اولارنينگ برى يورت-دين اوتگانيده بر آدم-نينگ سونگاكى-نى كورسه گوركشلار انى جوج گروهى-نينگ دره-سيگا اليب باريب كومگونچه-ليك انينگ يانيدا بر نشانه تيكلاب قويسونلار.

¹⁶اول يرده هم همونه ديگان بر شهر بولور. بو طريقه-ده اولار يورت-نى صافلاماقچى-بولور.

¹⁷اى آدم-ذات هر قسم قُوش بيلان صحرانينگ همه حيوانلاريغه ايتغيل-كه يغيليب كلينگلار آرى هر طرفدين منينگ ذبيحه-قربانيم-غه كليب من سيزلار اوچون اسرائيل-نينگ تاغلاريدا طيّار قيلغان چونگ ذبيحه-قربانيم-نينگ گوشتى-نى يب قانيدين ايچينگلار ديب رب خداوند ايتور.

¹⁸اندا پهلوانلارنينگ گوشتيدين يب يورت-نينگ اميرلارى-نينگ قانى-نى ايچارسيزلار آرى باشاندا بوردالغان همه قوچقار بيلان قوزى، تاكا بيلان بوقالارنينگ-كى-دين يب ايچينگلار.

¹⁹ايمدى سيزلار بولسانگيز من سيزنينگ اوچون طيّار قيلغان ذبيحه-قربانيدين تويغوديك ياغ يب مست بولغوديك قان ايچماكچى-بولورسيز.

²⁰آرى منينگ دستورخوانيم-دا سيز مينادورغان آط بيلان عرابه آط-لارى، پهلوان بيلان هر قسم جنگ قيلغوچيلارنينگ گوشتيدين يب تويارسيزلار ديب رب خداوند ايتور.

²¹من طائفه-لارنينگ آراسيدا اوز جلاليم-نى كورساتگانيم-ده همه طائفه-لار من توختاتقان سزانى كوروب اولارنينگ ضدّيغه قول كوتارگانيم-نى بيلور.

²²بنى-اسرائيل منينگ اول كوندين تارتيب هميشه اولارنينگ تنگريسى خداوند ايكانيم-نى بيلور.

²³طائفه-لار بولسه بنى-اسرائيل گناه قيلغانى اوچون اسيرليكگا كتيب منگا وفاسزليق قيلغانى اوچون اولاردين من يوزوم-نى اويروب همه-سى قليچدين توشسون ديب اولارنى دوشمن-لارى-نينگ قوليغه تاپشورغانيم-نى بيلورلار.

²⁴چونكه من اولارنينگ ناپاكليقى بيلان خطالاريغه موافق اولارغه ياندوروب اوز يوزوم-نى اولاردين ياشوردوم.

²⁵انينگ اوچون رب خداوند مونداغ ايتوركه ايمدى من يعقوب-نينگ اسيرليكگا كتگانلارينى قوتقازيب اسرائيل-نينگ همه خاندانيغه رحم قيليب اوز قدّوس اسميم اوچون غيرت قيلورمن.

²⁶هر قايداغ بولسه اولار اوز يورتيدا تينج-آمان اولتوروب هيچ كيم اولارنى قورقوتماسه-مو منگا قيلغان همه وفاسزليقى اوچون اوز خجالتى-نى تارتماقچى-بولورلار.

²⁷آرى من اولارنى طائفه-لاردين ياندوروب كليب اوز دوشمن-لارى-نينگ يورت-لاريدين يغيب كلتورگانيم-ده تولا خلق-لارنينگ كوز آلديدا اوزوم-نى اولارنينگ ايچيده قدّوس كورساتورمن.

²⁸اول وقت اولار اوزى من اولارنينگ تنگريسى خداوند بولوب اولارنى طائفه-لارنينگ آراسيغه اسيرليكگا كتگوزگان بولسام-مو ينه من اولارنينگ هيچ برينى قويماى اولارنى اوز يورتيغه يغيب كلتورگانيم-نى بيلور.

²⁹من اسرائيل-نينگ خاندانى-نينگ اوستيگا اوز روحوم-نى توكگانيم اوچون موندين كين اوز يوزوم-نى اولاردين هرگيز ياشورماسمن ديب رب خداوند ايتور.