Read كتاب مقدّس, 1950 عمل‌لار 13 Bible Online

عمل‌لار 13 - كتاب مقدّس, 1950 bible

عمل‌لار 13

¹و انطاكيّه-داكى جماعت-ده پيغمبرلار و معلّم-لار يعنى بارناباس و نيجر ديگان سمعون و قيرينه-ليك لوكيوس و امير-رُبع هيرودس-نينگ اوگاى برادرى مناين و شاول بار ايرديلار.

²اما بولار خداوندگا عبادت قيليب روزه توتقانيدا روح-القدّس ايتّى: بارناباسنى و شاول-نى من اولارنى قچقيرغان خذمت اوچون منگا آيريب قويونگلار.

³و اولار روزه توتوب دعا قيليب قول-لارينى اولارنينگ اوستيگا قويوب يولغه سالديلار.

⁴و بولار روح-القدّسدين ايباريليب سلوكيه-گا باريب اندين كمه بيلان قپروس جزيره-سيگا سفر قيلديلار.

⁵و سلاميس شهريگا يتگانده يهوديلارنينگ سيناغوغلاريدا خدانينگ سوزينى بشارت برور ايرديلار. و يوحنّا خذمتكارديك اولار بيلّه بارور ايردى.

⁶تمام جزيره-نى كزيب پافوس شهريگا يتگانده اندا يالغان پيغمبر بولوب جادوگرليك قيليب باريشوع آتانغان بر يهودى اولارغه يولوقتى.

⁷اول اوزى سرگيوس پاولوس ديگان والى-نينگ قاشيدا تورور ايردى. والى عاقل بر كشى بولوب بارناباس بيلان شاول-نى قچقيريب خدانينگ سوزينى انگلاغالى التماس قيلدى.

⁸ليكن انينگ اسمى-نينگ معنى-سى جادوگر بولغان عليماس يعنى باريشوع اولارغه ضدّ توروب والى-نى ايشانيشدين توسقالى خواهلادى.

⁹اما هم پاولوس آتانغان شاول قدّوس-روح-دين تولوب انگا كوز تيكيب:

¹⁰اى هر حيله و هر يمانليق بيلان تولغان كيمرسه اى ابليس-نينگ اوغلى اى همه عدالت-نينگ دوشمنى خداوندنينگ توز يول-لارينى بوزوشدين توختامامسن؟

¹¹و منا ايمدى خداوندنينگ قولى سنينگ اوستونگده-دور و كور بولوب بر وقتغچه كون-نى كورماس-سن ديدى. و حاضر انينگ اوستيگا توتگ و قرانگغولوق توشتى و اول چورگولوب يوروب يوتالاگوچى ايستار ايردى.

¹²والى بو واقعه-نى كورگانده خداوندنينگ تعليميگا حيران قاليب ايشاندى.

¹³پاولوس و انينگ بيلّه بولغانلار پافوسدين كمه بيلان پامفيليه-داكى پرگه شهريگا بارديلار اما يوحنّا اولاردين آيريليب اورشليم-غه يانيب كتّى.

¹⁴ليكن اولار اوزى پرگه-دين كتيب پيسيديه-داكى انطاكيّه-گا باردى. و سبت-كونيده سيناغوغقه كيريب اولتورديلار

¹⁵و تورات بيلان پيغمبرلارنينگ كتابيدين اوقولغاندين كين سيناغوغ-نينگ اولوغلارى اولارغه كشى ايباريب: اى برادرلار اگر خلققه نصيحت سوزينگيز بولسه ايتينگلار ديب ايتورديلار.

¹⁶پاولوس قوپوب قولى بيلان اشارت قيليب ايتّى: اى اسرائيل-ليق كشيلار و خدادين قورقغوچيلار قولاق سالينگلار!

¹⁷بو اسرائيل قَوْمى-نينگ تنگريسى آتابابالاريميزنى ايلغاب اولار مصر يورتيدا غريب بولوب تورغان وقتيدا قَوْم-نى اولوغلاندوروب اندين كوتاريلگان قول برله اولارنى چيقاريب

¹⁸قرق يلچه چولده اولارغه تحمّل قيلدى.

¹⁹و كنعان يورتيدا يته طائفه-نى هلاك قيلغاندين كين بولارنينگ زمينى-نى اولارغه تقسيم قيليب بردى.

²⁰و تورت يوز الّيك يلچه اوتگاندين كين صموئيل پيغمبرغچه اولارغه حاكم-لار بردى.

²¹اندين كين اولار بر پادشاه طلب قيلدى. و خدا بنيامين قبيله-سيدين قيس-نينگ اوغلى شاول ديگان كشى-نى قرق يلغچه اولارغه بردى.

²²و شاول-نى توشورگاندين كين اولارغه پادشاه بولغالى داودنى قوپاريب انينگ باره-سيده گواه-ليق بريب: كونگلوم-گا موافق بر آدم-نى يعنى يسّى-نينگ اوغلى داودنى تاپتيم اول همه اراده-م-نى بجا قيلادور ديب ايتّى.

²³و انينگ اوروغيدين خدا اوز وعده-سيگا موافق اسرائيلغه يسوع-نى قوتقازغوچى قيليب قوپاردى.

²⁴انينگ كليشيدين ايلگارى يوحنّا اسرائيل-نينگ همه قَوْميغه توبه تعميدينى وعظ ايتقان ايردى.

²⁵ليكن يوحنّا اوز خذمتى-نى تمام قيلغانيدا: من سيزلار منى خيال قيلغان كيمرسه ايماس-من ليكن منا مندين كين بر كيمرسه كلور انينگ آياغلارى-نينگ كفشلارينى يشگالى لايق ايماس-من ديدى.

²⁶اى برادرلار ابراهيم-نينگ بلالارى و آرانگيزداكى خدادين قورقغوچيلار بو نجات-نينگ سوزى بيزلارگا ايباريلدى.

²⁷چونكه اورشليم-دا ساكن بولغانلار و اولارنينگ چونگ-لارى انى تونوماى انينگ اوستيگا قيلغان حكمى بيلان هر سبت-كونى اوقولادورغان پيغمبرلارنينگ سوزلارينى بجا كلتورديلار.

²⁸و اولار اولوم-گا لايق بر گناه انينگده تاپماسه هم پيلاطوسدين: اولتورولسون ديب طلب قيلديلار.

²⁹اما اولار انينگ باره-سيده پتولگان-نينگ همه-سى-نى تمام قيلغاندا انى يغاچدين توشوروب بر قبرگا قويديلار.

³⁰ليكن خدا انى اولوك-لاردين قوپاردى.

³¹و اول اوزى جليليّه-دين اورشليم-غه انينگ بيلان چيقغانلارغه تولا كونلار كوروندى. بولار ايمدى قَوْم-نينگ آلديدا انينگ گواه-لارى-دور.

³²بيز هم خدا يسوع-نى قوپارغانى بيلان آتابابالاريميزغه بريلگان وعده-نى اوز بلالاريميز اوچون بجا كلتوردى دييدورغان انجيل-نى سيزلارگا بشارت برورميز.

³³نچوك-كه ايكينجى مزموردا: سن منينگ اوغلوم-دورسن بوكون سنينگ آتانگ بولدوم ديب پتولوب-دور.

³⁴ليكن چوروماگليكگا ينه يانماسون ديب انى اولوك-لاردين قوپارغانى-نينگ باره-سيده مونداغ ايتور: داودغه بريلگان مقدّس و صادق وعده-لارنى سيزلارگا بجا كلتورورمن.

³⁵انينگ اوچون ينه باشقه مزموردا: اوز مقدّسينگ-نى چوروماگليك كورگالى قويماس-سن ديب ايتيب-دور.

³⁶داود خدانينگ اراده-سى برله اوز زمانيداكى خلققه خذمت قيلغاندين كين اويقولاب اوز آتابابالاريغه قوشولوب چوروماگليك كوردى.

³⁷ليكن خدا تيرگوزوب قوپارغان كيمرسه چوروماگليك كورمادى.

³⁸شونينگ اوچون اى برادرلار سيزلارگا معلوم بولسون-كه انينگ واسطه-سى برله گناه-لارنينگ مغفرتى سيزلارگا بشارت بريلور.

³⁹سيزلار موسى-نينگ شريعتى-نينگ واسطه-سى برله عادل بولالمايدورغان هر ايش بولسه شونينگدين هر ايشانگان كيمرسه يسوع-نينگ واسطه-سى برله عادل قيلينور.

⁴⁰انينگ اوچون احتياط قيلينگلاركه پيغمبرلارنينگ كتاب-لاريدا پتولگانى اوستونگيزگا كليب قالماغاى

⁴¹يعنى قايلانگلار اى تحقير قيلغوچيلار تعجّب قيليب هلاك بولونگلار چونكه من سيزلارنينگ كونلارينگيزده بر ايش قيلورمن اگر بر كيمرسه شو ايشنى سيزلارگا خبر برسه ايشانماس ايردينگيز.

⁴²اولار سيناغوغدين چيقغاندا: كلادورغان سبت-كونى بو سوزلارنى ينه بيزگا ايتيب برينگلار ديب اولارغه يالبارديلار.

⁴³و جمع بولغانلار تارقاشيب كتگانده تولا يهوديلار و تقوادار پروسيليت-لار پاولوس بيلان بارناباسغه ايرگاشتيلار و بولار اولار بيلان سوزلاشيب خدانينگ لطفيده ثابت تورغالى اولارغه نصيحت قيلديلار.

⁴⁴اما ينه بر سبت-كونيده آز قاليب تمام شهرنينگ خلقى خدانينگ سوزينى انگلاغالى يوغلاشتى.

⁴⁵ليكن يهوديلار خلق-نينگ گروه-لارينى كوروب غيرت-دين تولوب پاولوس-نينگ ايتقانيغه ضدّ سوزلاب دشنام ايتور ايرديلار.

⁴⁶اول وقت پاولوس بيلان بارناباس جرأتلانيب ايتّيلاركه اوّل سيزلارگا خدانينگ سوزينى ايتماق كيراك ايردى ليكن سيزلار انى ردّ قيليب اوزونگيزنى ابدى تيريكليكگا لايق ساناماغاندين كين منا طائفه-لارغه يوزلانورميز

⁴⁷چونكه خداوند بيزگا شونداغ بويوروب ايتّى: يرنينگ انتهاسيغچه نجات بولغايسن ديب سنى طائفه-لارغه نور قيليب تورغوزدوم.

⁴⁸طائفه-لار مونى انگلاغاندا خوش بولوب خداوندنينگ سوزينى دانگلاديلار. و ابدى تيريكليكگا تعيينلانغانلارنينگ همه-سى ايشانديلار.

⁴⁹و خداوندنينگ سوزى همه يورت-غه ياييلدى.

⁵⁰و يهوديلار تقوادار معتبر خاتونلارنى و شهرنينگ چونگ-لارينى قيزيقتوروب پاولوس بيلان بارناباس-نينگ اوستيگا بر قوغلانماغليق قوزغاتيب اولارنى اوز سرحدلاريدين چيقارديلار.

⁵¹ليكن اولار پوت-لارى-نينگ توپاسى-نى اولارنينگ ضدّيغه قاقيب ايقونيه-گا كتّيلار.

⁵²اما شاگردلار خوشلوق و قدّوس-روح بيلان تولار ايرديلار.