Read كتاب مقدّس, 1950 يشوع 8 Bible Online

يشوع 8 - كتاب مقدّس, 1950 bible

يشوع 8

¹خداوند يشوع-غه ايتّيكه سن هيچ قورقوب تيتراماى اوزونگ بيلان جنگ كشيلارنى اليب قوپوب باريب عاى-نينگ ضدّيغه چيقغيل. منا من عاى-نينگ پادشاهى-نى اوز خلقى بيلان قاتيب شهرينى يورتى بيلان قوشوب سنينگ قولونگغه تاپشوردوم.

²سن بولسانگ اريحا بيلان انينگ پادشاهيغه قيلغانينگديك عاى بيلان انينگ پادشاهيغه قيلورسن. هر قايداغ بولسه سيزلار اندين الغان اولجا بيلان چارپاى مال-نى غنيمت-ديك ساقلاغايسيز. ايمدى سن شهرنينگ ضدّيغه انينگ كينى طرفيده ماراغچى قويغيل.

³شونى ديسه يشوع بيلان همه جنگ كشيلارى قوپوب عاى-نينگ ضدّيغه چيقتى. اما يشوع اوزى اوتوز مينگ بهادر پهلوانلارنى ايلغاب اولارنى كيچه-سى ايباريب

⁴اولارغه بويوروب ايتّيكه سيزلار آگاه بولوب شهردين بك نرى كتماى شهرنينگ كينيده ماراغدا اولتوروب همه-نگيز طيّار تورونگلار.

⁵من بولسام اوزوم بيلان قالغان همه كشيلارنى اليب شهرگا يقين بارغانيم-دا اولار بالدورقى-ديك آلديميزغه چيقيب كلسه بيز اولارنينگ آلديدين قاچيب كتورميز.

⁶اولار بيزنينگ كينيميزدين قوغلاب چيقسه بيز اولارنى دالوايلاب شهردين يراق اليب كتورميز. اولار بولسه بيزنى بالدورقى-ديك آلديميزدين قاچيب كتّى ديب خيال قيلغاچ بيز اولارنينگ آلديدا قاچيب برورميز.

⁷اول وقت سيزلار ماراغدين قوپوب چيقيب تنگرينگيز خداوند بو شهرنى سيزنينگ قولونگيزغه برگاچ انى قبضه قيلينگلار.

⁸شهرنينگ اوزينى قبضه قيليب الغانينگيزدا خداوندنينگ بويوروقيغه موافق قيليب منينگ حكموم-گا قايلاب انگا اوت ياقيب اتينگلار ديب جيكالاب

⁹يشوع اولارنى ايبارسه اولار باريب بيت-ايل بيلان عاى-نينگ اوتراسيدا عاى-نينگ مغرب طرفيده ماراغدا اولتوردى ليكن يشوع اوزى اول كيچه-سى خلق-نينگ آراسيدا قالدى.

¹⁰ايرته-سى سحر يشوع قوپوب خلق-نى كوراك قيليب اسرائيل-نينگ آقسقال-لارينى اليب خلق-نينگ آلديدا مانگيب عاى-نينگ ضدّيغه چيقتى.

¹¹انينگ بيلان بولغان همه جنگ كشيلارى-مو انينگ بيلان چيقيب شهرنينگ اوتّوريغه يتيب يقين باريب عاى-نينگ شمال طرفيگا توشوب چادر تيكدى. اولار توشگان جاى بيلان عاى-نينگ اوتراسيدا بر دره بار ايردى.

¹²ليكن اول اوزى بش مينگچه آدم اليب باريب بيت-ايل بيلان عاى-نينگ اوتراسيدا شهرنينگ مغرب طرفيده ماراغدا اولتورغوزوب قويدى.

¹³خلق-نى جايلاب شهرنينگ شمال طرفيداكى قوشونلار بيلان مغرب طرفيده ماراغدا اولتورغانلارنى تيزيب بولغاندين كين يشوع اوزى كيچه-سى دره-نينگ اوتراسيغه باردى.

¹⁴اما عاى-نينگ پادشاهى شونى كورگانيده اولار آلديراب كتيب سحر قوپوب اسرائيل-نينگ ضدّيغه سوقاشماق اوچون شهرنينگ آدم-لارى تعيين وقت-دا ميدانغه چيقتى چونكه پادشاه بولسه شهرنينگ كينيداكى ماراغدا اولتورغانلاردين خبر تاپماغان-ايردى.

¹⁵ليكن يشوع اوزى بيلان اسرائيل-نينگ همه-سى بولسه اوزينى اولاردين مغلوب قيلينغانديك كورساتيب چول طرفيگا قاچقالى تورسه

¹⁶شهرده بار خلق-نينگ همه-سى اولارنى قوغلاسون ديب قچقيريلدى اولار كليب يشوع-نى قوغلارميز ديب شهردين نرى چيقيب كتّى.

¹⁷شونداغ-كه عاى بيلان بيت-ايل-نينگ ايچيده اسرائيل-نى قوغلاغالى چيقماغان هيچ اير كشى قالماى شهرنى اوچوق قويوب همه-سى اسرائيل-نى قوغلاب چيقيب كتّى.

¹⁸اول وقت خداوند يشوع-غه : قولونگداكى نيزه-نى عاى-نينگ ضدّيغه اوزاتغيل چونكه من بولسام انى سنينگ قولونگغه برديم ديسه يشوع اوزى قوليداكى نيزه-نى شهرنينگ ضدّيغه اوزاتّى.

¹⁹اول اوزى قوليداكى نيزه-نى اوزاتغان همان ماراغدا اولتورغانلار جاييدين چيقيب يوگوروب كليب شهرگا كيريب اليب انى قبضه قيليب درحال اوت ياقيب كويدوروب اتّى.

²⁰اما عاى-نينگ آدم-لارى اويرولوب قايلاسه شهردين آسمان بزلاش توتون چيقغانى-نى كوروب خواه اول طرف-گا خواه بو طرف-گا قاچالماى چول طرف-گا قاچقانلار بولسه-مو قوغلاغوچيلارغه اوچراب قالدى.

²¹چونكه يشوع بيلان اسرائيل-نينگ همه-سى ماراغچيلارنينگ اوزى شهرنى اليب بولوب آسمانغه توتون چيقيب تورغانى-نى كورگانده يانيب كليب عاى-نينگ آدم-لارينى اولتورگالى توردى.

²²باشقه-لارمو شهردين اولارنينگ ضدّيغه چيقسه اولارنينگ ايكى طرفيده بولغان اسرائيليلارنينگ اوتراسيدا توشوب قاليب اسرائيليلار اولارنينگ هيچ برينى قويماى قاچورماى اولتوروب اتّى

²³ليكن عاى-نينگ پادشاهى-نى تيريك توتوب يشوع-نينگ قاشيغه اليب بارديلار.

²⁴اسرائيل اوزى عاى-نينگ همه اولتورغوچيلارينى قوغلاب باريب ميدان بيلان چولده اولتوروب همه-سى-نى قليچ بسى بيلان يوقاتيب بولغاندين كين اسرائيل-نينگ همه-سى عاى-غه يانيب كليب انداكى-لارنى قليچ بسى بيلان اوردى.

²⁵شونداغ-كه اول كونده اولتورولگانلار بولسه اير خاتون قوشولوب عاى خلقى-نينگ همه-سى-نينگ عددى اون ايكى مينگگا يتگان-ايردى.

²⁶چونكه يشوع بولسه عاى-نينگ همه اولتورغوچيلارى يوقاتيلماغونچه-ليق قوليداكى شيلتاب تورغان نيزه-سى-نى يغماغان-ايردى.

²⁷ليكن اسرائيليلار بولسه خداوندنينگ يشوع-غه بويورغانيغه موافق اوزى اوچون يالغوز شهرنينگ چارپاى مالى بيلان غنيمت مالى-نى اولجاغه الدى.

²⁸اندين كين يشوع اوزى عاى-نى كويدوروب ابدغچه قَوْم دوبه-سيگا اويروب بو كونغچه انى ويران قيليب اتّى.

²⁹عاى-نينگ پادشاهى بولسه انينگ اوزينى اول بر يغاچغه استوروب انى اندا آخشام-غچه اسيغليق قويدى. ليكن كون پاتغاندا اولار يشوع-نينگ بويوروقى بيلان انينگ اولوكى-نى يغاچدين توشوروب انى دروازه-سى-نينگ آلديدا تاشلاب اوستيگا بو كونغچه قالغان تولا تاش چالمه-نى دوبه-لاب قويديلار.

³⁰اندين كين يشوع اوزى عيبال تاغيدا اسرائيل-نينگ تنگريسى خداوندگا بر قربانگاه-نى ياساب

³¹مونى خداوندنينگ بنده-سى موسى اوزى بنى-اسرائيلغه بويورغانيغه موافق راستلاب موسى-نينگ شريعت كتابيدا پوتولگانديك قيلدى. اول قربانگاه اوزى هيچ بر كشى تمور اسباب تكگوزماگان پوتون تاشلاردين ياسالغان-ايردى. انينگ اوستيده اولار اوزى خداوندگا كويدورادورغان قربان اوتگوزوب شكر-قربانى بوغوزلاب توردى.

³²اما يشوع انينگ تاشلارى-نينگ اوزيگا موسى بنى-اسرائيل-نينگ آلديدا پتوگان شريعتيدين بر نمونه يازيب قويدى

³³اسرائيل-نينگ جماعتى بيلان آقسقال-لارى، سردارلارى بيلان حاكم-لارى خواه مسافرلار بولسون خواه اولارنينگ آراسيدا تورغانلار بولسون همه-سى قربانگاه-نينگ ايكى طرفيده توروب خداوندنينگ عهد-صندوقى-نى كوتارادورغان كاهن-لارنينگ طرفيگا قايلاب خداوندنينگ بنده-سى موسى ايلگارى بنى-اسرائيل-نينگ مباركلانيشى-نينگ توغراسيدا بويورغانديك قَوْم-نينگ بر يريمى جريزيم تاغيغه ينه بر يريمى عيبال تاغيغه قايلاب توردى.

³⁴اندين كين اول اوزى شريعت كتابيدا پتولگان-نينگ همه-سيگا موافق شريعت-نينگ همه سوزلارى بيلان بركت و لعنت-نى اوقوب بردى.

³⁵آرى يشوع اوزى موسى بويورغانيدين هيچ نمه-نى قويماى همه-سى-نى اسرائيل-نينگ تمام جماعتى بيلان خاتون بلا و اولارنينگ آراسيدا اولتورغان مسافرلارغه اوقوب بردى.