Read kinyarwanda 1 KAWRINTHUX 2 Bible Online

1 KAWRINTHUX 2 - kinyarwanda bible

1 KAWRINTHUX 2

¹Puxaik khankix eue, yam hoek aux ka pex, aux viex lox nyawm, phan ang mawh nan viex pingnya, hoek ti sidiex grawng mhai rug Siyiex ka pex ang mawh heue.

²Grawh grawng nawh, aux hoik een rhawm tix ang tawng tidtix, ka daux pex, lheu khaing Yesux Khrit mai grawng pa hoik yum Nawh piang khaox lhak heue.

³Aux hoik ot tau mai pex ka daux pa iak riang rao, ka daux pa lhat graung mai ka daux pa nie siyaung heue.

⁴Lox sikah aux mai lox sidiex aux, ang mawh lox pa chix nyaw glaw pa dex mai pingnya, viang mawh nan hoik mawh ka daux pa plak jhi Khuan Cao mai sibrawm heue.

⁵Son ang krax yum rhawm pex sang mawh ka daux pingnya kawn pui, viang mawh nan sonsang mawh ka daux sibrawm Siyiex heue.

⁶Viang mawh nan, ex tom ah lox pingnya ka pui pa grum naog heue. Ang mawh pingnya pa dex mai haktiex in mai ang mawh pingnya simiang giex kaing haktiex in pa chix laux grai heue.

⁷Viang mawh nan pa ah ex mawh pingnya Siyiex pa raux, mawh pingnya pa hoik mox, pa hoik grux ciak Siyiex ti deuh, ka sang koe haktiex, sonsang mawh min plakngai ex heue.

⁸Simiang giex kaing haktiex in ang lai tawng ka pingnya an tix kaux kawx, grawh grawng nawh phan kix hoik tawng, kix ang tau ti tawk Simiang ka piang khaox lhak heue.

⁹Viang mawh nan awm pa khaw mai pa hoik tiiem ti deuh ah nin, “Ceu pa hoik cox khre Siyiex ka son kix pa moh ka Nawh, mawh ceu pa ang ngai sax yaox mai pa ang yhaok sax mhong mai pa ang sax laig ka daux rhawm rhi kawn pui heue.”

¹⁰Viang mawh nan, Siyiex hoik plak jhi ceu an khankix ka ex ka daux Khuan Cao. Grawh grawng nawh, Khuan Cao an sawg liiem ka grawng kuceu khawmuik, khawm ka ceu pa raux pa nu pa dex mai Siyiex heue.

¹¹Ka daux kawn pui khankix, mawh mawx pa tawng, ceu pa dex mai kawn pui, lheu khaing khuan pui, pa koe ka daux Nawh? Awm an ceu pa dex mai Siyiex khankix kawx, ang koe pui tawng, lheu khaing Khuan Siyiex heue.

¹²Ex hoik pon khuan pa dex mai haktiex in ang mawh, viang mawh nan hoik pon Khuan pa kaoh khaing Siyiex, sonsang tawng ex ka ceu pa hoik yuh Siyiex bwanson ti tawx giex ka ex heue.

¹³Ang ex krai grawh grawng ceu an khankix ka lox pingnya pa gau kawn pui, viang mawh nan krai ka lox pa gau Khuan Cao mai krai dee bleeh ceu pa dex mai Khuan, ka lox pa dex mai Khuan heue.

¹⁴Pui pa dex mai nex nham ang rieb ti teei ceu pa dex mai Khuan Siyiex, grawh grawng nawh ceu an kix mawh pa daox aw ka nawh mai nawh ang pon ti tawng grawng khankix, mawh kheu ceu an khankix mawh pa chix liiem chix chawk ti tawng ka khuan khaing heue.

¹⁵Viang mawh nan pui pa dex mai khuan chix liiem chix chawk ti tawng grawh grawng kuceu khawmuik, viang mawh nan ang pui chix liiem chix chawk ti tawng ka tokaux nawh tix kaux kawx heue.

¹⁶“Grawh grawng nawh, mawh mawx pa tawng ka rhawm Simiang ti sang chix gau ka Nawh Cao?” Viang mawh nan ex hoik pon rhawm Cao Khrit heue.