Read kinyarwanda 2 KAWRINTHUX 6 Bible Online

2 KAWRINTHUX 6 - kinyarwanda bible

2 KAWRINTHUX 6

¹Kheu rom ti yuh kaing tau mai Nawh Cao, ex tom khyox khaw ka pex, son pa rieb pex ti teei bwanson Siyiex tak ang lai mawh pa giex going.

²Grawh grawng nawh, Nawh Cao hoik ah nin, “Daux bawg yam pa khaw caw Aux hoik nghiet ka maix, ka daux singaix pa taoh, hoik teem ka maix.” Jhak heue, yam in mawh bawg yam pa khaw caw heue; jhak heue, yam in mawh singaix pa taoh heue.

³Son ang koe jao dee sideeing ka daux tix ceu kawx, son ang lai koe dee deuh phimap ka kaing cau ex.

⁴Daux kuceu khawmuik ex kieh sidawng grawng mawh tokaux ex pui cau Siyiex, ka daux pa gun yeung tom nie, ka daux pa tug pa kha, ka daux pa hot sia, ka daux pa kha rhawm.

⁵Ka daux pa sivied, ka daux pa laung daux thawng, ka daux pa lawh maw, ka daux kaing pa nyhap mao, ka daux pa pau khawm ang yaox ti it, ka daux pa siya tix,

⁶ka daux pa singax, ka daux krax tawng, ka daux pa lang gun yeung, ka daux pa mhawm rhawm, ka daux Khuan Singax Singeh, ka daux krax moh tete,

⁷ka daux gumlox pa mawh meh, ka daux siawp sibrawm Siyiex, kheu kraung naing pa rahsee ka taix plak khawn dawm mai ka plak khawn gwiex,

⁸kheu min pakngai mai pa ang koe min plakngai, kheu pa map kah, pa yaw kah, awm pui pie lhen mai mawh pa mawh meh,

⁹Awm pa ang tawng kawx, mawh pa tawng mhawm mhawm, awm pa dex yum kawx, jhak heue; ex im heue, awm pa kham dam sidiex kawx, ang lai teei yum,

¹⁰Awm pa khi rhawm kawx, mawh pa gaux rhawm jheung jheung, awm pa hot sia kawx, mawh pa kieh pui tom nie mi koe kah, awm pa ang lai koe tidtix kawx, mawh pa koe ku ceu khawmuik heue.

¹¹Pui Kawrinthux khankix eue, jheeh ex hoik ang tix ka son pex, rhawm ex kawx hoik ting vieh kah heue.

¹²Pex ang lai sikhiep sikhawp ka daux ex, viang mawh nan pex hoik sikhiep sikhawp ka daux krax moh pex khaing heue.

¹³Aux sikah ka pex awm ka kawn praix tix, rhawm pex kawx kieh ting vieh kah heue.

¹⁴Paw rom tix sau iak tau mai pui pa ang yum rhawm khankix, grawh grawng nawh ceu pa rahsee chix yuh paox pie ka pa lheu lox been yuh ka mawx? Phan ang mawh nan pa riang chix yuh paox pie ka pa faik yuh ka mawx?

¹⁵Cao Khrit mai Belialax chix khaw ka paox tix yuh ka mawx? Phan ang mawh nan pui pa yum rhawm mai pui pa ang yum rhawm chix dex mai paox tix yuh ka mawx?

¹⁶Nyiex bwan Siyiex mai riang grang chix khaw paox tix yuh ka mawx? Grawh grawng nawh ex mawh nyiex bwan Siyiex pa im ju, awm pa khaw mai pa hoik ah Siyiex yuh nin, “Aux tak ot ka daux kix mai hu ka daux kix mai Aux tak mawh Siyiex kix mai kix tak mawh pui cie Aux heue.”

¹⁷Mawh kheu nan, Simiang baox ah nin, “Pex lih hoek khaing ka daux kix mai tang tiah tix awx. Paw vi teeh ka ceu pa ang singax mai Aux tak rieb ti teei ka pex heue.

¹⁸Aux tak mawh Keeing ka pex mai pex tak mawh kawn simex kawn bun ka Aux, Simiang pa ting Pa Koe Sibrawm Piang Khawmuik ah nan heue.”