Read kinyarwanda 3 YOHAN 1 Bible Online

3 YOHAN 1 - kinyarwanda bible

3 YOHAN 1

¹Kaw pa riex ju tiiem ti tawx ka Kayux, pa moh pa rhawm aux ka tete heue.

²Kaw pa moh aux eue, aux rawg bwan sonsang haok hwan maix ka daux ku ceu khawmuik mai sonsang koe krax nyawm ot, awm chix haok hwan ju maix heue.

³Grawh grawng nawh aux kied koe krax gaux rhawm yam hoek puxaik khankix ti kham mhai rug mai grawng pa mawh meh maix, awm hu maix ka daux pa mawh meh heue.

⁴Krax gaux rhawm pa lheu ting khaing yam mhong aux grawh grawng kawn praix aux khankix hu ka daux pa mawh meh ang lai koe heue.

⁵Kaw pa moh aux eue maix hoik kaux sijax ka daux can pa yuh maix son puxaik khankix mai son nyo sinie khankix heue.

⁶Kix hoik kham mhai rug grawh grawng krax moh krax rhawm maix ka sivoe ceu cao heue. Maix tak yuh pa caw pa mhawm, phan maix hu teem tawx kix, ka daux krax pa hu kix, awm pa keung pa khaw ka Siyiex.

⁷Mawh kheu hoik hu kix son ceu kaux an mai ang teei tidtix khaing pui tang ceu khankix heue.

⁸Mawh kheu nan ex khaw ti rieb ka pui pa yuh nan, sonsang mawh ex, pui pa rom ti yuh kaing son pa mawh meh heue.

⁹Aux hoik tiiem lox tix blah hu ka cau cao, viang mawh nan Deotriphi pa mie ti ting piang kix, ang rieb ti teei ex heue.

¹⁰Mawh kheu nan, phan aux hoek, aux tak kieh doh keud ka ceu pa yuh nawh mai ka lox pa caox, pa ah nawh pa ang cee cak grawng ex heue. Ang nawh fah rhawm ka an ngie, nawh tom ang rieb ti teei puxaik khankix mai ka pui pa koe rhawm ti sang rieb kix kawx nawh ang cu kix rieb mai grheu kix lih khaing ceu cao heue.

¹¹Kaw pa moh aux eue, paw hawt jawh ti yuh ka ceu pa caox, viang mawh nan hawt jawh ti yuh ka ceu pa mhawm heue. Kaw pa yuh pa caox ang sax yaox ka Siyiex heue.

¹²Pui khawmuik mai khawm pa mawh meh kham mhai rug grawng Demetrix heue. Ex kawx kham mhai rug son nawh heue. Maix tawng grawh grawng mhai rug ex mawh pa mawh meh heue.

¹³Viang aux hoik koe tom nie ceu sonsang tiiem hu ka maix, aux ang rhawm tiiem grawng an kix ka maix, ka rawm nam meug mai ka gawng rawm nam meug heue.

¹⁴Viang mawh nan khaix in ang awt rheung aux keud pot jun pot ti sang yaox maix mai ex tak sang sikah taing taw pakngai paox tix heue.

¹⁵Kieh pa nhim koe piang maix heue. Paox grawm khankix nawb ka maix heue. Nawb ka paox grawm pa ot tan khankix, ka ceu kaux pui mawx ceu kaux pui an awx.