Read wanga OBUCHACHILO 36 Bible Online

OBUCHACHILO 36 - wanga bible

OBUCHACHILO 36

¹Abalondakhwo bano nibo abolwibulo lwa Esau (niye Edomu).

²Esau yateeshia abakhasibe okhurula mutsimbia etsia Abakanani. Ada yali omukhaana wa Eloni Omuhiti, Oholibama yali omukhaana wa Ana, owali omusiani wa Zibeoni Omuhiwi.

³Basematsi yali omukhaana wa Ishimaeli ne nali omukhaana wabwe Nebayotsi.

⁴Ada omukhaye wa Esau yebula Elifasi, naye Basematsi niyebula Reueli.

⁵Oholibama yebula Jeushi, Yalamu nende Kora. Abo nibo abali abasiani ba Esau aba yebula olwa yali namenyanga mushialo shia Kanani.

⁶Mana Esau nabukula abakhasibe abo, abasianibe, abakhaanabe nende abandi boosi abayamenyanga ninabo, nabukula khandi tsing'ombetsie tsiosi nende emianduchie chia yali nanyoolile mushialo shia Kanani, ne natsia mushialo shindi ehale okhurula khumusiani wabwe Yakobo.

⁷Bakabukhana shichila omukunda kwa bamenyangamwo shikwali okubahela okhumenyamwo boosi ta, okhuba tsing'ombe tsiabwe tsiali tsinyinji khandi emiandu chiabwe boosi babili chiali eminji muno.

⁸Kho Esau natsia namenya mushialo shiebikulu shia Edomu.

⁹Abalondakhwo bano nibo abolwibulo lwa Esau, samwana abandu ba Edomu, abali mushialo shiebikulu shia Edomu.

¹⁰Abasiani ba Esau bali, Elifasi, owa Ada yebula, Reueli, owa Basematsi yebula.

¹¹Abasiani ba Elifasi bali Temani, Omari, Zefo, Gatumu nende Kenazi.

¹²(Timina yali omukhasi omubiikha wa Elifasi omusiani wa Esau. Timina yebula nende Elifasi omusiani mbu, Amaleki).

¹³Abasiani ba Reueli bali, Natsani, Zera, Shama nende Miza.

¹⁴Omukhasi wa Esau oulangwa mbu, Oholibama, owali omukhaana wa Ana, omukhaana wa Zibeoni, yebulila Esau Yeushi, Yalamu nende Kora.

¹⁵Abalondakhwo bano nibo abasinjilili betsimbia tsiabolwibulo lwa Esau. Elifasi, omusiani wambeli wa Esau, niye owali kuukanyene aboluyia lwa Temina, Omari, Zefo, Kenazi,

¹⁶Kora, Gatamu nende olwa Amaleki. Bano boosi bali abolwibulo lwa Ada, omukhasi wa Esau.

¹⁷Reueli, omusiani wa Esau, niye owali kuukanyene aboluyia lwa Nahatsi, olwa Zera, olwa Shama nende olwa Miza. Bano boosi nabolwibulo lwa Basematsi omukhasi wa Esau.

¹⁸Abasiani ba Oholibama, omukhasi wa Esau bali Yeushi, Yalamu, nende Kora. Ne buli mulala khubo yali omusinjilili woluyialwe. Abo boosi bali abasiani bomukhasi wa Esau mbu Oholiba. Oholiba yali omukhaana wa Ana.

¹⁹Abo boosi bali abolwibulo lwa Esau (niye Edomu), ne buli mulala khubo yali omusinjilili woluyialwe.

²⁰Abasiani ba Seiri omuhori bali Lotani, Shobali, Zebeoni, Ana,

²¹Dishon, Ezeri nende Dishani. Buli mulala khubo yali omusinjilili woluyialwe mu Abahori bolwibulo lwa Seiri, abali mushialo shia Edomu.

²²Abasiani ba Lotani bali Hori nende Hemani. Naye Timina niye owali omukhaana wabwe Lotani.

²³Abolwibulo lwa Shobali bali Alawani, Manahatsi Ebali, Shefo nende Onamu.

²⁴Abasiani ba Zibeoni bali Aya nende Ana. Ana niye owalola tsisebele tsiamaatsi kayia pia, olwa yali niyayanga tsisishili tsia Zebeoni mushitsiimi.

²⁵Abaana ba Ana bali Dishoni nende Oholibama, omukhaana wa Ana.

²⁶Abasiani ba Dishoni bali Hemudani, Eshibani, Itsirani nende Cherani.

²⁷Abasiani ba Ezeri bali Bilihani, Zawani nende Akani.

²⁸Abasiani ba Dishani bali Uzi nende Arani.

²⁹Abemilisi betsinzibulo tsia Abahori bali Lotani, Shobali, Zibeoni, Ana,

³⁰Dishoni Ezeri nende Dishani. Abo nibo abemilisi betsinzibulo etsiarula mu Abahori okhulondana nende oluyia lwatsio mushialo shia Seiri.

³¹Abalondakhwo bano nibo abaruchi beshialo shia Edomu, abaruka omuruchi oundi yesi yesi nashili okhurukakhwo abandu ba Isiraeli tawe.

³²Bela, omusiani wa Beori yaruka eshialo shia Edomu, niyamenya mwitookho lia Dinihaba.

³³Olwa Bela yafwa, naye Yobabu omusiani wa Zera weshialo shia Bozora naruka mushilenjeshie.

³⁴Olwa Yobabu yafwa, naye Hushamu oweshialo shia Tema naruka mushilenjeshie.

³⁵Olwa Hushamu yafwa, Hadadi omusiani wa Bedadi yaruka mushilenjeshie. Hadadi niye owakhupana lihe nende Abamidiani mushialo shia Moabu ne nabahula. Yali niyamenya mwitookho lia Awitsi.

³⁶Olwa Hadadi yafwa, Samula omusiani wabwe Misireka yaruka mushilenjeshie.

³⁷Olwa Samula yafwa, Shauli owarulanga mwitookho lia Rehobotsi, owali niyamenya hambi nende omwalo kwa Yufurate yaruka mushilenjeshie.

³⁸Olwa Shauli yafwa, Baalihanani omusiani wa Akhabori naruka mushilenjeshie.

³⁹Olwa Baalihanani yafwa, Hadari yaruka mushilenjeshie. Baalihanani yamenyanga mwitookho lia Pawu. Naye omukhasiwe yalangwa mbu, Mehetabeli, omukhaana wa Matiredi, khandi nali omwitsukhulu wa Mazahabu.

⁴⁰Abasinjilili betsimbia tsiolwibulo lwa Esau, okhulondokhana nende wabamenyanga, bali Timina, Alawa, Yetsetsi,

⁴¹Oholibama, Ela, Pinoni,

⁴²Kenazi, Temani, Mibizasi,

⁴³Magidieli nende Iramu. Abo nibo abali abasinjilili betsimbia tsiabolwibulo lwa Edomu, niye Esau, samwana Edomu. Ameera kabwe ako kali okhulondikhana nende ewa bamenyanga mubialo biabarukanga.