Read wanga 1 ABARUCHI 6 Bible Online

1 ABARUCHI 6 - wanga bible

1 ABARUCHI 6

¹Omuruchi Solomoni yachaaka okhumbakha Ihekalu olunyuma lwemiyika ebikhumi bine namakhumi munane (480) Abaisiraeli nibarula Misiri. Kwali omuyika kwakhane kwomuburuchi bwa Solomoni mumwesi kwa Zibu okuli omwesi kwakhabili.

²Mukari mwa Ihekalu mwali tsimita amakhumi kabili nende musafu oburambi, tsimita shienda obubambalifu, nende tsimita ekhumi natsitaru nende inusu oburambi bwokhutsia ikulu.

³Eshisika eshiobwelu bwokhwinjila shiali tsimita tsine nende inusu okhutsia hasi, tsimita shienda obubambalifu obwahelana habundu hatakatifu.

⁴Amasiisi ka Ihekalu eyo kali namatirisha amatuutu elwanyi khundulo okhushila akomukari bwene.

⁵Khumasiisi elwenyi, mutsimbeka nende inyuma we Ihekalu eyo, bombakhayo inzu yeikorofa yebisika bitaru. Oburambi bwabuli eshisika okhutsia ikulu bwali tsimita tsibili nende tsisentimita amakhumi kabili.

⁶Buli eshisika khubwelu bwa hasi shiali nobuchikha obuhela ahambi tsimita tsibili nende tsisentimita amakhumi kabili natsirano (2.25 m). Ne obwelu bwa hakari, buli eshisika shiali nobuchikha obuhela ahambi tsimita tsibili nende tsisentimita amakhumi musafu natsirano (2.75 m), ne obwelu beikulu, buli eshisika shiali nobuchikha obuhela ahambi tsimita tsitaru. Obuchikha bwa buli obwelu bwahukhana, shichila Solomoni yatutiyiakhwo hatiiti lisiisi liebulafu eliabotokhona Ihekalu, kho mbu tsisiilo tsiokhutiila Ihekalu eyo tsileshe okhwinjila mwisiisi.

⁷Amachina akombakha Ihekalu kali nikabatsilwa aha kayabungwa kho mbu, oluyoka lwetsinyundo, tsihaywa kata eshindu shindi shiosi shieshibia luleshe okhuhulilikha aha Ihekalu yali niyumbakhungwa tawe.

⁸Omuliango kwokhwinjila mubwelu bwa hasi bwokhubiikha ebindu kwali elubeka lwemulambo khu Ihekalu, kwali nende amaniinilo kokhutsia hekulu mubwelu bwakhabili nende bwakhataru.

⁹Omuruchi Solomoni namalile okhumbakha Ihekalu, yakhoma isilingi mwikulu yakasibwa okhurula khumisiita.

¹⁰Ebisika bitaru ebio biali tsimita tsibili nende tsisentimita (2.2 m) okhutsia ikulu buli shilala; elwanyi wamasiisi eke Ihekalu, ne bialiimaasibwa khuhekalu nende tsimbao tsiemisiita.

¹¹OMWAMI Nyasaye naboolela Solomoni ari,

¹²“Noba nolonda amalako nende amalachilisio kanje koosi, ndalakhukholela akandasuubisia papawo Daudi.

¹³Ndalamenya mubandu banje ba Isiraeli muhekalu ya wumbakhanga yino, ne khandi shindilibalekhakhwo tawe.”

¹⁴Kho Solomoni namalilisia okhumbakha Ihekalu.

¹⁵Lisiisi limukari ilie Ihekalu yombashila tsimbao tsiemisiita, okhuchaachila khubwelu okhuula khumikuulo chieshilama. Yafuunikha lisiisi nende obwelu munzu mukari nende tsimbao tsiemitarakwe.

¹⁶Eshisika eshili mukari bwene, Habundu Hatakatifu Muno, shiombakhwa emukulu we Ihekalu. Oburambi bwashio bwali tsimita shienda. Shiahukhasibwa netsimbao tsiemisiita okhuchaachila khubwelu okhuula ikulu khurerwe yetsinyanzo.

¹⁷Eshisika eshiali imbeli wa Habundu Hatakatifu Muno, shiali oburambi tsimita ekhumi namunane.

¹⁸Amasiisi komukari kali nikakhomwakhwo tsimbao tsiemisiita okhufimba amachina. Tsimbao etsio tsiabaatswa nitsing'olwakhwo ebifwanani biebimuka nende ebimuli.

¹⁹Yakaasia habundu hatakatifu mukari mwa Ihekalu okhusaya Lisanduku lie Indakano eya OMWAMI Nyasaye.

²⁰Habundu tsana yaho hachelwa tsimita shienda, obubambalifu oburambi nende okhutsia ikulu. Tsimbeka tsiosi nitsifuniikhwekhwo itsahabu inzeleleshe. Eshimalilo shiemisngo shiafimbwa netsimbao tsiemisiita.

²¹Mukari mwa Ihekalu mwafimbwa neitsahabu inzeleleshe. Ne eminyololo chieitsahaabu chiarebwa buchikha habwinjililo ewa eshikoro shiomukari eshiali shiosi nishiafimbwa neitsahaabu.

²²Mukari mwosi mwa Ihekalu mwali mwafimbwa neitsahabu halala nende eshimalilo shiemisango eshiali Habundu Hatakatifu muno.

²³Babaatsa ebilonje bietsimbaha bibili okhurula khumisaala chiemitseituni nibabira Habundu Hatakatifu Muno. Buli eshilonje shiali noburambi tsimita tsine nende tsisentimita tsine.

²⁴Olubaha lulala lweshilonje lwali noburambi tsimita tsibili nende tsisentimita amakhumi kabili (2.20 m) khandi olubaha lundi lwosi lurio. Okhurula khubutsunzu bwolubaha okhuula khubutsunzu bwolubaha lundi, tsiali tsimita tsine nende tsisentimita amakhumi kane (4.40 m).

²⁵Eshilonje shindi eshio shiosi shiali shieshichelo shihela tsimita tsine nende tsisentimeta amakhumi kane. Ebilonje ebio biosi biali nibihelana khandi biali nibifwanana.

²⁶Oburambi bweshilonje shilala bwali tsimita tsine nende tsisentimita amakhumi kane (4.40 m) obuhelana nende obwa eshilonje shindi eshio.

²⁷Ebilonje bietsimbaha ebio biarebwa buli khundulo wa Habundu Hatakatifu Muno kho mbu, tsimbaha tsiashio tsiabambuukha nitsiakaanila hakari weshisika eshio natsio etsindi tsibili tsietiisinjia khwisiisi.

²⁸Ebilonje bietsimbaha ebio biafimbwa neitsahabu.

²⁹Amasiisi akeshisika eshikhongo eshiokhwikhalamwo nende eshiomukari bwene kakaasibwa obulayi nikabaatswakhwo ebifwanani biebilonje bietsimbaha, emisaala chiamashindu nende ebimuli.

³⁰Kata obwelu bwosi bwafunikhwa netsahaabu.

³¹Emiliango chibili chiemisaala chiemiseituni chiakhwomwa habwinjililo wa Habundu Hatakatifu Muno. Ikulu wobwinjililo obwo yali niyatsoba.

³²Emiliango chiali nichiarebwakhwo tsipicha tsindayi tsiebibatse ebili netsimbaha nende emisaala chiamashindu echiafimbwa neitsahabu.

³³Omuliango kwokhwinjila mushikoro eshikhongo eshiokhubutsa yakhomwa nebitiisi biakwo okhurula khumusaala kwomuseituni.

³⁴Chialiho emiliango chibili echiokhwikala echiakaasibwa okhurula khutsimbao tsiemitarakwe.

³⁵Mana nibakaasiakhwo ebilonje bietsimbao, emisaala chiamashindu nende ebimuli nibabifimba neitsahabu.

³⁶Olwanyi lwomukari lwakasibwa imbeli we Ihekalu nilubotokhasibwa lisiisi lietsimbao tsiomusaala kwomusiita mubuli tsinyali tsitaru tsiamachina.

³⁷Omuse kwa Ihekalu eya OMWAMI Nyasaye kwachaakwa mumwesi kwa Zibu, yani omwesi kwakhabili Solomoni namalile emiyika chine narukanga Isiraeli.

³⁸Mumwesi kwa munane, okuli omwesi kwa Bulu, Solomoni namalile emiyika ekhumi namulala nachaachile okhuruka Ihekalu yahwa okhusiaywa obulayi shinga olwa yali niyikhoyile. Omuruchi Solomoni yali namalile emiyika musafu okhuchiumbakha.