Read wanga 1 AKAKHALE 10 Bible Online

1 AKAKHALE 10 - wanga bible

1 AKAKHALE 10

¹Abafilisiti baseera lihe Abaisiraeli khushikulu shia Giliboa. Abaisiraeli abanji beerwaho, nabo abandi abatong'a halala nende omuruchi Saulo nende abasianibe nibelukha.

²Nebutswa Abafilisiti nibabalondachilila, nibabatiila mana nibeera abasiani ba Saulo bataru bano mbu Yonatsani, Abinadabu nende Malikishua.

³Obulwani bwali obululu muno ewa Saulo yali mana nalaswa obuyingo bwomusuku ne nibumusalisia obubi muno.

⁴Saulo naboolela omuraaka owamuchinjilanga ebimanulwabie ari, “Tsomola olukangalwo mana wunzire khulwa okhukhola Abafilisiti balamanyile Nyasaye okhukhaywa okhusaalisia.” Nebutswa omuraaka oyo yali omuri muno oulanyala okhumwiira tawe. Kho Saulo natsomola olukanga lulwe omwene mana neyefimirakhwo omwene.

⁵Omuraaka oyo nalola mbu Saulo amalile okhufwa, kho yesi khandi niyefimira omwene khulukanga lulwe omwene mana nafwa.

⁶Kho omuruchi Saulo nende abasianibe bataru boosi bafwiila halala, ne abulaho kata mulala owa khubolwibulolwe owarukakhwo khandi.

⁷Olwa Abaisiraeli abamenyanga mwibanda lia Yezerili bahulilakho mbu abelihe bali nibelushe naye Saulo nende abasianibe bali nibafwiile; balekha amataala kabwe nibelukha okhukarulamwo. Mana Abafilisiti nibetsa ne nibakabukula nibamenyamwo.

⁸Inyanga yalonda khuya lihe, Abafilisiti batsia okhunabula emibili chiabandu abeerwa, banyoola omubili kwa Saulo nende echia abasianibe nichikonile khushikulu shia Giliboa.

⁹Bateta nibakhalakayo omurwe kwa Saulo, nibafwalula ebimanulwa mana nibaruma abarume mushialo shia Ebufilisiti shiosi okhuboola amakhuwa amalayi kano khubifwanani biabwe nende khubandu babwe.

¹⁰Bara ebimanulwabie mundala khutsihekalu tsiabwe khandi nibeeleesia omurwekwe muhekalu ya Dagoni omunyasaye wabwe.

¹¹Olwa abandu ba Yabeshi Mugileadi bahulilakhwo aka Abafilisiti bali nibakholile khu Saulo,

¹²abasaatsa abalulu abeitswoni batsia nibabukula omubili kwa Saulo nende echia abasianibe mana nibachireera Yebeshi. Nibachiyabila Yebeshi hasi womusaala okwa Omuruba mana nibekhuula khulwa tsinyanga musafu.

¹³Saulo yafwa khulwa okhubela shiyali omwisiikwa khu OMWAMI Nyasaye tawe. Yakhaya okhuhulila amalako aka OMWAMI Nyasaye Yateema okhumanya obumanyilisi khulwa okhutsia okhureeba omundu wa tsinyengo

¹⁴mushilenje shiokhureeba OMWAMI Nyasaye. Kho OMWAMI Nyasaye namwiira khandi nahaana oburuchi bwa lihangalie khu Daudi omusiani wa Yese.