Read wanga 1 AKAKHALE 19 Bible Online

1 AKAKHALE 19 - wanga bible

1 AKAKHALE 19

¹Olunyumakhwo Nahashi omuruchi wa Abamori yafwa, mana omusianiwe mbu Hanuni nakalukha muburuchibwe okhuruka.

²Omuruchi Daudi naboola ari, “Ndalalolesia Haroni obuheeli shinga olwa Nahashi samwana Yese yalolosia khwisie.” Mana Daudi naruma abarume okhutsia okhulemia Hanuni omwoyo khulwa okhufwa khwa Samwana. Olwa abarume abo boola Amoni,

³abemilisi ba Amoni bareeba omuruchi Hanani bari, “Opaara mbu Daudi ahaananga oluyali khu papawo khulwa okhuruma abarume bano khulwa okhukhulemia omwoyo? Shikali kario tawe! Daudi abarumile hano khulwa okhulambuula nende okhurunilisia litookho kho niyetse okhukhuseera nalibukula!”

⁴Mana Hanuni natiila abarume abo nabeka tsindefu tsiabwe khandi nakhalaka ebifwalo biabwe hakari mushishienje mana nabaseebula nibatsia.

⁵Abasaatsa abo nibafimbwa omurwe muno mana nibalakalukha nango wabwe tawe. Ne olwa Daudi yahulilakho akali nikabekholeeshekhwo, yaruma likhuwa naboolanga mbu, abasaatsa abo bamenye Yeriko okhuula olwa tsindefu tsiabwe tsiliba nitsirambiye kho bakalushe.

⁶Omuruchi Hanuni nende Abamoni nibamanya mbu bali nibakholile Daudi okhuba omusuku wabwe, kho nibarunga tsifetsa tsikilo ebikhumila amakhumi kataru nende tsine (34,000) khulwa okhukula amakaari nende abandu bachendela khumakaari ako okhurula mushialo shia Emukulu wa Mesopotamia nende amataala ka Siria ya Maaka nende Zoba.

⁷Amakaari ebikhumila amakhumi kataru nende kane (34,000) aka bali nibakulile nende abelihe bomuruchi wa Maaka betsa mana nibakhupa ikambi yabwe hambi Medeba. Abamoni boosi khandi barula mumatookho kabwe koosi nibetsa niberechekha okhulwana.

⁸Ne olwa Daudi yahulilakhwo, yaruma Yoabu nende Omukanda kwosi kwabelihe.

⁹Mana Abamoni nibarula ne nibaranda habwinjililo welitookho liabwe likhongo lia Roba. Nabo abaruchi abali nibetsile okhubakhoonya okhurula mubialo bia Tobu nende Maaka niberechekha mushibala.

¹⁰Olwa Yoabu yalola mbu abasukube abo bali nibamuseeranga nibarulilila tsimbeka tsiosi, yaahula abelihe abalulu ba Isiraeli okhulwana Abasiria.

¹¹Nabo abelihe bandi nabara hasi wa Abishai omusiani wabwe, ne abenabo bali abokhuseera Abamoni.

¹²Yoabu naboolela Abishai ari, “Nolola Abasiria nibahulanga witse uhabine, nasi nindola Abamoni nibakhuhulanga ndaletsa okhukhuhabina.

¹³Obe owamaani khandi owa itswoni! Khulwane namaani khulwa abandu befwe nende khulwa amatookho aka OMWAMI Nyasaye wefwe. Ne OMWAMI Nyasaye akhoya yakhola aka yenya.”

¹⁴Yoabu nabandube nibachaaka okhuseera Abasiria mana nabo Abasiria nibamwilukha.

¹⁵Ne Abamoni olwa balola Abasiria nibelukhanga, boosi khandi bachaaka okhwilukha nibamulekha Abishai nibakalukha mwitookho. Mana Yoabu nalekha okhuseera Abamoni nakalukha Yerusalemu.

¹⁶Olwa Abasiria balola mbu Abaisiraeli bali nibabahulile, baruma okhutsia okhureera abelihe bandi aba Abasia abali mumataala ebukwe womwalo kwa Yufurate ne nabara hasi womwilisi Shobaki owali omukhongo wa abelihe ba Omuruchi Hadadezeri wa Zoba.

¹⁷Olwa Daudi yahulilakhwo, yakhung'asia abelihe lia Isiraeli, yambukha omwalo kwa Yufurate nibatsia Helamu, ewa Abasiria bali niberecheeshe nibahengane ninaye. Kho nibachaaka okhukhupana, nabo.

¹⁸Abasiria nibelukha okhurula khuba Isiraeli. Daudi nabandube nibeera Abaisiraeli abali namakaari aketsifarasi abandu ebikhumi musafu (700). Nabo abokhubilenje nibeera abandu amakhumi kane (40,000). Khandi nafumira Shobaki owali omusinjilili wa abelihe babwe.

¹⁹Olwa abaruchi bali hasi woburuchi bwa Hadadezeri bamanya mbu bahulilwe nende Abaisiraeli, bakaasia omulembe ninabo mana nibaba hasi wa Abaisiraeli. Abasiria bamala nibaria okhukhoonya Abamori.