Read wanga 1 AKAKHALE 2 Bible Online

1 AKAKHALE 2 - wanga bible

1 AKAKHALE 2

¹Yakobo yebula abasiani ekhumi nababili bano mbu Rubeni, Simioni, Lawi, Yuda, Isakari Zebuluni

²Dani Yosefu, Benjamini Nafutali, Gadi nende Asheri.

³Yuda yebula abasiani barano bonyene. Yebula nomukhasiwe Batsishua Omukanani abasiani bataru bano mbu Eri, Onani nende Shela. Omusianiwe omukhulundu Eri yali omwonooni muno nikachila OMWAMI Nyasaye namwiira.

⁴Yuda niebula abasiani bandi babili bano Perezi nende Sera okhurula mumukhasi owa omusainiwe.

⁵Perezi yebula abasiani babili, Hezironi nende Hamuli.

⁶Omusiani wabwe oulangwa mbu Sera yebula abasiani barano bano mbu Zimuri, Etsani, Hemani, Kalikoli nende Darida.

⁷Akani omusiani wa Karimi, owali mulala khubolwibulo lwa Sera yareera amatinyu khubandu ba Isiraeli khulwa okhubikha ebiyaayo biali nibiahuliilwe OMWAMI Nyasaye.

⁸Etsani yebula omusiani mulala mbu Azaria.

⁹Hezironi yebula abasiani bataru mbu Yerahimeeli, Ramu nende Kalebu.

¹⁰Ameera kabandu betsinzibulo shinga balondokhana okhuchaachila khu Ramu okhuula khu Yese kali; Ramu, Aminadabu, Nashoni (owali omundu owoluyali muluyia lwa Yuda),

¹¹Salimoni, Boazi,

¹²Obedi, nende Yese.

¹³Yese yebula abasiani musafu. Okhuchachila khubukhulundu bwabwe bali, Ehabu, Abinadabu, Shama,

¹⁴Natsaneli, Radai

¹⁵Ozemu nende Daudi. Yebula khandi abakhaana babili mbu Zeruya nende Abigaili.

¹⁶Omukhaana wa Yese oulangwa mbu Zeruya yebula abasiani bataru mbu Abishai, Yoabu nende Asaheli.

¹⁷Omukhanawe undi mbu Abigaili yateshela Yetsari wolwibulo lwa Ishimaeli ne nibebula omusiani mbu Amasa.

¹⁸Kalebu omusiani wa Hezironi yateeshia Azubo mana niyebula omukhaana mbu Yeriotsi. Yebula abasiani bataru mbu Yesheri, Shobabu nende Aridoni.

¹⁹Olunyuma lwa Asuba, Kalebu yateeshia Efuratsi mana nibebula omwana omusiani mbu Huri.

²⁰Huri yali nomwanawe omusiani mbu Uri ne omwitsukhuluwe yali Bezaleli.

²¹Olwa Hezironi yali owemiyika amakhumi kasasaba yateeshia omukhaana wa Makiri, omukhaana wabwe Giliadi. Bebula omwana omusiani oulangwa mbu Segubu,

²²naye Segubu niyebula omusiani mbu Yairi. Yairi yaruka amatookho amakhumi kabili nende kataru mushialo shia Giliadi.

²³Nebutswa amahanga akarukungwa nende Keshuri nende Asamu, kakhupa nikabukula amataala amakhumi kasasaba eyo, halala nende amataala amatiiti ka Yairi nende Kenatsi, khandi nende amataala kandi ka hambi yaho. Abandu boosi abamenyangaho bali obolwibulo lwa Makiri samwana Giliadi.

²⁴Olunyuma lwa Hezironi okhufwa, Kalebu omusianiwe yateshia Efuratsi omukhasi omulekhwa wa papawe. Bebula omwana omusiani mbu Ashuri, owachachia litookho lia Tekowa.

²⁵Omwana omusiani omukhulundu wa Hezironi oulangwa mbu Yerahimeeli yali nabasiani barano. Rama niye owali omukhulundu, Buna, Oreni, Ozemu nende Ahiya nibaraakhwo.

²⁶Yerahumeeli yateshia omukhasi wundi oulangwa mbu Atara ne niyebula omusiani mbu Onamu.

²⁷Abasiani ba Ramu bali bataru bano mbu Maazi, Yamini nende Ekeri.

²⁸Onamu yebula abasiani babili bano; Shamai nende Yada; naye Shamai yesi niyebula abasiani babili bano; Nadabu nende Abishuri.

²⁹Abishuri yateshia omukhasi mbu Abihaili mana nibebula abasiani babili mbu Ahibani nende Molidi.

³⁰Omusiani wabwe Abishuri oulangwa mbu Nadabu yebula abasiani babili mbu Seledi nende Apaimu, nebutswa Seledi yafwa nashili okhwibulakhwo omwana omusiani.

³¹Apaimu yali samwana Ishi, naye Ishi naba samwana Sheshani, naye Sheshani yali samwana Ahilayi.

³²Omusiani wabwe Shamai oulangwa mbu Yada yebula abasiani babili mbu Yetseri nende Yonatsani, nebutswa Yetseri yafwa nashili okhwibulakhwo omwana omusiani

³³Yonatsani yebula abasiani babili mbu Peletsi nende Zaza. Abandu bano boosi bali bolwibulo lwa Yerahimeeli.

³⁴Sheshani yebula abaana abakhaana bonyene. Yali nende omukholi omusaatsa okhurula Misiri elira mbu Yariha

³⁵owa yahelesia mulala khubakhaanabe okhuteeshia. Nibebula omwana omusiani oulangwa mbu Atai.

³⁶Ameera kabandu betsinzubulo okhuchaachila khu Atai okhuula khu Elishama bali bano mbu; Atai, Natsani, Zabadi,

⁴¹Yekamia nende Elishama.

⁴²Omusiani omukhulundu wa Kalebu yali Mesha owali omusiani wabwe Yerahimeeli. Mesha yali samwana Zifu, owali samwana Maresha samwana Heburoni.

⁴³Heburoni yali nabasiani bane bano; Kora, Tapuwa, Rekemu nende Sheema.

⁴⁴Sheema yali samwana Rahamu khandi kuukanyene Yorikeamu. Rekemu omusiani wabwe Sheema yali samwana Shamai

⁴⁵owali samwana Maoni samwana Betsuzuri.

⁴⁶Kalebu yali nomukhasi omubiikha mbu Efa owa yebulamwo abasiani bandi bataru mbu Harani, Moza nende Gizezi. Harani yesi yali nomwana omusiani mbu Gazezi.

⁴⁷Omusaatsa undi oulangwa mbu Yahudai yali nabasiani basasaba mbu Regemu, Yotsamu, Geshani, Peleti, Efa nende Shaafu.

⁴⁸Kalebu yali nomukhasi undi omubiikha mbu Maaka owamwibulila abasiani babili mbu Sheberi nende Tirihana.

⁴⁹Olunyuma Maaka yebula abasiani bandi babili khandi mbu Shaafu owachachia bilaala elia Madimana naye oundi mbu Shewa owachachia makibena nende Gibea. Okhumeeta khwabo, Kalebu yali nomukhana oulangwa mbu Akisa.

⁵⁰Bano nibo abali abetsinzibulo tsia Kalebu. Huri yali omusiani omukhulundu wa Kalebu nende omukhasiwe Efuratsi. Omusiani wa Huri oulangwa mbu Shobali yachachia litookho lia Kiriatsi Yearimu,

⁵¹ne omusianiwe owakhabili mbu Salima yachachia litaala lia Betselehemu ne omusianiwe wakhataru mbu Harefu yachachia litaala lia Betsiguderi.

⁵²Shobali, owachachia litaala lia Kiriatsi Yearimu yali kuukanyene abandu ba Haroe, abali inusu ya abandu abamenyanga Menuhotsi;

⁵³Ebilibwa biabandu abamenyanga mwitaala lia Kiriatsi biali Itsiri, Putsi, Shumatsi nende Mishirai. Abandu bamenyanga mumatookho ka Zora nende Eshitaoli bali balala khubebilibwa ebio.

⁵⁴Salima owachachia litaala lia Betselehemu yali kuukanyene abandu ba Netofatsi, aba Atirotsi Betsi Yoabu nende aba Zori abali balala khubebilibwa bibili ebiali mwitaala lia Manahatsi.

⁵⁵Bino nibio ebilibwa biabandu abali nibamanya obulayi okhuhandika nende okhukalushila mukahandikwa, abali nibamenya mwitaala elia Yobezi, Abatiratsi, Abashimetsi nende Abasukakatsi.