Read wanga 1 AKAKHALE 25 Bible Online

1 AKAKHALE 25 - wanga bible

1 AKAKHALE 25

¹Omuruchi Daudi halala nende abasesia belihe baahula balala khubasiani aba Asafu, Hemani nende aba Yedutsuni okhwimilila emilaamo. Balakulanga oburume bwa Nyasaye nibekhoonyelanga obukhana, amatungu, nebikhuli. Kano niko ameera kabandu abo abaahulwa okhwimilila omulaamo, halala nokhulondana nende emilimo chia buli abomukanda bakholanga.

²Abasiani bane ba Asafu bali; Zakaria Yosefu, Netsania nende Asherela. Bali hasi wobwimilisi bwa Asafu owalakulanga oburume bwa Nyasaye buli lwomuruchi amulachilisia.

³Abasiani basasaba ba Yedutsuni bali Gedalia, Zeri, Yeshaya, Shimei, Hashabia nende Mattitsia. Balakulanga oburume bwa Nyasaye nibekhoonyela litungu nibemba tsinyimbo nibetsoomia OMWAMI Nyasaye nibemiliilwe nende sabwe.

⁴Abasiani ekhumi nende bane ba Hemani bali Bukia, Matania, Uzieli, Shebueli, Yerimotsi, Hanania, Hanani, Eliatsa, Gidaliti, Romamuti Ezeri, Yeshibekasha, Malotsi, Hotsiri nende Mahaziotsi.

⁵Nyasaye yahelesia abasiani bano ekhumi nende bane nende abakhaana bataru, khu Hemani, omulakusi wa omuruchi shinga yali niyamusuubisia khulwa okhuhelesia Hemani oluyali.

⁶Abasiani abo boosi bakhupanga ebikhuli, amatungu nende obukhana nebemiliilwe nende sabwe, khulwa omulaamo muhekalu. Nabo Asafu, Yedutsuni nende Hemani bemililungwa nomuruchi.

⁷Abasiani bano boosi amakhumi kabili nende bane bali bobusitsa khukobwimbi khandi nende Abalawi bashiabwe bali nibechesibwa obwimbi. Bosi halala bali abasaatsa ebikhumi bibili namakhumi munane nende munane (288).

⁸Bakhupanga ikha khulwa okhumanya omulimo kwa buli mundu nakhole, abe omubukha noho omukofu, abamanya noho abekanga.

⁹Ikha yeyimbeli ya Asafu yakwila Yosefu, abasianibe nende abekhobe ekhumi nababili, eyakhabili yakwila Kedalia mwene, abekhobe nende abasianibe ekhumi nababili.

¹⁰Eyakhataru yakwila Zakuri, abasianibe nende abekhobe ekhumi nababili.

¹¹Eyakhane yakwila Isiri, abasianibe nende abekhobe ekhumi nababili.

¹²Eyakharano yakwila Natsania, abasianibe nende abekhobe ekhumi nababili.

¹³Eyakhasasaba yakwila Bukia, abasianibe nende abekhobe ekhumi nababili.

¹⁴Eya musafu yakwila Yesarela, abasianibe nende abekhobe ekhumi nababili.

¹⁵Eya munane yakwila Yeshaya, abasianibe nende abekhobe ekhumi nababili.

¹⁶Eya shienda yakwila Matania, abasianibe nende abekhobe ekhumi nababili,

¹⁷eyekhumi yakwila Shimei, abasianibe nende abekhobe ekhumi nababili.

¹⁸Eya ekhumi nende ndala yakwila Azareli, abasianibe nende abekhobe ekhumi nababili.

¹⁹Eyekhumi natsibili yakwila Hashabia, abasianibe nende abekhobe ekhumi nababili

²⁰Eya ekhumi natsitaru yakwila Shebaeli, abasianibe nende abekhobe ekhumi nababili.

²¹Eyekhumi natsine yakwila Matitsia, abasianibe, nende abekhobe ekhumi nababili.

²²Eya ekhumi natsirano yakwila Yerimotsi, abasianibe nende abekhobe ekhumi nababili.

²³Eyekhumi natsisasaba yakwila Hanania, abasianibe nende abekhobe ekhumi nababili.

²⁴Eya ekhumi namusafu yakwila Yoshibekasha, abasianibe nende abakhobe ekhumi nababili.

²⁵Eyekhumi nende munane yakwila Hanani, abasianibe nende abekhobe ekhumi nende babili.

²⁶Eyekhumi nende shienda yakwila Malotsi, abasianibe nende abekhobe ekhumi nababili.

²⁷Eyamakhumi kabili yakwila Elietsa, abasianibe, nende abekhobe ekhumi nababili.

²⁸Eya amakhumi kabili nende ndala yakwila Hosiri, abasianibe, nende abekhobe ekhumi nababili.

²⁹Eyamakhumi kabili nende tsibili yakwila Gidaliti, abasianibe nende abekhobe ekhumi nababili.

³⁰Eyamakhumi kabili nende tsitaru yakwila Mahaziotsi, abasianibe nende abekhobe ekhumi nababili.

³¹Eyamakhumi kabili nende tsine yakwila Romamuti Ezeri abasianibe, nende abekhobe ekhumi nababili.