Read wanga 1 AKAKHALE 6 Bible Online

1 AKAKHALE 6 - wanga bible

1 AKAKHALE 6

¹Lawi yebula abasiani bataru bano mbu Gerishoni, Kohatsi nende Merari.

²Kohatsi yebula abasiani bane mbu Amuramu, Izuhari, Heburoni nende Uzieli.

³Amuramu yebula abasiani babili mbu Aroni nende Moses, nende omukhaana mulala mbu Miriamu. Aroni yebula abasiani bane mbu, Nadabu, Abihu, Eleazari nende Itsamari.

⁴Abolwibulo lwa Eleazari okhurula khulwibulo Lundi okhuula khulundi balondana bari nanwa mbu, Eleazari yali samwana Finehasi. Finehasi naba samwana Abishua;

⁵Abishua naba samwana Buki, naye Buki naba samwana Uzi;

⁶naye Uzi naba samwana Zerahia, naye naba samwana Meraiotsi, naye naba samwana

⁷Amaria, naye naba samwana Ahutubu, naye naba samwana

⁸Zadoki, naye naba samwana Ahimaazi, naye naba samwana

⁹Azaria naye naba samwana Yohanani, naye naba samwana

¹⁰Azaria (owakhalabananga shinga omwisaaliisi Muhekalu yomuruchi Solomoni yombakha mu Yerusalemu),

¹¹Azaria yali samwana Amaria, naye naba samwana Ahitubu, naye naba samwana

¹²Zadoki, naye naba samwana Shalumu, naye naba samwana

¹³Hilikia, naye naba samwana Azaria, naye naba samwana

¹⁴Serayia naye naba samwana Yehozadaki.

¹⁵Omuruchi Nebukadineza yayila mumbohe Yehozadaki halala nende abandu bandi ba Yuda nende Yerusalemu aba OMWAMI Nyasaye yayila mumbohe mushialo shindi.

¹⁶Lawi yebula abasiani bataru bano mbu Gerishoni, Kohatsi nende Merari.

¹⁷Buli mulala khubo yebula abasiani. Gerishoni yali samwana Libuni nende Shimei;

¹⁸Kohatsi yali samwana Amuramu, Izihari, Heburoni nende Uzieli;

¹⁹Naye Merari yali samwana Mahili nende Mushi.

²⁰Bano nibo abolwibulo lwa Gerishoni okhulondokhana mukhwibulwa khwabwe. Gerishoni yali samwana Libuni, naye naba samwana Yahatsi. Yahatsi yali samwana Zima,

²¹naye Zima naba samwana Yoa, naye naba samwana Ido, naye Ido naba samwana Zera, naye Zera naba samwana Yeatserai.

²²Bano nibo abolwibulo lwa Kahatsi okhulondokhana mukhwibulwa khwabwe. Kohatsi yali samwana Aminadabu, naye Aminadabu naba samwana Kora, naye Kora naba samwana Asiri naye Asiri naba

²³samwana Elikana, naye Elikana naba samwana Ebiasafu, naye Ebiasafu naba samwana Asiri, naye Asiri naba

²⁴samwana Tahatsi, naye Tahatsi naba samwana Urieli, naye Urieli naba samwana Shauli.

²⁵Elikana yebula abasiani babili mbu Amasai nende Ahimotsi.

²⁶Bano nibo abolwibulo lwa Ahimotsi okhulondokhana mwikhubulwa khwabwe. Ahimotsi yali samwana Elikana, naye Elikana naba samwana Zofai naye Zofai naba samwana Nahatsi naye Nahatsi naba samwana

²⁷Eliabu, naye Eliabu naba samwana Yerohamu naye Yerohamu naba samwana Elikana.

²⁸Samweli yebula abasiani babili; Yoeli owali omukhulundu nende Abiya owali omushe.

²⁹Bano nibo abolwibulo lwa Merari okhulondokhana mukhwibulwa khwabwe. Merari yali samwana Mahili, naye Mahili naba samwana Libuni, naye Libuni naba samwana Shimei, naye Shimei naba samwana Uzia naye Uzia naba samwana

³⁰Shimeya, naye Shimeya naba samwana Hagia, naye Hagia naba samwana Asayia.

³¹Bano nibo abandu ba Omuruchi Daudi yaraho okhwimilila tsinyimbo habundu hokhwinamila muhekalu Yerusalemu, olunyuma lwokhulerwamwo khwa Lisanduku lia Indakano.

³²Buli mundu yemililanga tsinyimbo imbeli weliheema litakatifu, mutsinyanga tsiomuruchi Solomoni yali nashili okhumbakha Ihekalu.

³³Abandu bemililanga olwimbo nibo bano, mushilibwa shia Konatsi yali, Hemani niye owali omwimilili womukanda kwokhwimba. Yali omusiani wa Yoeli. Olwibulolwe luchaachila khu Yakobo luri nanwa: Himaya yali omwana wa Yoeli, naye Yoeli naba omwana wa Samweli naye Samweli naba omwana wa

³⁴Elikana naye Elikana naba omwana wa Yerohamu, naye Yerohamu naba omwana wa Elieli, naye Elieli naba omwana wa Toa,

³⁵naye Toa naba omwana wa Zufu, naye Zufu naba omwana wa Elikana, naye Elikana naba omwana wa Mahatsi, naye Mahatsi naba omwana wa Amasai, naye Amasai naba omwana wa

³⁶Elikana, naye Elikana naba omwana wa Yoeli, naye Yoeli naba omwana wa Azaria, naye Azaria naba omwana wa Zefania, naye Zefania naba omwana wa

³⁷Tahatsi, naye Tahatsi naba omwana wa Asiri, naye Asiri naba omwana wa Ebiasafu, naye Ebiasafu naba omwana wa Kora, naye Kora naba omwana wa

³⁸Izihari, naye Izihari naba omwana wa Kohatsi, naye Kohatsi naba omwana wa Lawi, naye naba omwana wa Yakobo.

³⁹Asafu niye owali omwimilisi wa omukanda kwa khabili kwa abembi. Abeinzuye okhuchaachila khu Lawi bali bano; Asafu yali omusiani wa Berekia. Berekia yali omusiani wa Shimeya; Shimeya yali omusiani wa

⁴⁰Mikaeli. Mikaeli yali omusiani wa Baaseyia, naye Baaseyia yali omusiani wa Milikiya. Milikiya yali omusiani wa

⁴¹Etsini, naye Etsini yali omusiani wa Zera. Zera yali omusiani wa Adayia, naye Adayia yali omusiani wa

⁴²Etsani. Etsani yali omusiani wa Zima, naye Zima yali omusiani wa Shimei.

⁴³Shimei yali omusiani wa Yahatsi, naye Yahatsi yali omusiani wa Gerishoni. Gerishoni yali omusiani owa Lewi.

⁴⁴Etsani owali oweshilibwa shia Merari yali omwimilisi womukanda kwakhataru kwabembi. Abeinzuye bano bachaachila okhurula khu Lawi. Etsani yali omusiani wa Kishi, naye Kishi naba omusiani wa Abudi. Abudi yali omusiani wa Maluki, naye Maluki naba omusiani wa

⁴⁵Hashabia. Hashabia yali omusiani wa Amazia, naye Amazia naba omusiani wa Halikia. Halikia yali omusiani wa

⁴⁶Amuzi, naye Amuzi naba omusiani wa Bani. Bani yali omusiani wa Shemeri, naye Shemeri naba omusiani wa

⁴⁷Mahila. Mahila yali omusiani wa Mushi, naye Mushi naba omusiani wa Merari. Merasi yali omusiani wa Lawi.

⁴⁸Aboluyia lwashiabwe lwa Abalawi bali nibahebwa emilimo chindi echaalinjinji habundu hokhwinamila.

⁴⁹Haroni nende abolwibulolwe bareera ebihaanwa biabwe bia obubane khandi nibahaana emisango chiasambilwa khushimalilo shiemisango. Nibo abasinjilila omulaamo kwosi Habundu Hatakatifu Muno nende emisango chiachilanga Nyasaye abeela abandu ba Isiraeli obwonooni bwabwe. Bakholanga ako koosi nibalondanga amebaalo ka Musa omukhalabani wa Nyasaye yali niyabalachilisia.

⁵⁰Bano nibo abolwibulo lwa Haroni, Eleazari yali omusiani wa Finehasi, naye Finehasi naba omusiani wa Abishuwa. Abishuwa yali omusiani wa

⁵¹Buki, naye Buki naba omusiani wa Uzi. Uzi yali omusiani wa Zerahia, naye Zerahia naba omusiani wa

⁵²Merayiotsi. Merayiotsi yali omusiani wa Amaria, naye Amaria naba omusiani wa Ahitubu. Ahitubu yali omusiani wa

⁵³Zadoki, naye Zadoki naba omusiani wa Ahimaazi.

⁵⁴Shino nishio eshialo eshia abetsinzibulo tsia Haroni oweshilibwa shia Kohatsi bahebwa. Bahebwa omukabo kwomukunda kwambeli kwaboluyia lwa Abalawi.

⁵⁵Kwali omukunda kwa Heburoni okuli mushialo shia Yuda nende obwayilo obwakubotokhana.

⁵⁶Emikunda nende amataala kelitookho elo kakabwa khu Kalebu omusiani wa Yefune.

⁵⁷Abolwibulo olwa Haroni bahebwa amataala kalondakhwo kano akobwilushilo mbu Heburoni nende Libuna halala nende obwayilo bwakwo; Yatiri nende Eshitemoa halala nobwayilo bwako.

⁵⁸Hileni nende Debiri halala nobwayilo bwako.

⁵⁹Ashani nende Betsishemeshi halala nobwayilo bwako.

⁶⁰Abakohatsi bahebwa amataala ka Geba, Alemetsi nende Anatsotsi halala nobwayilo bwako okhurula mushialo shia Benjamini. Amataala koosi halala kali ekhumi nende kataru khubetsinzu tsiabwe boosi okhumenyamwo.

⁶¹Amataala ekhumi akomushialo shioluyia lwa Manase lwomumbo kakabilwa abeshilibwa eshia Kohatsi buli inzu khulwa okhukhupa ikha.

⁶²Bakaba abeshilibwa shia Gerishoni buli inzu amataala ekhumi nende kataru mushialo shia Isakari, Asheri, Nafutali nende shioluyia lwa Manase okwebukwe mushialo shia Bashani.

⁶³Munjila ndala yeneyo amataala ekhumi nende kabili mushialo shia Rubeni, Gadi nende Zebuluni kakabilwa buli abeinzu yeshilibwa shia Merari;

⁶⁴Munjila yino, abandu ba Isiraeli bakabila Abalawi amataala okhumenyamwo halala nobwayilo bwako.

⁶⁵Amataala akali mubialo bia Yuda, Simeoni nende Benjamini akarumbulekhwo olwambeli, koosi kakabwa khulwa okhukhupa Ikha.

⁶⁶Abetsinzu bandi abeshilibwa shia Kohatsi bakabwa amataala kano nende obwayilo bwako mushialo shia Efuraimu;

⁶⁷Shekemu elili litookho liobwilushilo mubikulu bia Efuraimu, Gezeri

⁶⁸Yokimeamu, Betsi Horoni,

⁶⁹Aiyaloni nende Gatsi Rimoni.

⁷⁰Bakabwa amatookho ka Aneri nende Bileani mushialo shioluyia lwa Manase olwa ebukwe halala nobwayilo bwako.

⁷¹Abetsinzu tsieshilibwa shia Gerishoni bakabwa amataala kano halala nobwayilo bwako. Mushialo shioluyia lwa Manase lwebukwe bakabwa amataala ka Golani elili Mubashani nende Ashitarotsi.

⁷²Mushialo shia Isakari bakabwa amataala ka Kedeshi, Deberatsi,

⁷³Ramotsi nende Anemu.

⁷⁴Mushialo shia Asheri bakabwa amataala ka Mashali, Abudoni,

⁷⁵Hukoki, nende Rehobu.

⁷⁶Mushailo shia Nafutali bakabwa amataala ka Kedeshi, elili Galilaya, Hamoni nende Kiriatsaimu.

⁷⁷Abetsinzu bandi abatong'a abeshilibwa shia Merari bakabwa amatookho kano halala nobwayilo bwako. Mushialo shia Zebuluni bakabwa amataala ka Rimono nende Tabori.

⁷⁸Mushialo shia Rubeni, ebukwe wa Omwalo kwa Yorodani okhuula Yeriko, bakabwa amataala ka Bezeri elili khumuhololokhwe, Yahiza,

⁷⁹Kedemotsi nende Yazeri.

⁸⁰Mushialo shia Gadi bakabwa amataala ka Ramotsi elili Giliadi, Mahanaimu,

⁸¹Heshiboni nende Yazeri.