Read wanga 1 AKAKHALE 7 Bible Online

1 AKAKHALE 7 - wanga bible

1 AKAKHALE 7

¹Isakari yebula abasiani bane; Tola, Pua, Yashubu nende Shimuroni.

²Tola yebula abasiani basasaba; Uzi, Refayia, Yerieli, Yahimai, Ibusamu nende Shemweli. Bali abemilisi betsinzu tsieshilibwa shia Tola khandi bali abelihe beitswoni abamanyikha muno. Mutsinyanga tsia Omuruchi Daudi, abolwibulo babwe bali ebikhumila amakhumi kabili nabibili nende ebikhumi bisasaba (22,600).

³Uzi yebula omusiani mulala mbu Izirahia. Izirahia nende abasianibe bane bano mbu, Mikaeli, Obachia, Yoeli nende Ishia, bali boosi abemilisi ba abetsinzu.

⁴Bateeshia abakhasi abanji khandi nibaba nende abaana abanji mbu abolwibulo babwe banyalilwa okhuhaana abelihe ebikhumila amakhumi kataru nende bisasaba (3,600), abokhulwana mwihe.

⁵Ameera kahandikwa kabetsinzu boosi aboluyia lwa Isakari bali abasaatsa ebikhumila amakhumi munane nende musafu (87,000).

⁶Benjamini yebula abasiani bataru bano, Bela, Bekeri nende Yediayeli.

⁷Bela yebula abasiani barano bano, Eziboni, Uzi, Uzieli, Yerimotsi nende Iri. Bali abemilisi betsinzu muluyia lwabwe khandi boosi bali abelihe abalulu muno. Okhuloondakhana nabolwibulo lwabwe abahandichisibwa khulwa okhulwana mwihe bali abasaatsa ebikhumila amakhumi kabili nabibili amakhumi kataru nabane (22,034).

⁸Bekari yebula abasiani shienda bano, Zemira, Yoashi, Eleazari, Elioenayi, Omuri, Yeremotsi, Abiya, Anatsotsi nende Alemetsi.

⁹Ameera akahandichisibwa khulwa okhulwana mwihe akabolwibulo lwabwe mu buli inzu bali abasaatsa ebikhumila amakhumi kabili nende ebikhumi bibili (20,200), boosi bali abelihe abalulu muno.

¹⁰Yediayeli yebula omusiani mulala oulangwa mbu, Bilihani, naye Bilihani yebula abasiani musafu bano, Yeushi, Benjamini, Ehudi, Kenana, Zetsani, Tarishishi nende Ahishahari.

¹¹Bali abemilisi betsinzu muluyia lwabwe khandi boosi bali abelihe abalulu muno. Abolwibulo lwabwe bali abasaatsa ebikhumila ekhumi namusafu nende ebikhumi bibili (17,200), abali niberecheeshe khulwa okhulwana.

¹²Shupimu nende Hupimu bali abasiani ba Iri, naye Hushimu yali omusiani wa Aheri.

¹³Nafutali yebula abasiani bane mbu Yahisieli Guni, Yezeri nende Shalumu. Boosi bali abolwibulo lwa Biliha[3]

¹⁴Manase yebula nomukhasiwe omubiikha abaana abasiani babili abameera mbu Asirieli nende Makiri. Makiri yali samwana Giliadi.

¹⁵Makiri yabashila Hupimu omukhasi mulala naye oundi nabashila Shupimu. Omukhaana wabwe yalangungwa mbu Maaka. Omusiani wakhabili wa Makiri yali Zelofehadi, ne yali niyebula omukhaana mulala.

¹⁶Maaka owali omukhasi wa Makiri yebula abasiani babili, abameera mbu Pereshi nende Shereshi. Pereshi yebula abasiani babili mbu Ulamu nende Rekemu

¹⁷naye Ulamu yebula omusiani mbu Bedani. Bano boosi nibo abolwibulo lwa Giliadi, omusiani wa Makiri khandi omwitsukhulu wa Manase.

¹⁸Omukhaana wabwe Giliadi oulangwa mbu Hamoleketsi yebula abasiani bataru mbu Ishodi, Abiezari, nende Mahila.

¹⁹Shemida yebula abasiani bane mbu Ahiani Shekemu, Likhi nende Aniamu.

²⁰Bano nibo abolwibulo lwa Efuraimu nibalondana okhurula khulundi okhuula khulundi. Efuraimu yali samwana Shutsela, naye Shutsela naba samwana Beredi, Beredi yali samwana Tahatsi, naye Tahatsi naba samwana Eleada. Eleada yali samwana Tahatsi, naye Tahatsi naba samwana Zabadi.

²¹Zabadi yali samwana Shutsela. Efuraimu yali nabasiani bandi babili okhumeeta khu Shutsela, mbu Ezeri nende Eleadi abeerwa olwa bateema okhwiba emiruko chiabandu bamenyanga mushialo shia Gatsi.

²²Efuraimu papa wabwe, yabekhuula khulwa tsinyanga tsinyinji, nabo abekhobe nibetsa okhumulemia omwoyo.

²³Mana Efuraimu khandi naba nomukhasiwe, ne nahela inda mana niyebula omwana omusiani. Nibakulikha omwana oyo mbu Beria[4] khulwa okhuba amatinyu akali nikakwila inzu yabwe.

²⁴Efuraimu yali nomwana omukhaana mbu Sheera. Omukhaana oyo yombakha amataala ka Emukulu nende Emwalo wa Betsi Horoni; nende Uzeni Sheera.

²⁵Efuraimu khandi yali nomusiani mbu Refa owa abolwibulolwe bali Refa samwana Reshefu, naye Reshefu naba samwana Tela. Tela yali samwana Tahani, naye Tahani naba samwana

²⁶Ladani. Ladani yali samwana Amihudi, naye naba samwana Elishama. Elisha yali samwana

²⁷Nuni, naye naba samwana Yoshwa.

²⁸Eshialo shia babukula mana nibamenyamwo shiali halala nende Betseli nende amataala kashio okhuula ebukwe, Naarani nende Mumbo okhuula Gezari nende amataala kashio. Shiali halala nende amatookho ka Shekemu nende Aya mataala kamatookho ako.

²⁹Abolwibulo lwa Manase bemililanga amatookho ka Betsi Shani, Taanaki, Megido nende Dori nende amataala kamatookho ako. Bino biosi nibio ebialo biabolwibulo lwa Yosefu omusiani wa Yakobo bamenyanga.

³⁰Bano nibo abolwibulo olwa Asheri. Asheri yebula abasiani bane mbu Imuna, Ishuwa, Ishiwi nende Beria nende omukhaana mulala mbu Sera.

³¹Beria yebula abasiani babili mbu Heberi nende Malikieli. Malikieli niye owachachia litookho lia Birizaitsi.

³²Heberi yebula abasiani bataru mbu Yafuleti, Shomeri nende Hotsamu nende omukhaana mulala mbu Shuwa.

³³Yafuleti yesi yebula abasiani bataru mbu Pasaki, Bimuhali nende Ashuwatsi.

³⁴Shomeri ouli omusiani wabwe yebula abasiani bataru mbu Rohiga, Yehubatsi nende Aramu.

³⁵Hotsamu[5] omusiani wabwe Yebula abasiani bane mbu Zofari, Imuna, Sheleshi nende Amali.

³⁶Abolwibulo lwa Zofa bali Sua, Harinefari, Shuali, Beri, Imura,

³⁷Bezeri, Hodi, Shama, Shilisha, Itsirani nende Beera.

³⁸Abolwibulo lwa Yeferi bali Yefune, Pisipa nende Ara,

³⁹nabo abolwibulo lwa Ula bali Ara, Hanieli nende Rizia.

⁴⁰Bano boosi bali abolwibulo lwa Asheri. Bali abemilisi abetsinzu, abasaatsa abalwani abamanyikha abeitswoni khandi abemilisi abalayi muno. Abolwibulo olwa Asheri halala abasaatsa ebikhumila amakhumi kabili nende bisasaba (2,600), abokhulwana mwihe.