Read wanga 2 AKAKHALE 27 Bible Online

2 AKAKHALE 27 - wanga bible

2 AKAKHALE 27

¹Yotsamu yachaaka okhuruka nali nemiyika amakhumi kabili nachirano, mana naruka nali mu Yerusalemu khulwemiyika ekhumi nachisasaba. Nyinamwana yalaangungwa mbu, Yerusha omukhaana wa Zadoki.

²Yakhola amakhuwa amalayi imbeli wa OMWAMI Nyasaye shinga olwa Uzia samwana yali niyakhola, nebutswa shiyayonoona khulwa okhusamba obubaane muhekalu shinga olwa samwana yakhola tawe. Ne kata kario abandu batsiililila okhukhola obwonooni.

³Yotsamu niye owombakha eshilibwa shia Ihekalu, eshielubeka lwemasaba, mana khandi nakhola emilimo eminji okhumbakha lisiisi lia Ofeli.

⁴Yombakha amatookho mubikulu bia Yuda, mana khandi niyombakha tsingoba nende eminara mumitsuru chia Yuda.

⁵Yalwana nende omuruchi wa Amoni halala nabelihebe mana nabahula. Mana nalunyilisia Abamoni abo okhumurunga obushuru buno buli khumuyika khulwemiyika chitaru, mbu; ifetsa ebikhumila bitaru, nebikhumi bine (3,400) ingano tsitani eshikhumila shilala (1,000) nende ishayiri eshikhumila shilala (1,000).

⁶Kho Yotsamu yekhola wamaani muno shichila yahulila OMWAMI Nyasaye nomwoyo kwosi.

⁷Amakhuwa kandi ka Yotsamu yakhola muburuchibwe, amaheke nende amalachilisioke, koosi kahandikwa mushitabu shiamakhuwa kobulamu bwabaruchi ba Isiraeli nende Yuda.

⁸Yotsamu yachaaka okhuruka nali nemiyika amakhumi kabili nachirano ne naruka mu Yerusalemu khulwemiyika ekhumi nachisasaba.

⁹Yafwa mana nayabilwa mwitookho lia Daudi, naye Ahazia omusianiwe nakalukha mushilenjeshie shinga omuruchi.