Read wanga EZIRA 1 Bible Online

EZIRA 1 - wanga bible

EZIRA 1

¹Mumuyika kwambeli Koreshi nali omuruchi wa Perisia, OMWAMI Nyasaye yoosia likhuwa lia yali niyaboola okhubirira khumulakusi Yeremia. Nyasaye yakhola omuruchi Koreshi okhuhaana lilako lino nende okhuliruma mubuhandiche mbu, lisoomwe buli habundu mushialoshie eshioburuchi, yahandika ari,

²“Kano niko aka Koreshi omuruchi wa Perisia alachilisia, mbu, OMWAMI Nyasaye, Nyasaye womwikulu yaakholile isie okhuba omuruchi weshialo shiosi, khandi yandachilisiye okhumumbashila inzu mu Yerusalemu mu Yuda.

³Nyasaye abe ninenywe mwesi, inywe abandu ba Nyasaye. Murule mutsie mu Yerusalemu mana mumbashe obuyia inzu eya OMWAMI Nyasaye, Nyasaye wa Isiraeli, owinamilungwa mu Yerusalemu.

⁴Ne omundu yesi yesi ouliho mwoyo mushialo shiobuhambe shino, naba niyenya okhukalukha mushialoshie, okhuula abamenyanibe bamukhoonye neifetsa, itsahabu, emiandu, emiruko, halala nende ebihaanwa biabachama okhuhaana khulwa inzu ya Nyasaye mu Yerusalemu.”

⁵Mana abemilisi bebiliibwa bietsimbia tsia Yuda nende Benjamini, abesaaliisi nende Abalawi, nende boosi aba Nyasaye yali niyekuule emioyo chiabwe, berechekha okhutsia okhumbakha obuyia Ihekalu mu Yerusalemu.

⁶Mana abamenyani babwe boosi nibabakhoonya, babahelesia ebindu ebinji bieifetsa, itsahabu, emiandu nende emiruko, nende ebindu biobukusi, halala nende ebia bachama okhuhaana.

⁷Omuruchi Koreshi yabakalusilia ebimanulwa bieinzu eya OMWAMI Nyasaye, ebia Nebukadineza yali niyabukula okhurula munzu ya OMWAMI Nyasaye, mana nabira munzu yabanyasayebe.

⁸Koreshi yabihaana biosi khumubiishi Mitsiredatsi, naye nabibala nahelesia Sheshibaza, omwimilisi wa Yuda.

⁹Ebindu tsana biali: Tsingaye tsieitsahabu amakhumi kataru (30), tsingaye tsieifetsa eshikhumila shilala (1,000), tsingaye tsindi amakhumi kabili nashienda (29).

¹⁰Tsingaye tsindiiti tsieitsahabu amakhumi kataru (30). Tsingaye tsindiiti tsieifetsa ebikhumi bine nende ekhumi (410) nende ebimanulwa bindi eshikhumila shilala (1,000).

¹¹Ebimanulwa biosi ebieitsahabu nende ifetsa, ebia Sheshibaza yabukula olwa ye nende abahambe bandi barula Babuloni nibatsia Yerusalemu biali ebikhumila birano nende ebikhumi bine (5,400).