Read wanga EZIRA 10 Bible Online

EZIRA 10 - wanga bible

EZIRA 10

¹Ne olwa Ezira yali nasaayanga nende okhulila obululu niyekhupa hasi imbeli weihekalu, niyeyama obumayanu bwabandu, omukanda omukhongo kwa Abaisiraeli, abasaatsa, abakhaasi, nende abaana kwakhung'ana ewa Ezira yali, nibekhuula obululu muno.

²Mana Shekania omusiani wa Yahieli, oweshilibwa shia Elamu, naboolela Ezira ari, “Khwafunaache lilako lia Nyasaye wefwe, khulwokhuteshia abakhasi okhurula mumahanga kandi. Kata kario, obunaayi bushiliho khulwa Isiraeli.

³Khulweshio khukhole indakano nende Nyasaye wefwe mbu, khulaloonda abakhasi abo nende abaana babwe boosi. Khulakhola ako okhulondana nende obuchetsiyi bwa iwe nende abandi abahelesinjia Nyasaye oluyali mulakhuchelela. Khandi okhulondana nende shinga olwa amalako ka Nyasaye kalachilisia.

⁴Kho buukha okhwimilile, ifwe khuli halala ninawe, tinya omwoyo mana okhole shinga olwa kenyekha.”

⁵Kho Ezira yasinjila ne nakhola abemilisi babesaaliisi, Abalawi nende Abaisiraeli okhwitsuba mbu, balakhola shinga Shekania yali naboolile, kho nibakhola eshitsubo.

⁶Mana Ezira narula ewa yali, imbeli weihekalu natsia mushisika shia Yehohanani omusiani wa Eliashibu, ewa yeyalisia. Nebutswa shiyaliakhwo kata okhunywakhwo eshindu shiosi shiosi ta, shichila yali nabeeleele muno khulwa obukhayi bwabahambe abo.

⁷Mana likhuwa nililaandaasibwa mu Yuda nende mu Yerusalemu yosi mbu, abandu boosi abacheleele okhurula mubuhambe bakhung'ane halala mu Yerusalemu.

⁸Batswania amakhuwa mbu, yesi yesi ouchweya okhwitsa mutsinyanga tsitaru, emianduchie chilabukulwa chiosi, naye omwene alaloondwa okhurula muluyia lwabandu bachelela okhurula mubuhambe.

⁹Mana mutsinyanga tsitaru etsio, khunyanga eya amakhumi kabili yomwesi kwa shienda, abandu ba Yuda boosi nende ba Benjamini bakhung'ana mu Yerusalemu. Abandu boosi bekhala mulwanyi oluli muhekalu nibatechelanga khulwa lichoomo liomukhung'ano okwo nende khulwa ifula isiro eyali niyikwitsanga.

¹⁰Mana omwisaaliisi Ezira nasinjila naboolela abandu abo ari, “Shimuli abesiikwa ta, mwateeshiye abakhasi bomumahanga kandi kho mureerire eshikha khu Isiraeli.

¹¹Kho bulano, mwiyame obwonooni bwenywe imbeli wa OMWAMI Nyasaye, Nyasaye wabakuuka benywe, mana mukhole akokhwenyakhwe. Mwiyahule okhurula khubandu bomumahanga kandi akamumenyilemwo, khandi muloonde abakhasi ba mwateeshia okhurula mumahanga kandi ako.”

¹²Mana abomukhung'ano boosi nibakalusia nibaboola nomwoyo omukhongo bari, “Kabe kario, okhuula khukhole shinga lwoboolile.”

¹³Nebutswa bameetakhwo bari, “Abandu nabanji muno, nayo ifula niyinyinji po. Shikhunyala okhutsiililila okhusinjila khuri tawe. Kano shikali amakhuwa kokhukaasia khunyanga ndala kata tsibili tawe. Khwakhola obwonooni obubi muno.

¹⁴Nobulayi abemilisi befwe batoonye mu Yerusalemu bakaasie amakhuwa kano. Omundu yesi yesi owateeshia omukhasi okhurula mumahanga kandi yetse khubise ebikhoyile, halala nende abemilisi nende abakhalachi bomushiina shielitookholie, okhuula lwoburuma bwa OMWAMI Nyasaye wefwe khubwonooni buno burulaho khwifwe.”

¹⁵Abandu boosi bafuchilila amakhuwa ako, okhurusiakhwo, Yonatsani omusiani wa Asaheli nende Yazeyia omusiani wa Tikiwa nibo abakafukula, nabo Meshulama nende Shabetsayi, Omulawi nibaboonga omukhono.

¹⁶Kho abandu bachelela okhurula mubuhaambe nibafuchilila amakhuwa ako. Ezira niyaahula abasaatsa okhurula mubemilisi bebebiliibwa nahandika ameera kabwe. Mana khunyanga yambeli yomumwesi kwekhumi, nibachaaka okhurunilisia amakhuwa ako.

¹⁷Mana khunyanga yambeli yomwesi kwambeli bali nibamalile okhurunilisia nende okhumanya abasaatsa abali nibateeshia abakhasi bomumahanga kandi.

¹⁸Kano niko ameera akabasaatsa bali nibateeshia abakhaasi bomumahanga kandi: Mubesaaliisi, okhulondana nende ebebiliibwa biabwe, Maseya, Eleazari, Yaribu nende Gedalia abasiani ba Yehozadaki okhurula mushiliibwa shia Yeshwa nende abasiani babwe.

¹⁹Nabo nibafuchiilila mbu, balaloonda abakhasi babwe, mana nibakhola omusango kwelikondo limiiku khulwa obwonooni bwabwe.

²⁰Hanani nende Zebadia abomushiliibwa shia Imeri.

²¹Maseya, Eliya, Shemayia, Yahieli nende Uzia abomushiliibwa shia Harimu.

²²Elioenayi, Maseya, Ishimaeli, Netsaneli, Yozabadi nende Elesa abomushiliibwa shia Pashuri.

²³Abalawi bali Yozabadi, Shimei, Kelayia (owalangungwa khandi mbu, Kelita), Petsala, Yuda, nende Eleazari.

²⁴Abembi bali Eliashibu Abalindi abomuhekalu bali Shalumu, Telemu, nende Uri

²⁵Abandi bali Ramiya, Iziya, Malikiya, Miyamini, Eliazari, Malikiya nende Benaya boosi abomushiliibwa shia Paroshi.

²⁶Matania, Zekaria, Yahieli, Abudi, Yeremotsi, nende Eliya abomushiliibwa shia Elamu.

²⁷Elioenayi, Eliashibu, Matania, Yeremotsi, Zabadi nende Aziza abomushiliibwa shia Zatu.

²⁸Yehohanani, Hanania, Zabayi, nende Atsilayi abomushiliibwa shia Bebayi.

²⁹Meshulamu, mahuchi, Adaya, Yeshubu, Shehali, nende Yeremotsi abomushiliibwa shia Bani.

³⁰Adina, Kelali, Benaya, Maseya, Matania, Bezaleli, Bini, nende Manase abomushiliibwa shia Pahatsi-Moabu.

³¹Eleazari, Isihiya, Malikiya, Shemayia, Shemioni,

³²Benjamini, Maluki nende Shemaria abomushiliibwa shia Harimu.

³³Matenayi, Matata, Zabadi, Elifeleti, Yeremayi, Manase nende Shimeyi abomushiliibwa shia Hashumu.

³⁴Madayi, Amuramu, Uweli,

³⁵Benaya, Bedeya, Keluhi,

³⁶Meremotsi, Eliashibu,

³⁷Matania, Matenayi nende Yasu abomushiliibwa shia Bani.

³⁹Shelemia, Natani, Adaya,

⁴⁰Makinadebayi, Shashayi, Sharayi,

⁴¹Azareli, Shelemia, Shemaria

⁴²Shalumu, Amaria nende Yosefu abomushilibwa shia Binui.

⁴³Yeyieli, Matitsia, Zabadi, Zebina, Yadayi, Yoeli, nende Benaya.

⁴⁴Abasaatsa abo boosi bali nibateeshia abakhasi bomumahanga kandi. Baloonda abakhaasi abo nende abaana babwe boosi.