Read wanga EZIRA 2 Bible Online

EZIRA 2 - wanga bible

EZIRA 2

¹Bano nibo abandu abomulukongo lwa Babuloni, abachelela okhurula mubuhambe, aba Nebukadineza omuruchi wa Babuloni yahamba nayila Babeli. Bachelala Yerusalemu nende Yuda, buli mundu natsia mwitookholie.

²Ababemilila bali Zerubabeli, Yeshwa, Nehemia, Seraya, Relaya, Moridekai, Bilishani, Mizipari, Rigiwayi, Rohemu, nende Bana. Ne isabu yabetsimbia tsia Isiraeli boosi abarula mubuhambe yali:

³Aboluyia lwa Paroshi bali ebikhumila bibili eshikhumi shilala nende amakhumi musafu nababili (2,172),

⁴aboluyia lwa Shefatia bali ebikhumi bitaru amakhumi musafu nababili (372),

⁵olwa Ara bali ebikhumi musafu amakhumi musafu nabarano (775).

⁶Olwa Pahatsi-Moabu, nibo abaana ba Yeshwa okhuula khu aba Yoabu bali ebikhumila bibili amakhumi munane ekhumi nababili (2,812),

⁷olwa Elamu bali eshikhumila shilala ebikhumi bibili nende amakhumi karano nabane (1,254),

⁸olwa Zatu bali ebikhumi shienda amakhumi kane nabarano (945),

⁹olwa Zakayi bali ebikhumi musafu nende amakhumi kasasaba (760).

¹⁰Olwa Bani bali ebikhumi bisasaba amakhumi kane nababili (642),

¹¹olwa Bebayi bali ebikhumi bisasaba amakhumi kabili nabataru (623),

¹²olwa Azigadi bali eshikhumila shilala ebikhumi bibili ende amakhumi kabili nababili (1,222),

¹³olwa Adonikamu bali ebikhumi bisasaba amakhumi kasasaba nabasasaba (666),

¹⁴olwa Bigiwi bali ebikhumila bibili nende amakhumi karano nabasasaba (2,056),

¹⁵olwa Adini bali ebikhumi bine amakhumi karano nabane (454).

¹⁶Olwa Ateri (okhuula khu Hezekia) bali amakhumi shienda namunane (98),

¹⁷olwa Bezayi bali ebikhumi bitaru amakhumi kabili nabataru (323),

¹⁸olwa Yora bali eshikhumi shilala nende ekhumi nababili (112),

¹⁹olwa Hashumu bali ebikhumi bibili amakhumi kabili nababili (223),

²⁰olwa Gibari bali amakhumi shienda nabarano (95),

²¹Abandu ba Betselehemu bali eshikhumi shilala amakhumi kabili nabataru (123),

²²olwa Netofa bali amakhumi karano nabasasaba (56),

²³olwa Anatsotsi bali eshikhumi shilala amakhumi kabili namunane (128),

²⁴olwa Azimawetsi bali amakhumi kane nababili (42),

²⁵olwa Kiriatsi Yearimu, Khefira, nende Berotsi bali ebikhumi musafu amakhumi kane nabataru (743),

²⁶olwa Rama nende Geba bali ebikhumi bisasaba amakhumi kabili namulala (621),

²⁷olwa Mikimasi bali eshikhumi shilala amakhumi kabili nababili (122),

²⁸olwa Betseli nende Ayi bali ebikhumi bibili amakhumi kabili nabataru (223),

²⁹olwa Nebo bali amakhumi karano nababili (52),

³⁰olwa Magibishi bali eshikhumi shilala amakhumi karano nabasasaba (156).

³¹Abandi khuboluyia olwa Elamu bali eshikhumila shilala ebikhumi bibili nende amakhumi karano nabane (1,254),

³²olwa Harimu bali ebikhumi bitaru nende amakhumi kabili (320),

³³olwa Lodi, Hadidi, nende Ono bali ebikhumi musafu amakhumi kabili nabarano (725),

³⁴olwa Yeriko bali ebikhumi bitaru amakhumi kane nabarano (345),

³⁵olwa Sena bali ebikhumila bitaru ebikhumi buisasaba nende amakhumi kataru (3,630),

³⁶Abesaaliisi abachelela bali, Aboluyia lwa Yedaya, abomunzu mwa Yeshwa bali, ebikhumi shienda nende amakhumi musafu nabataru (973),

³⁷olwa Imeri bali eshikhumila shilala nende amakhumi karano nababili (1,052),

³⁸olwa Pashuri bali eshikhumila shilala ebikhumi bibili nende amakhumi kane namusafu (1,247),

³⁹olwa Harimu bali eshikhumi shilala nende ekhumi namusafu (1,017).

⁴⁰Aboluyia lwa Abalawi bali bano: aboluyia lwa Yeshwa nende Kadimieli, abomunzu mwa Hodawia bali amakhumi musafu nabane (74),

⁴¹Abembi abachelela mbabano, aboluyia lwa Asafu bali eshikhumi shilala amakhumi kabili namunane (128).

⁴²Abalindi abebebiliibwa, aboluyia lwa Shalumu, Ateri, Talumoni, Akuba, Hatita nende Shobayi boosi halala bali eshikhumi shilala amakhumi kataru nende shienda (139).

⁴³Abakhalabani bomuhekalu abachelela bali bano, aboluyia olwa Ziha, Hasafu, Tabaotsi,

⁴⁴Kerosi, Siaha, Padoni,

⁴⁵Lebana, Hagaba, Akubu,

⁴⁶Hagabu, Shamilayi, Hanani,

⁴⁷Gideli, Gahari, Reaya,

⁴⁸Rezini, Nekoda, Gazamu,

⁴⁹Uza, Pasea, Besayi,

⁵⁰Asina, Meunimu, Nefisimu,

⁵¹Bakibuki, Hakufa, Hariluri,

⁵²Bazilutsi, Melida, Harisha,

⁵³Barikosi, Sisera, Tema,

⁵⁴Nezia, nende Hatifa.

⁵⁵Aboluyia lwabakhalabani ba Solomoni abachelela bali bano: Aba Sotai, Hasoferetsi, Peruda,

⁵⁶Yala, Darikoni, Gideli,

⁵⁷aba Shefatia, Hatili, Pokeretsi-Hazebaimu, nende Ami.

⁵⁸Abakhalabani bomuhekalu nende abolwibulo lwabakhalabani ba Solomoni boosi halala bali ebikhumi bitaru amakhumi shienda nababili (392).

⁵⁹Abalondakhwo bano bachelela okhurula mumatookho ka Telimela, Teli-harisha, Kherubu, Adani, nende Imeri, nebutswa shibanyalilwa okhumanyia mbu, nabomunzu shiina mutsimbia tsia Isiraeli tawe.

⁶⁰Abolwibulo lwa Delaya, Tombia, nende Nekoda boosi bali ebikhumi bisasaba amakhumi karano nababili (652).

⁶¹Khandi abolwibulo lwabesaaliisi, aba Habaya, Hakozi, nende aba Barizilayi (Barizilayi yali niyateshia omukhaana wa Barizilayi Omugiliadi ne nalangwa eliira liabwe elo).

⁶²Abeene bano bakhaaba ameera kabakuuka babwe mubitabu biabolwibulo lwabwe, nebutswa shibanyoolamwo tawe. Khulweshio, shibafuchililwa okhuba abesaaliisi ta, shichila shibaali abasiiye tawe.

⁶³Omukafuna wa Yuda yabakaania mbu, shibalaliakhwo ebiokhulia ebitakatifu ta, okhuula olwomwisaaliisi areeba okhubirira khu Urimu nende Tsumimu[1]

⁶⁴Omukanda kwabahambe abachelela boosi bali ebikhumila amakhumi kane nababili ebikhumi bitaru nende amakhumi kasasaba (42,360).

⁶⁵Okhumeetakhwo, khwali nende abakhalabani abasaatsa nabakhasi ebikhumila musafu ebikhumi bitaru nende amakhumi kataru namusafu (7,337), abembi abasaatsa nende abakhasi bali ebikhumi bibili (200).

⁶⁶Bali nende tsifarasi ebikhumi musafu amakhumi kataru nende basasaba (736), tsipuri ebikhumi bibili amakhumi kane nabarano (245),

⁶⁷tsingamia ebikhumi bine amakhumi kataru natsirano (435), nende tsisishili ebikhumila bisasaba ebikhumi musafu nende amakhumi kabili (6,720).

⁶⁸Olwa abandu bachelela okhurula mubuhambe abo boola aha Ihekalu yalinji mu Yerusalemu, balala khubemilisi bebiliibwa bia Abaisiraeli bahaana ebihaanwa khulwa okhumbakha obuyia Ihekalu eyo.

⁶⁹Bahaana buli omundu shinga olwa yanyalilwa khulwa emilimo echio. Biosi halala biali itsahabu tsikilo ebikhumi birano (500), ifetsa tsikilo ebikhumila bibli nende ebikhumi munane (2,800), nende ebiifwalo eshikhumi shilala (100), ebiabesaaliisi.

⁷⁰Abesaaliisi, Abalawi, nende abandu bandi bamenya mwitookho lia Yerusalemu, nabo abembi, abalindi bebiliibwa, abakhalabani bomuhekalu, halala nende Abaisiraeli bandi boosi nibamenya mumatookho kabwe.