Read wanga NEHEMIA 1 Bible Online

NEHEMIA 1 - wanga bible

NEHEMIA 1

¹Buno nibwo obuloosie bwamakhuwa ka Nehemia omusiani wa Hakalia yakhola. Mumwesi kwa Kisilewi[1] mumuyika kwamakhumi kabili kwa Aritasarisa yali omuruchi owa Perisia, Isie Nehemia ndali nendi mwitookho likhongo lia Susa.

²Mana mulala khubasiani befwe oulangwa mbu Hanani yetsa narula Yuda, yali nabasaatsa bandi, nasi nibareeba bamboolelekhwo akelitookho lia Yerusalemu nende akobulamu bwa Abayahudi bashiefwe abali nibehonokokha[2] mubuhambe Babuloni

³Banzinoosia mbu abali nibehonokokha abo, bali nibanyakhananga muno, khandi abarende babwe bali nibabachayaanga. Khandi bamboolela mbu, amasiisi kalitookho lia Yerusalemu kali nikasasibwa, khandi ebiliibwa bialio biali nibishili okhumbakhwa obuyia okhurula khunyanga ya biasambilwakhwo.

⁴Olwa ndahulilakhwo ako, ndekhala hasi nindila amasika. Ndekhuula khulwa tsinyanga tsinyinji khandi nindiyima eshiokhulia. Ndasaaya khu Nyasaye niboola endi,

⁵“OMWAMI Nyasaye womwikulu! Oli omukhongo khandi khusinjilanga imbeliwo nikhuli noburi. Olindanga indakanoyo mubwisikwa khwabo abakhuheelanga iwe, khandi abakholanga amalako koko.

⁶OMWAMI Nyasaye, nengakhwo mana ohulile okhuhaba khwanje, shinga olwa ehabanga eshilo nende eshiteere khulwa abakhalabanibo, abandu Abaisiraeli. Efuchilila mbu ifwe abandu Abaisiraeli khwonoona. Isie halala nende abeinzu yefwe khwakhola obwonooni.

⁷Khukholile akali amabi khwiwe, ne shikhukholile aka wakhulachilisia tawe. Shikhulondile amalako nende amechesioko ka wakhulachilisia okhubirilila mu omukhalabaniwo Musa tawe.

⁸Yitsulila bulano aka walachilisia Musa noboola ori, ‘Inywe abandu Abaisiraeli nimulaba abesiikwa khwisie ta, ndalamusalaasia mumahanga kandi.

⁹Nebutswa bulano nimuba nimungalushila mana nimukhola akemulachilisiye, kata nimuba nimusalaanile buli habundu, ndalamuchelesia habundu ha ndahula mbu munzinamilenjeho.’

¹⁰“OMWAMI, bano nabakhalabanibo khandi abandubo beene, aba wahonokosia nobunyalibwo obukhongo nende amaniko.

¹¹Recheresia bulano okhusaya khwanje nende okhusaya okhwa abakhalabanibo bandi abenya okhuhelesia iwe oluyali. Unyalile okhuhula inyanga yino, khandi okhole omuruchi abe netsimbabasi khwisie.” Mutsinyanga etsio, ndali omukhalabani owomuruchi owokhumukamilanga idivai.