Read wanga NEHEMIA 10 Bible Online

NEHEMIA 10 - wanga bible

NEHEMIA 10

¹Owambeli okhurakhwo eshibalikho yali umukafuna Nehemia, omusiani wa Hakalia, mana Zedekia nalondakhwo. Abesaaliisi bandi abarakhwo eshibalikho bali,

²Seraya, Azaria, Yeremia,

³Pashuhuri, Amaria, Malikiya,

⁴Hatushi, Shebania, Maluki,

⁵Harimu, Meremotsi, Obadia,

⁶Danieli, Ginetsoni, Baruki,

⁷Meshulamu, Abiya, Miyamini,

⁸Maazia, Biliga nende Shemayia.

⁹Abalawi abarakhwo eshibalikho bali, Yeshwa omusiani wa Azama, Binuyi, oweshiliibwa shia Henadadi, Kadimieli

¹⁰nende abashiabwe balondakhwo bano: Shebama, Hodia, Kilita, Pelayia, Hanani

¹¹Mika, Rehobu, Hashabia,

¹²Zakuri, Sherebia, Shebania

¹³Hodia, Bani nende Beninu.

¹⁴Abemilisi babandu, abarakhwo eshibalikho bali: Paroshi, Oahatsi-Moabu, Elamu, Zetu, Bani,

¹⁵Buni, Azigadi, Behayi,

¹⁶Adoniya, Bagiwayi, Adini

¹⁷Ateri, Hezekia, Azuri,

¹⁸Hodia, Hashumu, Bezayi,

¹⁹Harifu, Anatsotsi, Nehayi,

²⁰Magipiashi, Meshulamu, Heziri

²¹Meshezabeli, Zadoki, Yuda,

²²Pelatia, Hanani, Anaya,

²³Hoshea, Hanania, Hashubu,

²⁴Haloheshi, Piliha, Shobeki,

²⁵Rehumu, Hashabuna, Maaseya,

²⁶Ahia, Hanani, Anani,

²⁷Maluki, Harimu nende Baana.

²⁸“Ifwe abandu Abaisiraeli, abesaaliisi, Abalawi, abalindi bebiliibwa, abembi betsinyimbo, abakhalabani bomuhekalu, nende abandu boosi, khwiyahula nikhurula khubetsimbia tsindi, abamenyanga mushialo shiefwe, ifwe halala nende abakhasi befwe, nende abaana befwe boosi abakhulile, abanyala okhulonda amalako,

²⁹bulano khuhambaana halala nende abemilisi befwe nikhwitsuba mbu, khulanyoola eshilaamo shiobubi nikhuba nikhufunaka indakano yino eyiboola mbu, khulamenya nikhulonda Amalako ka Nyasaye, aka yahaana okhubirira mumukhalabaniwe Musa. Mbu khulakhola amakhuwa koosi aka OMWAMI Nyasaye wefwe akhulachilisia okhukhola khandi khulalonda Amalakoke koosi nende amebaaloke.

³⁰“Khusuubisia mbu, shikhulabakhakhwo abaana befwe abakhaana khubandu abakhumenyilemwo, noho okhufuchilila abaana befwe abakhaana okhuteeshela abasiani befwe tawe.

³¹“Omurende nareera imele noho eshindu shiosi shiosi okhukhukusilia ifwe khunyanga ya Isabato, noho khunyanga yindi yosi yosi indakatifu, shikhulashikula tawe. Buli khumuyika kwa musafu shikhularakanga emikunda chiefwe ta, khandi shikhulabanza amakofi kefwe tawe.

³²Buli khumuyika, buli mulala khwifwe alahaananga tsikilo tsirano etsie ifetsa khulwa okhukhoonyelela obukhalabani bwomuhekalu.

³³Khulwa okhwinamila Nyasaye muhekalu, khulahaana ebindu bilondakhwo bino: Omukaate Omutakatifu, omusango kweimele kwa buli lwosi, emiruko chiokhusambwa buli nyanga khulwa emisango, ebihaanwa ebitakatifu ebietsinyanga tsieisabato, ebia Amasabo ka Omwesi Omuyia nende ebiamasabo kandi amaahule, ebihaanwa bindi ebitakatifu, ebihaanwa biokhuyiniaho obwonooni bwa Isiraeli nende eshindu shindi shiosi shiosi eshienyekha Muhekalu.

³⁴“Ifwe fwesi, halala nende Abesaaliisi nende Abalawi, khulakhupanga ikha buli omuyika khulwa okhumanya abeshiliibwa bakhoyile okhuhaana tsikhwi etsiokhusamba emisango echihaaniilwe OMWAMI Nyasaye wefwe okhulondana nende Lilako.

³⁵Khulareeranga muhekalu buli omuyika ebihaanwa bieimele yambeli eyokhuchesa nende ebiamo biambeli, ebienga khumisaala chefwe.

³⁶Buli omwana omusiani omwikulanda khulamuyilanga khumwisaaliisi Muhekalu, nikhumwahulila Nyasaye shinga olwa Lilako lilachilisia. Khulaahulila OMWAMI Nyasaye eshimoosi shieing'ombe eshikulanda, eshimeeme shielikondi eshikulanda shia buli likondi kata eshimeeme eshikulanda shia buli imbusi.

³⁷Khulayilila abesaaliisi Muhekalu obusie bweimele eyiranjilila okhucheswa khu buli omuyika nende ebihaanwa biefwe bindi ebieidivai, amafura kemiseituni nende ebiamo bindi biosi. Khulayililanga Abalawi eshitonye shielikhumi eshirulanga mubiraache bimelanga nibikhula mumikunda chiefwe, shichila nibo abasololanga ebitonye bielikhumi mumataala koosi akomumikunda chiefwe.

³⁸Abesaaliisi bomulwibulo lwa Haroni okhuula babe nende Abalawi olwa ebihaanwa ebikhung'asibwa ebio. Khandi khulwa okhwikhoonyela Muhekalu, Abalawi okhuula bayile mutsinzu tsiamabikho ka Ihekalu eshitonye shielikhumi khubiosi ebia bakhung'asiye.

³⁹Abandu ba Isiraeli nende Abalawi okhuula bayile ebihaanwa ebieimele, idivai nende amafura kemiseituni mutsinzu tsiamabikho, webikaye bia Ihekalu bibikhungwa, khandi ewabesaaliisi bali khumilimo inyanga eyo, abalindi ba Ihekalu nende abembi betsinyimbo bamenyanga. Shikhulebililakhwo Ihekalu ya Nyasaye wefwe tawe.”