Read wanga NEHEMIA 7 Bible Online

NEHEMIA 7 - wanga bible

NEHEMIA 7

¹Olwa ndali nemalile okhumbakha obuyia lisiisi khandi nesinjisiye ebiliibwa mubwikhalo bwabio, ndaahula abalindi bebiliibwa, abembi betsinyimbo nende Abalawi khulwokhukhola emilimo chiabwe.

²Ndaraho Hanani, omusiani wefwe nende Hanania, omukhongo wabelihe, balindanga olukoba okhusinjilila litookho lia Yerusalemu. Hanania yali omundu omwisiikwa khandi owoluyali khu Nyasaye okhushila abandi boosi pe.

³Ndababoolela mbu, shibalekulakhwo ebiliibwa bia Yerusalemu mumabwibwi ta, okhuula olwa omubasu kweisenya kuba nikululile, khandi mbu, bekalenje ebiliibwa ebio abalindi nibashiliho, eliuba nilishili okhuyeela. Ndababoolela khandi mbu, baahule abalindi okhurula mubandu bamenyanga mu Yerusalemu, mana barebweho buli mulala wakhoyile okhuba khulwokhulinda tsinzu tsiabwe tsiene.

⁴Ne litookho lia Yerusalemu liali likhongo khandi liraabaafu, nebutswa abandu bamenyangamwo bali batiiti khandi tsinzu tsinyinji tsiali nitsishili okhumbakhwamwo.

⁵Kho Nyasaye wanje niyamboolela mbu, ekhung'asie halala abaruchi, abemikilisi nende abandu bandi khulwa okhubasibwa nende okhuhandika ameera kabwe okhulondana nende tsinzu tsiabwe. Ndanyoola eshitabu shiahandikwamwo ameera kabetsinzibulo tsia abandu baranjilila okhuchelela okhurula mubuhambe. Ne kano niko ameera ka ndanyoola nikahandikwamwo:

⁶Abandu bali Babuloni mubuhambe bachelela Yerusalemu nende Yuda. Buli mundu yakalukhanga mwitookholie. Abomutsinzu tsiabwe bali nibamenya Babuloni mubuhambe okhurula olwomuruchi Nebukadineza yabayilayo shinga ababohe.

⁷Ababemilila bali Zerubabeli, Yeshwa, Nehemia, Azaria, Raamia, Nahamani, Moridekai, Bilishani, Misiperetsi, Bikuwayi, Nehumu nende Baana. Akalondakhwo kano niko ameera akabebiliibwa bia Abaisiraeli mubuli eshiliibwa, abachelela okhurula mubuhambe:

⁸Abolwibulo lwa Paroshi bali ebikhumila bibili, eshikhumi shilala nende amakhumi musafu nababili (2,172).

⁹Abolwibulo lwa Shefatia bali ebikhumi bitaru, amakhumi musafu nababili (372).

¹⁰Abolwibulo lwa Ara bali ebikhumi bisasaba, amakhumi karano nababili (652).

¹¹Abolwibulo lwa Pahatsi-Moabu, abomulwibulo lwa Yeshwa nende Yoabu bali ebikhumila bibili, ebikhumi munane nende ekhumi namunane (2,818).

¹²Abolwibulo lwa Elamu bali eshikhumila shilala ebikhumi bibili nende amakhumi karano nabane (1,254),

¹³Abolwibulo lwa Zatu bali ebikhumi munane, amakhumi kane nabarano (845).

¹⁴Abolwibulo lwa Zakayi bali ebikhumi musafu nende amakhumi kasasaba (760).

¹⁵Abolwibulo lwa Binuyi bali ebikhumi bisasaba, amakhumi kane nende munane (648).

¹⁶Abolwibulo lwa Bebayi bali ebikhumi bisasaba, amakhumi kabili namunane (628).

¹⁷Abolwibulo lwa Azigadi bali ebikhumila bibili, ebikhumi bitaru nende amakhumi kabili nababili (2,322).

¹⁸Abolwibulo lwa Adonikamu bali ebikhumi bisasaba, amakhumi kasasaba nende musafu (667).

¹⁹Abolwibulo lwa Bigiwayi bali ebikhumila bibili, amakhumi kasasaba nende musafu (2,067).

²⁰Abolwibulo lwa Adini bali ebikhumi bisasaba amakhumi karano nabarano (655).

²¹Abolwibulo lwa Ateri, abalangungwa khandi mbu, Hezekia, bali amakhumi shienda nende munane (98).

²²Abolwibulo lwa Hashumu bali ebikhumi bitaru, amakhumi kabili namunane, (328).

²³Abolwibulo lwa Bezayi bali ebikhumi bitaru, nende amakhumi kabili nabane (324).

²⁴Abolwibulo lwa Harifu bali eshikhumi shilala nende ekhumi nababili (112).

²⁵Abolwibulo lwa Gibeoni bali amakhumi shienda nende barano (95).

²⁶Abandu ba abakuuka babwe bali nibamenya mumataala akaloondakhwo kano boosi khandi bachelela: Abamaatala ka Betselehemu nende aka Netofa bali eshikhumi shilala nende amakhumi munane namunane (188).

²⁷Abomwitaala lia Anatsotsi bali eshikhumi shilala nende amakhumi kabili namunane (128).

²⁸Abomwitaala lia Betsi Azimawetsi bali amakhumi kane nende babili (42).

²⁹Abomwitaala lia Kiriatsi Yearimu, Kefira nende Beerotsi bali ebikhumi musafu nende amakhumi kane nabataru (743).

³⁰Abomwitaala lia Rama nende Geba bali ebikhumi bisasaba nende amakhumi kabili namulala (621).

³¹Abomwitaala lia Mikimashi bali eshikhumi shilala nende amakhumi kabili nababili (122).

³²Abomwitaala lia Betseli nende Ayi bali eshikhumi shilala nende amakhumi kabili nabataru (123).

³³Abomwitaala lia Nebo lindi bali amakhumi karano nababili (52).

³⁴Abomwitaala lia Elamu lindi bali eshikhumila shilala, ebikhumi bibili nende amakhumi karano nabane (1,254).

³⁵Abomwitaala lia Harimu bali ebikhumi bitaru nende amakhumi kabili (320).

³⁶Abomwitaala lia Yeriko bali ebikhumi bitaru nende amakhumi kane nabarano (345).

³⁷Abomwitaala lia Lodi, Hadidi nende Ono bali ebikhumi musafu nende amakhumi kabili nende mulala (721).

³⁸Abomwitaala lia Senaa bali ebikhumila bitaru, ebikhumi shienda nende amakhumi kataru (3,930).

³⁹Akaloondakhwo kano niko ameera kaboluyia lwabesaaliisi bachelela okhurula mubuhambe: Abeshiliibwa shia Yedaya okhubirila mubolwibulo olwa Yeshwa bali ebikhumi shienda nende amakhumi musafu nabataru (973).

⁴⁰Abeshiliibwa shia Imeri bali eshikhumila shilala nende amakhumi karano nababili (1,052).

⁴¹Abeshiliibwa shia Pashuri bali eshikhumila shilala, ebikhumi bibili nende amakhumi kane namusafu (1,247).

⁴²Abeshiliibwa shia Harimu bali eshikhumila shilala nende ekhumi namusafu (1,017).

⁴³Abalondakhwo bano nibo abebiliibwa bia Abalawi, abachelela okhurula mubuhambe: Abeshiliibwa shia Yeshwa, abalangungwa mbu, Kadimieli nibali abolwibulo lwa Hodawia boosi bali amakhumi musafu nende bane (74).

⁴⁴Abeshiliibwa shia abembi bomuhekalu, abomulwibulo lwa Asafu bali eshikhumi shilala nende amakhumi kane namunane (148).

⁴⁵Abeshiliibwa shiabalindi abeihekalu, abomulwibulo lwa Shalumu, Ateri, Talimoni, Akubu, Hatita nende Shobayi boosi bali eshikhumi shilala nende amakhumi kataru namunane (138).

⁴⁶Abeshiliibwa shiabakhalabani bomuhekalu, abachelela okhurula mubuhambe bali: Siha, Hasufa, Tabaotsi,

⁴⁷Kerosi, Siaha, Padoni,

⁴⁸Lebana, Hagaba, Shalimayi

⁴⁹Hanani, Gideli, Gahari,

⁵⁰Reaya, Rezini, Nekoda,

⁵¹Gazamu, Uza, Paseya,

⁵²Besayi, Meunimu, Nefusimu,

⁵³Bakibuki, Hakufa, Hahuri,

⁵⁴Basilutsi, Mehida, Harisha,

⁵⁵Barikosi Sisera, Tema,

⁵⁶Nesia nende Hatifa.

⁵⁷Abebiliibwa biabakhalabani ba Solomoni, abachelela okhurula mubuhambe bali: Sotayi, Soferetsi, Perida,

⁵⁸Yaala, Darikoni, Gideli,

⁵⁹Shefatia, Hatili, Pokeretsi-Hazebaimu nende Amoni.

⁶⁰Abandu boosi abeshiliibwa shiabakhalabani bomuhekalu nende abeshiliibwa shiabakhalabani bomuruchi Solomoni, abachelela okhurula mubuhambe boosi bali ebikhumi bitaru nende amakhumi shienda nababili (392).

⁶¹Abalondakhwo bano nabo nibo abarula mumataala ka Telimela, Teli-harisha, Kerubu, Adoni nende Imeri, nebutswa shibamanyisia mbu, abetsinzu tsiabwe bali abolwibulo lwa Isiraeli tawe:

⁶²Abetsinzibulo tsia Delayia, Tobia nende Nekoda bali ebikhumi bisasaba nende amakhumi kane nababili (642).

⁶³Ne abeshiliibwa shiabesaaliisi, bali abetsinzibulo tsia Hobaya, Hakozi nende Barizilayi (owali niyateeshia omukhaana wa Barizilayi, Omugiliadi ne nakulikhwa eliira elo).

⁶⁴Abo bakhaabilisia ameera kabetsinzu tsiabwe nebutswa shibakanyoola ta, khulweshio shibafuchililwa okhuba mubukhalabani bwabesaaliisi tawe.

⁶⁵Omukafuna Omuyahudi yababoolela mbu shibalaliakhwo eshiokhulia eshihaaniilwe Nyasaye ta, okhuula olwa omwisaaliisi abaho ounyala okhwikhoonyela Urimu nende Tsumimu.

⁶⁶Abandu abachelela okhurula mubuhambe boosi halala bali ebikhumila amakhumi kane nababili, ebikhumi bitaru nende amakhumi kasasaba (42,360).

⁶⁷Abakhalabani babwe abasaatsa nende abakhasi boosi bali ebikhumila musafu, ebikhumi bitaru nende amakhumi kataru namusafu (7,337). Abembi abasaatsa nende abakhasi boosi halala bali ebikhumi bibili amakhumi kane nabarano (245).

⁶⁸Bali netsifarasi ebikhumi musafu nende amakhumi kataru natsisasaba (736). Tsinyumbu ebikhumi bibili nende amakhumi kane natsirano (245).

⁶⁹Tsingamia ebikhumila bine, amakhumi kataru nende tsirano 435. Tsisishili ebikhumila bisasaba, ebikhumi musafu nende amakhumi kabili (6,720).

⁷⁰Balala khubakhongo babebiliibwa bahaana ebihaanwa okhukhoonya omulimo kwobumbashi. Omukafuna yahaana itsahabu eyihela tsikilo munane neinusu, ebikaye biemilukha amakhumi karano nende tsikanzu tsabesaaliisi ebikhumi birano nende amakhumi kataru (530).

⁷¹Abemilisi babebiliibwa bahaana itsahabu tsikilo eshikhumi shilala nende amakhumi musafu (170), ifetsa eyihela itaani ndala neinusu.

⁷²Nabo abandu bandi boosi bahaana itsahabu eiyihela eshikhumi shilala nende amakhumi musafu (170), ifetsa itaani ndala nende tsikanzu tsiabesaaliisi tsihehela amakhumi kasasaba nende musafu (67).

⁷³Abesaaliisi, Abalawi, abalindi bebiliibwa, abembi, abandu bandi abanji, abakhalabani bomuhekalu, abali abandu ba Isiraeli, boosi bamala bamenye mumatookho ka Yuda.