Read wanga AYUBU 26 Bible Online

AYUBU 26 - wanga bible

AYUBU 26

¹Mana Ayubu nakalusia Bilidadi naboola ari,

²“Lolakhwo shinga lwokhoonyile oyo oubula obunyali! Lolakhwo shinga lwohoniye oyo oubula amaani!

³Lolakhwo shinga olwa ochetsiyiyie oyo oubula obuchesi, lolakhwo shinga lwomuhelesiye obumanyilisi obunji!

⁴Niwiina oukhukhoonyile okhuboola omakhuwa kano? Niwiina oukhukholile okhuboola orio?”

⁵Bilidadi nakalusia Ayubu naboola ari, “Abafwa abali emakombe batechela, kata amaatsi akali hasi nende biosi ebimenyangamwo birenga.

⁶Emakombe yikuushe imbeli wa Nyasaye. Shibulayo eshiibisile mutsimoni tsia Nyasaye.

⁷Nyasaye abambulanga likulu lia Emasaba habundu hakhaya, mana yachikha eshialo aha eshindu shiosi shilali ta.

⁸Nyasaye niye owitsusinjia amaatsi mumaleesi, mana akekalila okhurandukha khulwa obusiro bwa amaatsi ako.

⁹Afisanga obweni bwomwesi, mana akufunikhakhwo lileesilie.

¹⁰Nyasaye yabotokhasia ingara ikulu weinyanza, eyokhwahukhasia eshiilima nende obulafu.

¹¹Tsisiilo tsielikulu tsirenga nitsitechela olwa atsikondeshela.

¹²Khulwa obunyalibwe yaholelesia inyanza, ne mubusitsabwe yasasia Rahabu, okusolo kwomunyanza.

¹³Emiuyachie chialafia likulu, nakwo omukhonokwe kweera okuyokha kwali nikwilukhanga.

¹⁴Nebutswa ako nimatutu butswa khukebikholebie, niko akakhwahulilakhwo butswa nikamoonywa khuye. Nebutswa niwiina ounyala okhumanyilisia obukhongo bwobunyalibwe?”