Read wanga TSITSABULI 129 Bible Online

TSITSABULI 129 - wanga bible

TSITSABULI 129

¹Iwe Isiraeli, khuboolelekhwo shinga abasukubo bakhusandia, okhurula noli omwana. Buli mundu mu Isiraeli aboole ari,

²“Okhurula obwana bwanje, abasuku banje basandinjia obululu, nebutswa bashili okhuhula tawe.

³Baakhalakanga nibatsookhona amakonzo mumukongo kwanje, nibakukhola shinga omukunda okuremaakwe nelijembe.

⁴Nebutswa OMWAMI Nyasaye, omulunjishi, yandekhuulile okhurula mubuhambe bwabamayanu.”

⁵Abo boosi abakiyanga Zayuni bakhoya bashilwa khandi bakalusibwa inyuma.

⁶Bakhoya baba shinga obunyasi obumela khushilama shieinzu, obuniala nibushili okhuyila emisi.

⁷Abulaho oubukhaaya kata okhububoha ebinywa nabuchinga tawe.

⁸Abulaho oubiranga ahambi yaho naboola ari, “OMWAMI Nyasaye khuhelesie ikhabi, khukhulaamila ikhabi muliira elia OMWAMI Nyasaye.”