Read wanga TSITSABULI 136 Bible Online

TSITSABULI 136 - wanga bible

TSITSABULI 136

¹Khupile OMWAMI Nyasaye orio shichila nomulayi, obuheelibwe oburalilu nobweinziayo.

²Khupile Nyasaye omukhongo, oushila abanyasaye bandi boosi orio, shichila obuheelibwe oburalilu nobweinziayo.

³Khupile OMWAMI Nyasaye wabaami boosi orio, shichila obuheelibwe oburalilu nobweinziayo;

⁴Niye yenyene oukholanga akamakana amakhongo, shichila obuheelibwe oburalilu nobweinziayo;

⁵Mubuchesibwe yalonga likulu shichila obuheelibwe oburalilu nobweinziayo;

⁶Yabambula eshialo khumaatsi shichila obuheelibwe oburalilu nobweinziayo.

⁷Yakaasia obulafu obukhongo shichila obuheelibwe oburalilu nobweinziayo

⁸Yalonga eliuba liashenje eshiteere, shichila obuheelibwe oburalilu nobweinziayo.

⁹Nakwo omwesi nende tsing'ining'ini biashenje mushilo shichila obuheelibwe oburalilu nobweinziayo.

¹⁰Yeera abasiani abekulanda ba Abamisiri, shichila obuheelibwe oburalilu nobweinziayo.

¹¹Yarusia Abaisiraeli mu Abamisiri, shichila obuheelibwe oburalilu nobweinziayo.

¹²Yekhoonyela omukhonokwe kwamaani nende obunyalibwe, shichila obuheelibwe oburalilu nobweinziayo.

¹³Yaarulula inyanza inzakhanyu hakari, shichila obuheelibwe oburalilu nobweinziayo.

¹⁴Nanyalila Abaisiraeli okhukhalasia hakari wayo, shichila obuheelibwe oburalilu nobweinziayo.

¹⁵Nebutswa yenikha omuruchi wa Misiri nende abelihebe mumaatsi akeinyanza inzakhanyu; shichila obuheelibwe oburalilu nobweinziayo.

¹⁶Yemilila Abaisiraeli okhubira mushitsiimi, shichila obuheelibwe oburalilu nobweinziayo

¹⁷Yamulula abaruchi abakhongo, shichila obuheelibwe oburalilu nobweinziayo.

¹⁸Niyeera abaruchi beifuma, shichila obuheelibwe oburalilu nobweinziayo

¹⁹Yeera Sihoni omuruchi wa Abamori, shichila obuheelibwe oburalilu nobweinziayo.

²⁰Yeera Ogi omuruchi wa Abashani, shichila obuheelibwe oburalilu nobweinziayo.

²¹Yahana amahanga kabwe khu Abaisiraeli, bakabukule kabe omukabo kwabwe, shichila obuheelibwe oburalilu nobweinziayo.

²²Yakahana okhuba omukabo khu Isiraeli omukhalabaniwe, shichila obuheelibwe oburalilu nobweinziayo.

²³Niye owakhwitsulila olwa khwali nikhuhulilwe shichila obuheelibwe oburalilu nobweinziayo.

²⁴Nakhuhonokosia okhurula mubasuku befwe, shichila obuheelibwe oburalilu nobweinziayo

²⁵Ahananga ebiokhulia khubilonje biobulamu biosi, shichila obuheelibwe oburalilu nobweinziayo

²⁶Khupile Nyasaye womwikulu orio, shichila obuheelibwe oburalilu nobweinziayo.