Read wanga TSITSABULI 14 Bible Online

TSITSABULI 14 - wanga bible

TSITSABULI 14

¹Khumurereesi wetsinyimbo: Itsabuli ya Daudi. Abayingwa baboolanga mumioyo chiabwe bari; “Nyasaye shialiho ta.” Boosi bamala okhukora khandi bakholanga akeshisinyo, abulaho khubo oukholanga amalayi tawe.

²OMWAMI Nyasaye nali mwikulu ahenganga hasi khubandu, okhulola nibaba nibalikhwoho abali nobuchesi, abamwinamilanga.

³Nebutswa bashiamile boosi, bamayaanile boosi pe, shialikhwoho oukholanga amalayi, kata mulala ta.

⁴Nyasaye areeba ari, “Abakholanga obumayanu bano shibamanyilekhwo ta? Shibalikhwo nobuchesi ta? Baliitsanga abandu banje shinga abalia emikaate, ne shibaakhabanga isie OMWAMI Nyasaye wabwe tawe.”

⁵Nebutswa balatiilwa noburi obukhongo, okhuba Nyasaye alindanga abalunjishi.

⁶Abamayanu basasinjia akabatakha bakaasia, nebutswa OMWAMI Nyasaye niye obwilushilo bwabwe.

⁷Obununuli bwa Isiraeli bukhoya bwetsa okhurula Zayuni! Olwa OMWAMI Nyasaye akhola Abaisiraeli okhuyindihala khandi, abolwibulo lwa Yakobo baliikhoya, Abaisiraeli balitsatsahala.