Read wanga TSITSABULI 145 Bible Online

TSITSABULI 145 - wanga bible

TSITSABULI 145

¹Ndalarumbula obukhongobwo iwe Nyasaye khandi omuruchi wanje. Ndalakhupilanga orio ebisoni nebisoni

²Ndalakhupilanga orio buli inyanga; ndalakhwitsoomia ebisoni nebisoni.

³OMWAMI Nyasaye nomukhongo khandi akhoyile okhwitsoomibwa muno; obukhongobwe shibunyala okhumanyilisibwa tawe.

⁴Akokholile kaletsoomibwa mutsinzibulo tsiosi, balarumbula ebikholebio biamaani.

⁵Balaboola khukoluyalilwo nende obunyalibwo, ndalayililisia khubikholebio ebiamakana.

⁶Abandu balarumbula khukebikholebio biamakana, nasi ndalarumbula obukhongobwo.

⁷Balaboolela abandu khukobulayibwo bwosi, nende okhwimba akeshisashio.

⁸OMWAMI Nyasaye nowobukoosia khandi owetsimbabasi, ashindanga okhusinyikha khandi nowobuheeli oburalilu.

⁹OMWAMI Nyasaye nomulayi khuboosi, ne eshisashie shili khubandu boosi abayalonga.

¹⁰OMWAMI Nyasaye, ebilonjebio biosi bilakhwitsoomia, nabo abandubo boosi balakhupila orio.

¹¹Balarumbula akoluyali lwoburuchibwo, nende okhuboola akobunyalibwo.

¹²Kho mbu ebikholebio biamaani, nende oluyali lwobukhulundu lwobwamibwo khubandu boosi.

¹³Oburuchibwo nobweinziayo nabwo obunyalibwo bulabaho inziayo mutsinzibulo tsiosi. OMWAMI Nyasaye nomwisiikwa mubusuubisiebwe khandi nowobukoosia mubikholebie biosi.

¹⁴OMWAMI Nyasaye ohabinanga abo abali mumatinyu nende okhuchinguula abo abakwile.

¹⁵Ebilonje ebilimwoyo biosi bisikanga iwe, olwa bitamba eshiokhulia iwe obihelesinjia.

¹⁶Obihelesinjia ebindu ebibihela mana wikusia obwikombi bwabio.

¹⁷OMWAMI Nyasaye nomulunjishi mukoosi akakholanga, nowetsimbabasi mubikholebie biosi.

¹⁸Asitanga ahambi, khuboosi abamuhabilanga nomwoyo mulala,.

¹⁹Abahelesinjia abo abamuhelesinjia oluyali biosi ebia benya, khandi ahulilanga okhuhaba khwabwe nabahonokosia.

²⁰OMWAMI Nyasaye alindanga buli mundu oumuheelanga, nebutswa alamulula abamayanu.

²¹Ndaletsoomia OMWAMI Nyasaye buli lwosi, ebilonjebie biosi bitsoomie eliiralie litakatifu inziayo.