Read wanga TSITSABULI 16 Bible Online

TSITSABULI 16 - wanga bible

TSITSABULI 16

¹Itsabuli ya Daudi Iwe Nyasaye, uninde, okhuba niwe owandilushilangakhwo khulwa obulindwi.

²Emboolela OMWAMI Nyasaye endi, “Niwe OMWAMI Nyasaye wanje, embulakhwo lilayi liosi liosi ta, habula iwe wenyene.”

³Ne abatakatifu bali mushialo nibo aboluyali, omwikhoyo kwanje nokhuba ninabo halala.

⁴Abo abelushilanga abanyasaye bandi bereereerera abeene amatinyu, isie shindalasangakhwo mumisango chiabwe, noho kata okhurumbula ameera kabanyasaye babwe tawe.

⁵OMWAMI Nyasaye niye obulaame bwanje obwahule, khandi omukabo kwanje, umbelesinjia shiosi shiosi eshia ndenya, obulamu bwanje bwetsinyanga tsitsa buli mumukhonokwo.

⁶Omukoye kwokhuchela olwakho lwanje kungwiliile habundu halayi, toto endi nobulaame obulayi.

⁷Nditsoominjia OMWAMI Nyasaye, shichila yanzibaalilanga, ne mushilo tsinganakani tsianje tsinzibaalilanga eshiokhukhola.

⁸Buli lwosi emanyanga mbu, OMWAMI Nyasaye ali ahambi ninasi. Shibulaho eshinyala okhuuhendia, shichila ali khumukhono kwanje musaatsa.

⁹Khulweshio omwoyo kwanje kusangaalile, nakwo omubili kwanje kulamenya eshisiche mulembe.

¹⁰Okhuba shiolanzibala khubunyali obwa Emakombe, kata okhufuchilila isie omusuubilwawo okhwikha mushialo shiabafu tawe.

¹¹Olaamanyia injila yitsia mubulamu, aha iwe oli obusaangaafu bwitsulangaho, khandi obusaangaafu bwemiyika chiosi khumukhonokwo musaatsa.