Read wanga TSITSABULI 19 Bible Online

TSITSABULI 19 - wanga bible

TSITSABULI 19

¹Khumurereesi wetsinyimbo. Itsabuli ya Daudi. Likulu lilolesinjia habulafu oluyali lwa Nyasaye! Nilimanyisia habulafu aka yakhola.

²Eshiteere shirumbulilanga eshiteere shindi amakhuwa eshilo nashio shikamanyinjia khushilo shindi.

³Shibiboolanga amakhuwa ta, kata omwoyo kwabio shikuhulilikhanga tawe.

⁴Nebutswa amayoosi kabio katswana mubialo biosi, nako amakhuwa kabio okhuula khundulo weshialo. Nyasaye yakaasilia eliuba eshimenyo mwikulu

⁵lifwindanga mumabwibwi shinga olwa omwene omweha arulanga mushisikashie, noho shinga olwa omwilushi wetsimbilo abetsanga niyerecheeshe okhwilukha.

⁶Okhufwinda khwalio khurulanga khundulo welikulu, okhubotokhana khwalio khuulanga khandi khundulo welikulu elo, shibulaho eshinyala okhwibisa okhurula khumubasu kwalio tawe.

⁷Lilako lia OMWAMI Nyasaye nelia habwene, khandi limeetanga omwoyo amaani, amalachilisio ka OMWAMI Nyasaye nakobwisiikwa kachetsiyinjia ababula obuchesi.

⁸Amalako ka OMWAMI Nyasaye nakobulunjishi, kasaangaasinjia omwoyo. Amalako ka OMWAMI Nyasaye naka habwene khandi kachetsiyinjia amapaaro komundu.

⁹Okhuhelesia OMWAMI Nyasaye oluyali nokhulayi, khuyindilanga inziayo. Obukhalachi bwa OMWAMI Nyasaye nobwa habwene, nobwa habwene buli lwosi.

¹⁰Nobweleleshe okhushila itsahabu, nobumilamilu okhushila obuushi, oburoonya okhurula mushicheyo.

¹¹Nibwo obumbelesinjia isie omusumbawo amachesi, okhuhulila amalako khuli nomurungo omukhongo khwisie.

¹²Niwiina ounyala okhumanya obuyiiribwe? Iwe OMWAMI Nyasaye, umbonie okhurula mukhuyiira okhunzibisiile.

¹³Khandi umbonie okhurula mubwonooni bweinjinia, shiolabufuchilila ako okhuruka isie tawe. Mana ndalabula eshikha imbeliwo, nendi omulekhuule okhurula khubwonooni bwosi.

¹⁴Iwe OMWAMI Nyasaye, okhoya wafuchilila amakhuwa kanje nende obuyililisi bwanje, niwe obwilushilo bwanje khandi omuhonia wanje.