Read wanga TSITSABULI 2 Bible Online

TSITSABULI 2 - wanga bible

TSITSABULI 2

¹Mbushiina amahanga kerechekhanga okhukhola induli? Mbushiina abandu banyakhananga eshikhaya nibatuta amakhuwa?

²Abaruchi beshialo berechekha, nabo abakhulundu babwe beshiina boosi basanjilana ninabo, okhuloba OMWAMI Nyasaye nende oyo owomwene yatsushililakhwo amafura, nibaboola bari:

³“Chende khurule muburuchi bwabwe, khwifwalule muminyololo chiabwe.”

⁴Owikhalanga khushifumbishie shioburuchi mwikulu abatseshelela, OMWAMI Nyasaye abatseshelela nabachaaya.

⁵Abasiomela muburumabwe, abariisia mubululubwe naboola ari,

⁶“Ndayemeeshe omuruchi wanje khushikulu shianje eshitakatifu shia Zayuni.”

⁷Omuruchi aboola ari, “Ndalalandia aka OMWAMI Nyasaye arumbuule. Yamboleele ari, ‘Iwe oli omwana wanje omusiani, olwa leelo luno ekhwibuule.

⁸Usabe, nasi ndalakhuhelesia amahanga koosi kabe obulaamebwo, eshialo shiosi shilaba eshishio.

⁹Olabatubula neindabushi yeshibia, olabaarakamwo ebitonye shinga owaaraka isiongo.’ ”

¹⁰Khulweshio inywe abaruchi mube abachesi, murecheresie lichetsiyio lino inywe abarukanga eshialo:

¹¹Mumukhalabanile OMWAMI Nyasaye muburi,

¹²mumwinamile nimutechela, kho mbu aleshe okhusinyikha nenyu nimumululwa mubwangu. Nabeikhabi boosi abamwilushilanga mbu, abalinde.