Read wanga TSITSABULI 29 Bible Online

TSITSABULI 29 - wanga bible

TSITSABULI 29

¹Itsabuli ya Daudi yemba Inywe ebilonje biomwikulu, mwitsoomie OMWAMI Nyasaye, mwitsoomie oluyaliwe nende abunyalibwe.

²Mwitsoomie eliira lia OMWAMI Nyasaye lioluyali, mwinamile OMWAMI Nyasaye olwa alolekha mubutakatifubwe.

³Omwoyo kwa OMWAMI Nyasaye kuli ikulu wetsinyanza, Nyasaye woluyali akukumanga, ne omwoyokwe kuhulilikhanga khunyanza.

⁴Omwoyo kwa OMWAMI Nyasaye nokwobunyali, khandi kwetsulamwo oluyali.

⁵Omwoyo kwa OMWAMI Nyasaye kufunakanga emisaala chiemisiita, OMWAMI Nyasaye afunakanga emisaala chiemisiita chia Lebanoni.

⁶OMWAMI Nyasaye akholanga ebikulu bia Lebanoni okhusola shinga ebimoosi, khandi akholanga eshikulu shia Harimoni okhusola shinga ing'ombe ihunwa.

⁷Omwoyo kwa OMWAMI Nyasaye kuhenusinjia tsimbenu etsiomulilo.

⁸Omwoyo kwa OMWAMI Nyasaye kutechesinjia eshitsiimi, OMWAMI Nyasaye atechesinjia eshitsiimi shia Kadeshi.

⁹Omwoyo kwa OMWAMI Nyasaye kuresinjia emisaala chiemipeli, mana kurusia amasaafu okhurula khumisaala. Olwa buli mundu muhekalu aba niyayulanga naboola ari, “Oluyali lube khu Nyasaye!”

¹⁰OMWAMI Nyasaye arukanga emiyembo chiamaatsi, OMWAMI Nyasaye alarukanga emiyika chiosi.

¹¹OMWAMI Nyasaye akhoya yahelesia abandube amaani, khandi akhoya yahelesia abandube tsikhabi tsiomulembe.