Read wanga TSITSABULI 3 Bible Online

TSITSABULI 3 - wanga bible

TSITSABULI 3

¹Itsabuli ya Daudi, olwa yelukha okhurula khumusianiwe Abusalomu Iwe OMWAMI Nyasaye, abasuku banje nabanji muno! Abo abaaseeranga nabanji.

²Abanji bamboolelanga bari, “Nyasaye shialakhukhoonya ta.”

³Nebutswa iwe, OMWAMI Nyasaye, niwe eshikhumba shianje mumatinyu, olwa emba nendi mubusuku, unyalilanga okhuhula, nihelesibwa oluyali, mana ungalusilia itswoni.

⁴Emuhaabilanga OMWAMI Nyasaye mbu, yambonie, naye yangalusia nali khushikulushie eshitakatifu.

⁵Ndiyalisinjia hasi ningona tsindoolo, mana embuukha, shichila OMWAMI Nyasaye yanindanga eshilo shiosi.

⁶Shieritsanga abasuku ebikhumila, abambotokhaane tsimbeka tsiosi ta.

⁷Bukha Iwe OMWAMI Nyasaye! Iwe Nyasaye wanje, umbonie! Ohelesinjia abasuku banje boosi eshinyasio, nomala amaani kabwe akokhuuseera.

⁸Obununulwi burulanga khwiwe OMWAMI Nyasaye, shiakhuha abandubo banyoola tsikhabi!