Read wanga TSITSABULI 30 Bible Online

TSITSABULI 30 - wanga bible

TSITSABULI 30

¹OMWAMI Nyasaye, ndalakhwitsoomia, shichila iwe wambonia, khandi wekalila abasuku banje okhunzeshelela.

²Iwe OMWAMI Nyasaye wanje, ndakhulilila mbu, uhabine, mana niumbonia.

³Wahonokosia okhurula Emakombe. Wahonokosia obulamu bwanje olwa ndali nenjoomile mung'ani.

⁴Mwimbile OMWAMI Nyasaye nimumwitsoomia, inywe abandube abesiikwa; mwitsulile akomutakatifu oyo yakhola, mana mumukhupile orio!

⁵Oburimabwe bubetsangaho butswa ebise bituutu, ne obulayibwe bumenyangaho emiyika chiosi. Kata nendila amasika mushilo, olwa bushia ndalasaangaala.

⁶Ndalola nendi obulayi mana nemboola endi, “Shindilihulwakho tawe.”

⁷OMWAMI Nyasaye, wali omulayi khwisie, niuniinda shinga olwa olukoba lweshikulu lulindanga omundu. Nebutswa niwibisa obulandoleshela ta, mana nemba noburi.

⁸Iwe OMWAMI Nyasaye, ndakhuhabila, khandi nekhusaaya mbu, ukhoonye nemboola endi,

⁹“Nishiina eshia wakhanyoola okhurula khukhufwa khwanje? Neinganga shiina eya wakhoonya okhurula khukhutsia khwanje mung'ani? Abafwa banyala okhukhwitsoomia noho? Mana banyala okhurumbula obulayibwo bwobumeeli noho?

¹⁰Iwe OMWAMI Nyasaye, umbulile niundolela tsimbabasi mana umbonie!”

¹¹Okalukhasiye okhwikhuula khwanje nikhukwa okhushina, khwokhwikhoya. Umbiniekhwo eshibeela niumbotokhasia nende obusaangaafu.

¹²Kho shindalaholeela tawe. Ndalakhwimbila tsinyimbo tsiokhukwitsoomia. OMWAMI Nyasaye, niwe Nyasaye wanje Ndalakhupilanga orio emiyika chiosi.