Read wanga TSITSABULI 32 Bible Online

TSITSABULI 32 - wanga bible

TSITSABULI 32

¹Nabeikhabi abalesheelwe obwonooni bwabwe, abobwonooni bwabwe burusiibweho.

²Noweikhabi owa OMWAMI Nyasaye alamubasiliakhwo obwonooni ta, oubula obukaati mumwoyokwe.

³Olwa ndaloba okhwiyama obwonooni bwanje, ndali nindachoonya okhulila buli lwosi.

⁴OMWAMI Nyasaye, umbelesinjia eshinyasio eshiteere nende eshilo, amaani kanje kahwelelela elala, shinga olwa omunyiri kusambugwa nomubasu kweshimiyu, obunyifu busaangalalanga mumubasu kweshimiyu.

⁵Mana ndakhwiyamila obwonooni bwanje, shindaabisa obumayanu bwanje tawe.

⁶Khulweshio, buli mundu ousuubilanga mwiwe, akhoyile okhukhusaaya iwe mubisebie biamatinyu, olwa omuyembo omukhongo kwamatinyu kwitsa nikwinjila bwangu, shikulamuulakhwo tawe.

⁷Niwe owa ndibisangamwo, uhonokosinjia okhurula mumatimyu. Ndalakhwimbila obutinyu khulwa obuhoniabwo, shichila umboniye.

⁸OMWAMI Nyasaye aboola ari, “Ndalakhwechesia tsinjila tsiokhoyile okhulondakhwo, ndalakhwibaalila nekhuchelela.

⁹Shiolaba omusilu shinga ifarasi noho ipuri, ebia okhuula obiboye nelihana nende omukoye kho mbu, bileshe okhukhurulakhwo tawe.”

¹⁰Abamayanu balisaalila obutinyu, ne obuheeli oburalilu bulafumbeelela owisikanga OMWAMI Nyasaye.

¹¹Inywe abalunjishi, mwikhoye, nimusaangaala mu OMWAMI Nyasaye, mukhupe tsingalakala, inywe mwesi abali abalunjishi mumwoyo.