Read wanga TSITSABULI 4 Bible Online

TSITSABULI 4 - wanga bible

TSITSABULI 4

¹Khumurereesi wetsinyimbo: okhwimbilwa halala nobukhana obwetsinzaha. Itsabuli ya Daudi Iwe OMWAMI Nyasaye, umbulile olwekhusaaya! Wahabina olwa ndali mumatinyu. Ngoosia obukoosia bulano, nohulila amasaayo kanje.

²Inywe abandu, mwakhaanyeche okhuula liina? Mwakhaheele amakhuwa kabutswa nende okhuloonda akobubeeyi okhuula liina?

³Nebutswa mumanye mbu, OMWAMI Nyasaye yeyahulila abesiikwa okhuba abeebe, ne yambulilanga olwa emuhabila.

⁴Nimusinyikha, shimulonoona ta, muyililisie nimuli mubitali bienywe, nimuholeela tsi.

⁵Mumalile OMWAMI Nyasaye emisango echikhoyeele, ne musuubile mu ye.

⁶Baliho abanji abasaayanga nibaboola bari, “Iwe OMWAMI Nyasaye, okhoya wakhuhelesiakhwo khandi tsikhabi, iwe OMWAMI Nyasaye, okhurangaale nende tsimbabasitsio!”

⁷Nebutswa isie umbelesiiye obusaangaafu mumwoyo, okhushilakhwo obwa abali neimele yinyinji nende idivai bali ninabwo.

⁸Ndaleyalisia nengona tsindoolo mumulembe, shichila niwe wenyene OMWAMI Nyasaye, ounindanga obulayi.