Read wanga TSITSABULI 46 Bible Online

TSITSABULI 46 - wanga bible

TSITSABULI 46

¹Nyasaye niye obwilushilo bwefwe khandi amaani kefwe, buli lwosi aliho okhukhuhabina nikhuli mumatinyu.

²Khulweshio kata eshialo nishitechesibwa, nabio ebikulu nibirenga hakari munyanza,

³kata amaatsi keinyanza nikahoola nende okhutuubuukha, nabio ebikulu nibitechesibwa nende amarunda kayo, shikhularia eshindu ta.

⁴Kuliho omwalo okureeranga obusaangaafu khwitookho lia Nyasaye, habundu hatakatifu ha Nyasaye, Omukhongo Muno.

⁵Nyasaye ali mwitookho elo, ne shililasasibwa ta, aletsa mumabwibwi okhulihabina.

⁶Amahanga kariisibwa, nabwo oburuchi butechesibwa. Nyasaye akukuma, nashio eshialo shikhamulukha.

⁷OMWAMI Nyasaye, omwene mahe ali ninefwe, Nyasaye wa Yakobo niye obwilushilo bwefwe.

⁸Yitse mulole ebikhole bia OMWAMI Nyasaye, lolekhwo akamakana kakholile khushialo.

⁹Yakaminjia amahe khushialo shiosi, afunakanga obuyingo nasasia amafumo, khandi asambanga amakaari mumulilo.

¹⁰Nyasaye aboola ari, “Mwihonjeshe, manye mbu, nisie Nyasaye, owoluyali mumahanga koosi, khandi owoluyali mushialo shiosi.”

¹¹OMWAMI Nyasaye mwene mahe ali ninefwe, Nyasaye wa Yakobo niye obwilushilo bwefwe.