Read wanga TSITSABULI 52 Bible Online

TSITSABULI 52 - wanga bible

TSITSABULI 52

¹Mbushiina niwiyitsialilanga obumayanu iwe omundu wamaani? Obwisikwa bwa Nyasaye nobweinziayo.

²Buli lwosi wirechekhanga okhwira abashio. Olulimilwo luli shinga olumwo olumemu. Buli lwosi okhootsanga obubeeyi.

³Waheela amakhuwa amabi okhushila amalayi, khandi waheela obubeeyi okhushila obwatooto.

⁴Waheela okhusaalisia abandu namakhuwako, iwe omundu omubeeyi.

⁵Khulweshio Nyasaye alakhumululila elala, alakhutiila nakhukhwesa okhurula mungowo, alakhurusia mushialo shiabandu bali mwoyo.

⁶Abandu abalunjishi balalola kano ne nibaria, nabo balakhutseshelela nibaboola bari,

⁷“Lolekhwo uno niye omundu waloba okhwilushila khu Nyasaye khulwa okhwihonokosia, ne niyesika obuyindabwe obukhongo, nakhaaba okhwilinda khulwa obumayanubwe omwene.”

⁸Nebutswa isie endi shinga omuseituni kusebukhanga munzu ya Nyasaye. Emiyika chiosi ndisikanga obuheelibwe oburalilu.

⁹Iwe Nyasaye, ndalakhukhupila orio khukawaakholela, ndalarumbula imbeli wabandu mbu, oli omulayi.