Read wanga TSITSABULI 53 Bible Online

TSITSABULI 53 - wanga bible

TSITSABULI 53

¹Abayingwa baboolanga mumioyo chiabwe bari, “Nyasaye shialiho ta.” Boosi bonoonekha, khandi bakholanga akeshisinyo. Shialikhwoho khubo oukholanga amalayi tawe.

²Nyasaye nali mwikulu ahenganga hasi khubaana babandu okhulola nibaba nibalikhwoho abali nobuchesi, abakhaabanga okhumwinamila.

³Nebutswa boosi bashiamile, boosi pe nababi. Abulaho kata mulala oukholanga amalayi tawe.

⁴Nyasaye areebanga ari, “Abakholanga obumayanu abo shibamanyilekhwo ta? Shibalikhwo nobumanyilisi ta? Bekhoonyelanga ebia bayaayile abandu banje, khandi shibaahabilanga isie tawe.”

⁵Nebutswa balatiilwa noburi obukhongo, obwa bashili okhutiilwakhwo ninabo ta, shichila Nyasaye alamulula abasuku babandube, nende okhusalasia amakumba kabwe. Nyasaye amalile okhwikaana abasukube, kho Abaisiraeli balabahulila elala pe.

⁶Esaayanga muno mbu, obuhuli bukhoya bwetsela Isiraeli okhurula Zayuni! Abaisiraeli balasaangaala nibekhoya muno, olwa Nyasaye alabayindihasia khandi.