Read wanga TSITSABULI 56 Bible Online

TSITSABULI 56 - wanga bible

TSITSABULI 56

¹Iwe Nyasaye, undolele tsimbabasi, shichila abandu baseeranga, buli nyanga abasuku banje basandinjia.

²Abasuku banje baseeranga buli nyanga, baliho nabanji muno abanwananga.

³Olwemba neriire, eretsanga obusuubili bwanje mwiwe iwe OMWAMI Nyasaye.

⁴Ndisikanga Nyasaye mana shiendi noburi ta, emwitsoominjia khukayasuubisia, Kho omundu namundu butswa alaakhola shiina?

⁵Buli nyanga abasuku banje basaalisinjia namakhuwa kabwe, buli lwosi bapaaranga shinga olwa banyala okhusaalisia!

⁶Bekhung'asinjia habundu hokhwifisa, nibahenjelesia injenda yanje, nibangoneshela okhunzira.

⁷Iwe Nyasaye, khulwa obumayanu bwabwe, obahelesie eshinyasio, muburumabwo, ohule abandu bano.

⁸Iwe omanyile obunyakhani bwanje, wabubiikha mushitabu eshikanye, khandi shibwahandikwa mushitabushio noho?

⁹Buli olwekhuhaabila, abasuku banje bakalusibungwa inyuma, emanyile mbu kalaba kario, shichila Nyasaye ali ninasi.

¹⁰Ndisikanga OMWAMI Nyasaye, ninditsoomia likhuwalie.

¹¹Esuubililanga Nyasaye ne shindalaria eshindu ta, kho omundu namundu butswa alaakhola shiina?

¹²Iwe Nyasaye, ndalakhuhelesia eshia ndasuubisia okhukhuhelesia, ndalakhuhelesia eshihaanwa shianje shiokhukhuupila orio.

¹³Shichila uhonokosiye okhurula mukhufwa, khandi nochila nendekha okhuhulwa. Khulweshio isie enjendanga imbeli wa Nyasaye, enjendanga mubulafu obwakhanga khubali mwoyo.